Ŋwàʼlè ə̀ Mâk 4:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ pîza fɨmsê ə mbize è kɔ̂ŋ zɛ ə ghənə kyi sê ghaʼtə mbite, è ghɛ mbi ə mɔ̀ʼɔ ə pə̀ ghâŋtə̀ ə̀təm ə ghənə̂ghè, zə tàʼa mu etwɔm ə ghənə endam.

Ŋwàʼlè ə̀ Mâk 4:19 Iomraidhean Croise

Matyò 13:22

Ngwàʼ zɛ ə è tè tàynte əfètə̂m m̀sòlèndzɔŋ nyi kə wùə vɛ è zɨə ghɛ ə Fezhə̀zè, ghɛ mbiə è kɔŋè kûmə̀ èghaʼ ə mbize ə lwiynsə̂ ə̀təm ə vəynghe. Zɨnə mə ə nə̀ vəyn è vayn kaʼa è kwiyne ə və sepi.

Matyò 19:23

Njisə̀s ə ke pì sê chùmtè èpàm sə vəynse nə, “M pîə sê ghàyn səmɔʼ nə, e tə nə̂ ə zə tɛ nâʼà sə ŋaŋ sê wùə èghaʼâ se nji elùʼ efɔ̂yn ə Fezhə̀vè.

Matyò 3:10

Njàm nyîə nyi è pɨaʼtêzè se kwə̀lə̂m mkâʼ ə te ghàŋ. Ə faŋ pî fèkâʼ fèkè se mu etwɔm echûŋvè, ə kwə mâʼà ewùs.

Ŋwàʼlè ə̀ Mâk 4:18

Ghə mɔ̀ʼɔ ghe nyi kepî kə ngwàʼ zɛ ə è tàyntè elùʼ ə Msòlèndzɔŋ. Ə̀ nyi ghənə ghɛ ə zɨə ghɛ ə Fezhə̀zè,

Tom èchùŋ kè kə Lûk tè nyaʼ 10:41

Pɛ̂pɛ ə tɔŋtə̂ vəyn ə pìə sê vəyn nə, “Maltà, Maltà, ghɛ nyiə fo ètsôs sê ghò, tsɨ̀ə kə nyi.

Tom èchùŋ kè kə Lûk tè nyaʼ 21:34

Ghàyn tɔ̀ʼnə̀ kə è ngɨŋ saynse, polə za ə cho ezhiəze, è siə ə mlɨ̀ə, è ndwə̂ etɨme kûmə̀ əghɛ ə mbiə ə nə̂ puʼse shi ə ghaynghe, ə tuʼ nə vɨnə tə pfɨ̂ŋə̀ ko ghàyn kə atam.

Njɔyn 15:2

È tsɔynə màʼa nâʼàpî ngɔyn èkè ə Mì ewìyn zɛ ə è muə va twɔmve, fɨnə chɔʼtə̂ tsɨsə̀ sèngɔyn sɛ ə se muə va twɔmve, kə fə zo kɛsə̂ muə ètwɔm etsɨəve

Ŋwàʼlè ə̀ Pɔ̂l sê ghɨə Lûmghè 12:2

Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.

Ɛfesùs 2:2

Ghàyn tè ndamə kə ə sepi nə sɨ̂yn kə ghàyn tè pa chûmtə̀ ə̀ghɛ ə mbiə, zɨə sê fɔ̀yn vɛ ə è saʼa zuʼse pi sɛ ə se tàyntə̀ tsɛ̂ ekwùtwəyn, ə nyi sèzuʼ sɛ ə se chisə ghɨ ghɛ ə ghe zɨə va sê Zhə̀fè.

Ɛfesùs 6:12

Ghàyn nəyn nyi kûmə̀ nə ghâsènì nô va ghɨghe. Ghâsènì pɨlə nô sèzu se pi sɛ ə se tàyntə̀ tsɛ̂ ekwùtwəyn è twɔʼ vɛ ə ve saʼa mbi zɨ̀yn nâʼà èkɨ̂m è zhə̀ mə mbimè.

Filìpây 4:6

Kə ghàyn fɨyn kayn mbi kûmə̀ èghɛ. Ghàyn e pɨlə tsə̂mə̀ kə ndò, ndɔnə nâʼàpî ghè sê Zhə̀fè kə ghàyn kyiŋə. Ə ghàyn tsə̀mə̀, ghàyn e fo àzɔ̀ŋnè sê Vəyn.

1 Timotì 6:17

Tsɛ̀se sə alàŋ nə ghɨ ghɛ ə ghe kyi ghaʼze è fɨa ə mbive, nə kə ghənə ə kyi èghaŋsê ewìynze, ə pɨl ndəm èkwaʼtè ə ghənə̂zè e fɨa nə vɨnə mə, pîza ə pɨl ndəm se Zhə̀ Fɛ ə fe fo nâʼàpî àkè sê ghâsènì.

2 Timotì 4:10

Kûmə̀ nə Ndemàs nyîə kɔ̂ŋə̀ èfɨa ə mbi ə̀ zôynvè, ə tə za mi, ə ndùə ə Tèsàlonikà. Kɨ̀lisèns ə ndù ə Ngàleshyà, Taytùs ve ndù ə Ndàlàmatyà.

2 Pità 1:8

Ə ghàyn nə̀ ghɛ nə ghɨ̂yn, nə̂ ndûə kə eshike, ghɛ zɛ ə ghàyn nə̀ ke kûmə̀ Pɛ̂pɛ ə̀ ghâsènì Njisə̀s Klâys ndəmə, ə twɔm echûŋvè mu ə ghàyn endam.

Njût 1:12

Ezhoghɛ ə ghàyn tsɨsə se zhi efɨazhiəve kə əghɨ epoməghe, ghɨ nə ghɨyn e nyi ke kə eliŋ ə ghàyn əfètəyn ə pɔŋ pəyn tsɨsə sè zhiə, ghomə va. Pîza ghənə nyi kə sengyəyn sɛ ə se kyi va ghomə̂zè, mə ghənə tɔ̂ʼnə̀ kə sê ngɨŋ sə ghənə̂sè. Ghənə nyi kə sembàʼ ə fofke pɨaʼà, pîza pə̂ va è ghol zhîze. Ghənə nyi kə mkaʼ mɛ m̀ mu tsɛ̂ va twɔmve, pi ashìŋə̀ etwɔmke, nyi kə mkaʼ mɛ ə nyi mə ə chɔʼ paʼsə̂ kə è ghaŋte ətəyn, m̀ me nyi mə m̀ mə kwu.