Ŋwàʼlè ə̀ Mâk 4:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ È və pìə sê ghənə nə, “Zhə̀fè ə fo ghàyn tyaʼa sə̂ ke ə̀ghɛ əndətə kûmə̀ èfɔ̂yn ə Fezhə̀vè, pîza e kyi sə̂ zaʼlə̂ ə̀ghɛ ətəynghe sê ghɨ yiə kè ə sengàyn.

Ŋwàʼlè ə̀ Mâk 4:11 Iomraidhean Croise

Matyò 11:25

Fumə ashìŋə̀ Njisə̀s ə pìə nə, “Pɨ̀a vɨ̂m, Pɛ̀ àwulə è chike, m fo àzɔ̀ŋnè sê ghò kûmə̀ kə ò ndə̀tə̀ ghɛ ghɨ̀yn sê ghɨ ghɛ ə ghənə kwâʼtə̀ nə ghe tɔfə ndò ə tyə̀nə̀ ə̀ghɛ ətəynghe sê mɨ̀ətə̀ mê tətə̂m.

Matyò 13:16

Njisə̀s ə tsà kwəynsə̂ sê chùmtè èpàm sə vəynse nə, “Pîza pɔsêzè nyì sê ghàyn kûmə̀ nə ghàyn fe ndò ghɛ ghɛ ə ghàyn nyì se fe, zɨə ghɛ ə ghàyn nyì se zɨ.

Matyò 16:17

Njisə̀s ə pə̀ynsə̀ se vəyn nə, “Pɔsê nyì sê ghò ə Shimùyn va Njonà. Ə vachi wùə m̀sɔ̀ŋ kə è tsàyn zɨnə mə sê ghò, pîza ə nyi Pɨ̀a vɨm vɛ ə è nyi ekwùtwəyn kə è nə̀yn nə ò pi zamə.

Ŋwàʼlè ə̀ Mâk 3:23

Njisə̀s ə tɔŋɔ̂ ghənə ə ke mɛ̀ ngàyn zhîzè sê ghənə nə, “Satàyn kàʼa è və chumə̀ fɨsə̂ zàyn Satàyn ə?

Ŋwàʼlè ə̀ Mâk 4:10

Ə pə̀ kə Njisə̀s nyì və̂yn nɨŋ chùmtè èpam sə vəynse njòse pɛ̀ è ghɨ mɔ̀ʼɔ ghɛ ghe tè nyì fu ə pìə se vəyn nə è tsayn ghɛ zɛ ngàyn sɛ tyə̀nə̀.

Ŋwàʼlè ə̀ Mâk 4:2

È və zaʼlə̂ ghənə è ghɛ ghe tsɨ̀ə kə nyî kè ə sengàyn. È və mɛ̀ ngàyn sê ghənə nə:

Tom èchùŋ kè kə Lûk tè nyaʼ 8:10

Njisə̀s ə pə̀ynsə̀ nə, “Zhə̀fè ə fo tɔfe sê ghàyn nə ghàyn ə zɨə kê əghɛ ndətə ghɛ ə ghe nyi kûmə̀ èfɔ̂yn ə Fezhə̀e, pîza sê ghɨə mɔʼɔ, m nə wàmnə̀ kə ə sengàyn kə ghənə ə naynə̂ tèluʼ pîza fe va fɨa, zɨə əghɛ pîza kê va ghɛ zhize.”

1 Kɔlìŋ 4:7

Ə̀ pi nde sê ghò nə ò tsɛ̀ ndò ghɨ mɔ̀ʼɔ ghə? Ò kyi nâʼà ghè mə ə paʼà fo Zhə̀fè se ghò ə? Ò nyiə kàʼa o kyi àfɨa mə ə fo ndô, ghaŋsə̂ èwiyn ətəyn kəpiə ə pâʼà fo ndô kûmə̀ ghè?

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

Ɛfesùs 1:9

Zhə̀fè ə nə̀yn nə ghâsènì ke ghɛghe mə Fe ə tè pɨaʼte, ə̀ ke ke Fəynfe. Fe tè nəyn nyi kûmə̀ nə Fe ke kə ə̀ghɛ ə̀kɨ̂m. È tè pɨaʼte əghɛ nə ghɨynə nə ghe kyayn tɔynə̂ ə Klâys, mə ə̀ kɔ̀ŋ ke vəyn nə ze ə nyi endom nə vɨ̂yn.

Kòlosè 4:5

Ghàyn e tɔfə endom vɛ ə ghàyn ndamə ətəyn ghâynghə̀ ghɨ ghɛ ə̀ va əghɨ epoməghe, nə̂ èfɨaʼ echûŋzè nâʼàpî ətəfè zhəmə̂ fèkè fɛ ə ghàyn kyi.

1 Tèsàlonikà 4:12

Ə ghàyn nə̀ nyî ə ghɨ ghɛ ə va əghɨ ə poməghe ə ngɨmnə̂ ghàyn, ə ghàyn ə naynə̂ va sê wùə vîvè.

1 Timotì 3:7

Ə̀ kyi sə̂ nyi wùə, mə nâʼà ghɨə mɔʼɔ ghɛ ə ghe pa tsɨs ndɔʼɔ pomə naynə̂ vəyn, è ve kɔʼnə̂ kə ghɨə tə tàʼa ghomsə vəyn, ə è pfɨ ə ndə̂plè atam.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.