Ŋwàʼlè ə̀ Mâk 4:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Kè nyi chwì ə panə pi ashìŋə̀ àkè, ə nyɔ̀ʼɔ mâʼà, m̀ mə zomə kûmə̀ nə ghaŋte tè paʼà tɔ̀ʼ nji əchi àchuŋ.

Ŋwàʼlè ə̀ Mâk 4:6 Iomraidhean Croise

Matyò 13:6

Pîza kə chwì tè payn, ə nyɔ̀ʼɔ̀ èfɨa ətəynve və kwuə, kûmə̀ nə ghaŋtə ghənə̂tè tè pâʼà tɔ̀ʼ nji əchi.

Ŋwàʼlè ə̀ Mâk 4:5

Shi yîghe ə tàyntə̀ elùʼ ə chi, chîmè e tsɨ̀ə va fu, ə zàŋsə̀ folə̀ kə nyî kûmə̀ nə chîəm tè lɔŋɔ va.

Ŋwàʼlè ə̀ Mâk 4:7

Shi yîghe ə tàyntə̀ kəpî elùʼ m̀sòlèndzɔŋ. M̀sòlèndzɔŋ mə̂təynmè ə fɨə ə ghàŋtə̀ kyîə èfɨa ətəynve, və tàʼa pɔŋ.

Ɛfesùs 3:17

kə kyî epomə̂ zaynze nəyn ə Klâys ə fɛtə ndamə kə nâʼà ndò ə ghàyn ə təm. M tsə̂mə̀ nə ghàyn ndəmə əfètəyn èkɔ̀ŋ, fɨnə tɛ,

Kòlosè 2:7

Pomə̂ zɛ ə ghàyn pomə ghɛ zɛ ə tyə̀ynsè sɨ̂nə̀ zaʼle ghàyn nyì səmɔʼ. Ghàyn e fo àzɔ̀ŋnè se Zhə̀fè shîŋə̀ tèkɨ̂m əghɛ ə̀kɨ̂m.

2 Tèsàlonikà 2:10

È tə fɨaʼà nâʼàpî endom epi èkwə̀ se lesê əghɨ ghɛ ə ghe njisə̀ ndûə. Ghənə tə njisə̀ kûmə̀ nə ghənə ə tə tə se kɔ̀ŋə səmɔʼ, kə è sɔza ghənə.

Njə̂m 1:11

Zhwize sa, ze ə nə̀ kɔʼɔ tɛ atɨ̀m ə chwîkè, ze ə nyɔ̀ʼə̀ èwə̂yn ə mbvɨyn, mbulè sətəynse ə zà, tsɔ̂f ə təynze ə njìsə̀. E za nyì kepî èghɨ kə ghɨə ghɨ ekɛghe tə kwuə, ə ghənə ə fètəyn èfɨ̀aʼ zɛ ə ghənə fɨ̂aʼà kè kə ghənə fɨaʼà tûʼmè m̀kɨ̂m.

Njût 1:12

Ezhoghɛ ə ghàyn tsɨsə se zhi efɨazhiəve kə əghɨ epoməghe, ghɨ nə ghɨyn e nyi ke kə eliŋ ə ghàyn əfètəyn ə pɔŋ pəyn tsɨsə sè zhiə, ghomə va. Pîza ghənə nyi kə sengyəyn sɛ ə se kyi va ghomə̂zè, mə ghənə tɔ̂ʼnə̀ kə sê ngɨŋ sə ghənə̂sè. Ghənə nyi kə sembàʼ ə fofke pɨaʼà, pîza pə̂ va è ghol zhîze. Ghənə nyi kə mkaʼ mɛ m̀ mu tsɛ̂ va twɔmve, pi ashìŋə̀ etwɔmke, nyi kə mkaʼ mɛ ə nyi mə ə chɔʼ paʼsə̂ kə è ghaŋte ətəyn, m̀ me nyi mə m̀ mə kwu.

Etyə̂yn ə paynsêzè 7:16

Chɨ̀ŋ tə fɨnə zafə va ghənə, ə pfɨ̀ŋ ə̀ m̀mò tə tàʼa fɨnə zuʼse ə ghənə. Zuʼə̀ ə chwîkè tə fɨnə zuʼə va ghənə,