Ŋwàʼlè ə̀ Mâk 4:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Ghənə zɨə, pîza è zə tàʼa kyî ə teghaŋ ə ghənə ətəm, ghənə ə pomə̂ kə sə fendîŋə̀ fə ashìŋə̀fè. Ə ngəʼ pə̂yn kɨ̀sə etsôs, ghənə ə zàŋsə̀ tə zâ.

Ŋwàʼlè ə̀ Mâk 4:17 Iomraidhean Croise

Matyò 11:6

E nyi tayn zàyn saŋnêzè sê wùə vɛ è mɛnə va Mìə!”

Matyò 12:31

Kûmə̀ zɨnə mə, M tsâ se ghàyn nə, Zhə̀fè tə lɛsə̀ fo ə̀ghɨ nâʼàpî ə pi èkè zɛ ə ghənə nyi mə nə̀yn è nâʼàpî èsôylè èkè zɛ ə ghənə nyi mə ə sòylè Zhə̀fè. Pîza ə pì nâʼàpî ndè ghɛ epi kûmə̀ sèzuʼ se Ŋwaʼase, ə tə tàʼa lɛ̀sə fo vəyn.

Matyò 13:21

Pîza tom nə zɛ ə pâʼà lotə njiə tyə̂m ə ghənə ətəm. Ghənə ə pomə̂ zə̂ynzè kè sə fendiŋə̀ fe tətə̂fè pîza Shɨ̂ŋə̀ kɛ ə tsôsvè kɨ̀sə etsə̂fsè pə̀yn kûmə̀ tom ə̀təyn, ghənə ə kɛsə̂ ndûə epàm.

Ŋwàʼlè ə̀ Mâk 4:16

Yîghe nyi kə ngwàʼ zɛ ə è tè tàynte əfètə̂ ə̀chi. Kyì əghɨ̀ nə ghɨynə za zɨə èghɛ ə Fezhə̀zè, ghənə ə zàŋsə̀ pomə̂ kə ndò è saŋnêzè.

Ŋwàʼlè ə̀ Mâk 4:18

Ghə mɔ̀ʼɔ ghe nyi kepî kə ngwàʼ zɛ ə è tàyntè elùʼ ə Msòlèndzɔŋ. Ə̀ nyi ghənə ghɛ ə zɨə ghɛ ə Fezhə̀zè,

Tom èchùŋ kè kə Lûk tè nyaʼ 12:10

Zhə̀fè tə lɛ̂sə̀ fo naʼapi ndè vɛ ə è pi ghɛ epize kûmə̀ Va Wùə, pîza ə è tàʼa lɛ̀sè ə fo wùə vɛ ə è pi ghɛ epize kûmə̀ Sezuʼ se Ŋwaʼase.

Njɔyn 8:31

Njisə̀s ə pìə sê ghɨ ə Njûs ghɛ ə ghe tè pomə sê vəyn nə, “Ə ghàyn chùmtè zaʼlê zɨme, ə ghàyn ə lote nyi sèchùmtè èpàm Sɨmse.

Ngàleshyà 6:12

Ghɨ ghɛ ə ghe kitə ghàyn nə ghàyn se nam ghaynghe nyi ghɛ ə ghe kyiŋə sə̂ tyə̂nə̀ èwiyn əghɛ ə senjà sə ewìynse. Ghənə nə̂ kə zɨnə mə kûmə̀ nə ghənə fànə̀ nə ə nə̀ tsəfsè ghənə ezhoghɛ ə ghənə zaʼlə ghɨ kûmə̀ èkwu ə Klâyszè awâmnè.

2 Timotì 1:15

Ò ke ndô nə nâʼà ghɨ ə pomə ghɛ ə ghe nyi apàs endaʼ ə Esiyàkè pâʼsə kə è Fìnjelùs è Èmònjenàs əkɨ̂m ə tə za mi.

2 Timotì 4:10

Kûmə̀ nə Ndemàs nyîə kɔ̂ŋə̀ èfɨa ə mbi ə̀ zôynvè, ə tə za mi, ə ndùə ə Tèsàlonikà. Kɨ̀lisèns ə ndù ə Ngàleshyà, Taytùs ve ndù ə Ndàlàmatyà.

2 Timotì 4:16

Ə̀ tè nyi kə m tyəm elùʼ ə saʼ se wàmnè se tyə̀yn nə m paʼà nə̀yn pofsê, ghɨghe əkɨ̂m ə tə zâ mi. Tsə̂m zɨmze nyi nə Zhə̀fè wəyn mâʼà èghɛ nə zɨnə ə ghənə tè nəyn nyi.

Ipilù 10:29

Ə ze tè nyi zamə, ə ze tə pə̂ ə zə nyi nâʼà zàyn sê ghɨ ghɛ ə ghe nyaŋə màʼà Va Fèzhə̀ ə? Ze tə pə̂ ə ze ə nyi nâʼà zàyn sê wùə nə vɨ̂yn ə è tàʼa njiə mndəm mɛ ə Zhə̀fè zhi kâynmè ətəyn mə m̀ shùə tsɨsə̀ pi sə ghənə̂sè sə eghɛ ə? E za tə pə̂ ə ze ə nyi nâʼà zàyn sê wùə nə vɨ̂yn ə è sòylə̀ Zuʼsə ə Fezhə̀sè, ə nyi səynse ə se tyə̂nə̀ təm əchûŋ ə Fèzhə̀ghè ə? Lote kwàʼte tso kə pɔynsê zɛ ə ghənə kyi sə̂ kyi tə pə̂ ə ze ə tsɨ̂ə tâ.

1 Njɔyn 2:19

Ghɨ ghɨ̀nə tè fɨ ə ghâsènì ə sendɛ sə Fezhə̀sè, pîza mə ghənə tè va afɨa àmɔ̀ʼ ghasènyìə ghə̀ ghənə. Ə̂ tè nyi kə ghənə ə nyi ə̀ghɨ ə ghasènìghe, mə ghənə ə tə faŋ ghasènyìə ghə̀ ghənə. Ə̀ tè nyì kə ghənə ndô, zɨnə mə ə tyə̀nə̀ ə ndayn nə ghənə əkɨ̂m tè va ghasè nyìə ghə̀ ghənə.

Etyə̂yn ə paynsêzè 2:10

Fekə! Kə ò nə fayn ètsôs vɛ ə ò njiə ndùə ətəyn. Ndə̂plè nə̂ nə ə kyi ghàyn yîghe ə ndəm ə ndɛ̂ chaʼ, ə̀ nyì ke emɔ̂m kə ze pə̂ sê ghàyn. Ghàyn nə fe ètsôs fu sə mtuʼ mghɨm. Mə ə nyi pî se zhwi ə ghàyn, ghàyn e samsə̂ kə ndò mi, ə m tə fo èndam zɛ ə ze tə mîə va sê ghàyn, ə̀ nyi àfɔ kayn kə tefɔ̀ynkè ə ke tyə̂ynə̀ nə ghàyn ə nò ə zhiə.

Etyə̂yn ə paynsêzè 2:13

M nyiə ke eluʼ vɛ ə ò ndamə ətəyn. Ò ndamə elùʼ Satàyn e saʼa efɔ̂yn ə vəyn fu. O tə fɛte tyə̂m àchuŋ ə gho ekyî epomə̂zè sê mi ə tàʼa ə mɛnê ezə zɨmze nâʼàpî etuʼ vɛ ə tè zhwi Antipàs ətəyn vɛ ə è tè ndàʼa tom kûmə̀ mi è təm ə vəynghe əkɨ̂m. Ə tè zhwi vəyn elùʼ vɛ ə satàyn ndamə.