Ŋwàʼlè ə̀ Mâk 4:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Pîza ghɨ ghɛ ə ghe nyi kə ngwàʼ zɛ ə è tàyntè mchi mê chùŋə̀m, nyi ghɛ ghe zɨə ghɛ ə Fezhə̀zè, ghənə ə kyîə kə ndò, zə pɔŋə tèpuʼ, zhîze e kyi ə̀shi m̀ghɨm ta, zhîze kyi ə̀shi m̀ghɨm tufə, zhîze kyi ə̀shi ewə̀.”

Ŋwàʼlè ə̀ Mâk 4:20 Iomraidhean Croise

Matyò 13:23

Pîza ngwàʼ zɛ ə è tè tàynte mchi mêchùŋə̀m nyi kə ghɨ ghɛ zɨə ghɛ ə Fezhə̀zè, ə zɨə kê zəynze. Kyì ə ghɨ̀ ghɨ̂yn nə̂ əghɛ əchûŋə̀ kè kə epuʼ ə sɔ̀f zɛ ə ze kɔʼ, zə mɔ̀ʼɔ ze kyi ə̀shi ewə̀ atu, zə mɔ̀ʼɔze kyi ə̀shi m̀ghɨm tufə, zə mɔ̀ʼɔze kyi m̀ghɨm ta.”

Matyò 13:8

Shi yîghe ə tàyntə̀ mchi mêchùŋə̀m, ngwàʼ ə̀təyn ə kɔʼɔ ə pɔŋə nâʼà àchûŋ. Puʼ tîte kyi ə̀shi ewə̀ atu, yîghe m̀ghɨm tufə, ghəmɔ̀ʼɔ m̀ghɨm ta.”

Ŋwàʼlè ə̀ Mâk 4:8

Shi yîghe ə tàyntə̀ kə nâʼà ə mchi mê chùŋə̀m. Ngwàʼ ə̀təyn ə fòlə̀ ə ndəmə̂ ə pɔŋɔ. Puʼtə mɔ̀ʼɔte e fɨə kyi ə̀shi m̀ghɨm mta, tə mɔ̀ʼɔte kyi ə̀shi m̀ghɨm tufə, tə mɔ̀ʼɔte kyi ə̀shi ewuʼə.”

Tom èchùŋ kè kə Lûk tè nyaʼ 8:15

Zhi zɛ è tàyntè əmchi mê chùŋə̀m nyi kə əghɨ ghɛ ə ghe zɨ ghɛə Fezhə̀e, ə kyiə kə səmɔʼ è təm əchûŋə̀, ə ndə̀mə̀, ze muə etwɔm ə ghənə endam.

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Njɔyn 15:2

È tsɔynə màʼa nâʼàpî ngɔyn èkè ə Mì ewìyn zɛ ə è muə va twɔmve, fɨnə chɔʼtə̂ tsɨsə̀ sèngɔyn sɛ ə se muə va twɔmve, kə fə zo kɛsə̂ muə ètwɔm etsɨəve

Ŋwàʼlè ə̀ Pɔ̂l sê ghɨə Lûmghè 7:4

Ghɔnyì ghɨmə, ə̀ nyi zamə kə ze nyi kepî se ghàyn. Lâŋkè fɨyn kiva tyaʼke ə ghàyn ə tu kûmə̀ nə Njisə̀s ə kwu, ghàyn ghe kwu kepî. Zôyn, ghàyn nyi əghɨ ə wûə ndòghè, ə Njisə̀s vɛ ə Zhə̀fè nyi mə Fe ə zomsè kə ghàyn ə nyi kàʼa ə ghàyn fɨ̂aʼ sê Zhə̀fè achûŋ.

Filìpây 1:11

Ə ze se nyi nyî ə Njisə̀s Klâys nəyn, ə ghàyn ə ndamə èndam ə chichize, kə ghɨ fe ə fo èpomsê sê Zhə̀fè, fɨnə tsîtə̀ fəynfe.

Kòlosè 1:10

Zɨnə mə tə nə̂ ə ndam zaynze ə nyi kə ndam ə ghɨ̀ ə Fezhə̀zè kyi sə̂ nyi. Ghàyn tə nə̂ ə nə̂ ə̀ghɛ ghɛ ə ghe nə nə̂ vəyn è ve saŋnə̂. Ghàyn tə nə̂ ə nə̂ kə ə̀ghɛ ə chûŋghè. Ndom vɛ ə ghàyn tə ke Zhə̀fè ətəyn tə nə̂ ə ve ə ndəmə̂ nduə kə èshike.

1 Tèsàlonikà 4:1

Se mɨsè ə ghɔnyiə, ghàyn tè zaʼle sê ghàs ndom vɛ ə kaʼa ndamə ətəyn se nə̀yn nə Zhə̀fè ə saŋnə̂. Səmɔʼ ə̀ vɨnə mə nyi ke nâʼà èndom vɛ ə ghàyn ndamə ətəyn. Ghàs chyatə̂ ghàyn zôyn nâʼà sə ŋaŋ, ezə ə Pɛ̂pɛ Njisə̀szè nə ghàyn fɨyn nəyn tsɛ za.

2 Pità 1:8

Ə ghàyn nə̀ ghɛ nə ghɨ̂yn, nə̂ ndûə kə eshike, ghɛ zɛ ə ghàyn nə̀ ke kûmə̀ Pɛ̂pɛ ə̀ ghâsènì Njisə̀s Klâys ndəmə, ə twɔm echûŋvè mu ə ghàyn endam.