Ŋwàʼlè ə̀ Mâk 4:34 - Ŋwàʼlè ə̀ Fèzhə̀ Mkâyn Mə̂ Fèm

³⁴ È paʼà là tsayn ghɛze sê ghənə nâʼà emɔ̀ʼ ndɔ̀ʼɔ è mɛ sə ngàyn. Pîza shîŋə̀ kɛ ə è tè nyì və̂yn nɨŋ è chùmtè èpàm sə vəynse, È və fɛtə̂ tsâ èghɛ zɛ ə ngàyn sə təynse zaʼlə.

Ŋwàʼlè ə̀ Mâk 4:34 Iomraidhean Croise

Matyò 13:34

Njisə̀s tè zaʼlê əghɛ nə ghɨyn sê ghɨ nâʼà əkɨ̂m kə sengàyn, È tè piə va ghɛ sê ghənə emɔ̀ʼ ndɔ̀ʼɔ è mɛ̀ sə ngàyn.

Ŋwàʼlè ə̀ Mâk 4:10

Ə pə̀ kə Njisə̀s nyì və̂yn nɨŋ chùmtè èpam sə vəynse njòse pɛ̀ è ghɨ mɔ̀ʼɔ ghɛ ghe tè nyì fu ə pìə se vəyn nə è tsayn ghɛ zɛ ngàyn sɛ tyə̀nə̀.

Ŋwàʼlè ə̀ Mâk 4:33

Njisə̀s ə tè tsàyn ghɛ ə Fezhə̀zè sê ghənə tɔynə̂ ə sengàyn nyiə kə sɨ̂nə̀ mə se tsɨ̀ə kə nyi; ke endom kə ghənə zɨ kê.

Tom èchùŋ kè kə Lûk tè nyaʼ 24:27

È və wàmnə̀ zâ, ə pìə paynsə̂ əghɛ ghɛ ə tè pì ə Ŋwàʼlè ə Fèzhə̀ kûmə̀ ngɨŋə̂ vəyn, sè zhə̀tè kə ə ŋwàʼlè ə Mosîs se ndùə tayn əfètə̂ sèfɨ̀aʼtè.

Njɔyn 10:6

Njisə̀s ə mɛ̀ ngàyn nə zɨ̀yn, pîza ghənə ə tàʼa zɨə kê eghɛ zɛ ə È pìə.

Njɔyn 16:25

“M wâmnə̀ ə sengàyn se pì əghɛ ghɨ̀yn se ghàyn. Pîza shîŋə̀kè pə̀ ndò mə M tə nə̂ ə Mə wàmnə̀ va ə sengàyn, pîza M lote wâmnè ə ndayn sê ghàyn kûmə̀ Pɨ̀a Vɨ̂m.

Ətefɨ̂aʼ 28:23

Ghənə ə ndə̀mə̀ etuʼ se pə zɨtê se Pɔ̂l. Tuʼ ətəynve ə kwəynə, ghənə ə fɨə nâʼà setsɨ̀ ə pə̀ elùʼ vɛ ə Pɔ̂l tè ndamə ətəyn. È və pɨsə̂ zhə̀tə̀ se wàmnə̀ sê ghənə, ə nə̀ wàmnə̀ kə nyi ə ndùə tânə̀ ashìŋə̀ ezhwikwɨləke, ə fɛtə̂ tsâ paynsə̂ èghɛ zɛ ə è tè kyi se tsàyn sê ghənə kûmə̀ èfɔyn ə Fezhə̀vè. È və mɔ̀msə̀ se nə̀yn nə ghənə ke Njisə̀s. È və fɨnə pîə ə̀ghɛ ghɛ ə ghe fɨ ə ŋwàʼlè Àlâŋ zɛ ə Mosîs tè pə̀yn è zə̂yn è kɨ̂sè ə ŋwàʼlè ə̀ sèfɨ̀aʼtè kə ghənə pomə nə Njisə̀s nyi Klâys.