Ŋwàʼlè ə̀ Mâk 3:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Ə tè fɨyn nyi Andɨ̀lò, è Filìp, è Pàtòlòmiyà, è Matyò, è Tɔ̀mɔ̂s, è kɨsè Njə̂m ə va Àfeyùs è Tàtyə̂s è Shimùyn ə wùə ə fètə̂ anɔ̀yn kɛ ke pomə se kwu sê ndaʼa ghənə̂zè,

Ŋwàʼlè ə̀ Mâk 3:18 Iomraidhean Croise

Matyò 13:55

Ə̀ vɨnə va ke nâʼà vâ wùə vɨ̀nə è kɔmə fɨave nyîə? Ə va Mèli kə è piə və? Ghɔnyiə vəynghe va Njə̂m, è Njosɛ̀f, è Shimùyn è Njondàs ə̀?

Matyò 9:9

Njisə̀s ə ndò fumə ə piə è ndùə ndò ə fe wùə è tənə nə̂ sè tâks, zə vəynze e nyi Matyò. Matyò tè tsɨs apfɨ̀ə kɛ ə tənə tâksè ətəyn. Njisə̀s ə pìə sê vəyn nə, “Chùmte mi.” Matyò ə ndwìə ə chùmtə̀ Njisə̀s.

Ŋwàʼlè ə̀ Mâk 2:14

è və piə è tsɛ̀ ndò ə fe wùə è tənə nə̂ sètâks e tɔŋtə nə Levì, ə va Àfeyùs. Levì tè tsɨs ə ndɛ zɛ ə è tè tənə tâksè ətəyn. Njisə̀s ə pìə sê vəyn nə, “Chùmte mi.” Kè sə ashìŋə̀, e və ndwìə ndùə kə vəyn epàm.

Ŋwàʼlè ə̀ Mâk 3:17

è Njə̂m yî ànyìə vəyn Njɔyn, ə ghɔ Zepɛndì. (Njisə̀s ə tsɨ̀ ə kwəynsə̂ èzə zhîze sê ghənə nə Pòwananjìs, mə e za pìə nə ghɔyn eghole pɨaze).

Ŋwàʼlè ə̀ Mâk 3:19

è Njondàs Èskalɔ̀t vɛ è tè kyi se pəʼlê Njisə̀s.

Ŋwàʼlè ə̀ Mâk 6:3

Piə ə nyi va wùə vɨ̂yn ə è kwìə kɔmə fɨa və? Pîə nyi vâ Mèli? Piə ghɔnyì ə vəynghe nyi Njə̂m, è Njosɛ̀f, è Njondàs, è Shimùyn? Piə ghɔnyì ə vəynghe zənə ndamə ə ghâsènì əfètəyn nə?” Kûmə̀ zamə ghənə zhə̀tə̀ sə̂ pànə̀ vəyn.

Njɔyn 1:40

Wùə èmɔ̀ʼ əfètə̂ ə̀ghɨ nə ghɛ tè nyi Andɨ̀lò, ə ànyìə Shimuyn Pità.

Njɔyn 11:16

Tɔ̀mɔ̂s vɛ ə tè tɔŋtə kəpî nə, (Epɨâʼsè) ə pìə sê chùmtè epàm sə Njisə̀s shise nə, “Ə ghâsènì əkɨ̂m ndo ndu ke ghasènyìə ghə̀ Tyə̀ynsè, kə ghâsènì nə̂ kwu paʼsê è vəyn.”

Njɔyn 14:22

Njondàs, (ə̀ vachi Njondàs Èskalɔ̀t) ə pfɨfə nə, “Pɛ̂ Ò nə̀ tyə̀nə̀ paynsə̂ zàyn wiyn vɛve sê ghàs, ə Ò tàʼa tyə̀ynə paynsê sê mbi ə?”

Njɔyn 21:2

Tuʼ fîfe, Shimuyn Pità, Tɔ̀mɔ̂s vɛ ə tè tɔŋtə̂ nə, (Apɨaʼsè), è Nàtanyèl (ə vɛ ə è tè ndô ə Kanà apàs endaʼ ə Ngalìlîkè), è ghɔ ə Zepɛ̀ndîə, è chùmtè èpàm sə Njisə̀s shîse sepɛ̀, ə zùŋtə̀ luʼve emɔ̀ʼ.

Ətefɨ̂aʼ 1:13

Ghənə pə̀ tâ ə Njèlusalɛ̀m ə njiə kɔʼɔ ndùə ə lûm ə̀ ndɛ èkwùtwəyn zɛ ə ghənə tè ndamə ətəyn. Ghɨ ə tom nə ghɨnə tè nyi Pità, è Njɔyn, è Njə̂m, è Andɨ̀lò, ə nyi Filìp, è Tɔ̀mɔ̂s, ə nyi Pàtòlòmiyà, è Matyò è Njə̂m ə va Àfeyùs, è Shimùyn vɛ ə è tè kàʼa è kwu kûmə̀ èndaʼ ə vəynze, ə̀ fɨyn nyi Njondàs ə va Njə̂m.

Ətefɨ̂aʼ 15:13

Ə pə̀ kə ghənə wâmnè mɨ̂sè, Njə̂m ə ndwìə pîə nə, “Ghàyn zɨte sê mi ə soyn sɨmse.

Ətefɨ̂aʼ 21:18

Tuʼfe komtəfe, Pɔ̂l è ghàs ghe tsɨəghe ə ndùə fe Njə̂m, chəʼsə ndɛ ə̀ Fèzhə̀ sekɨ̂m e nyi fu.

1 Kɔlìŋ 15:7

È və tyə̀ynə̀ ngɨŋə̂ vəyn sê Njə̂m ə fɨnə tyə̂nə̀ se ghɨətomə nâʼà ə̀kɨ̂m.

1 Kɔlìŋ 9:5

E za nyi nə ə̀ va eluʼ vasve se njiə wùzhɔyn è pomə sə zhwi, sə̂ kwîə è vəyn kepî kə̂ əghɨtom ə mɔ̀ʼɔghe, è ghɔnyì ə Pɛ̂pɛghe, è Sefàs mə?

Ngàleshyà 1:19

M tè paʼà fɨyn fe wùətom ə̀ mɔʼɔ fu, wùə vɛ ə m tè fe fu tè nyiʼe nyi ke Njə̂m, ə ànyì ə̀ Pɛ̂pɛ ə̀ ghâsènì.

Ngàleshyà 2:9

Shîŋə̀ kɛ ə Njə̂m, pità è Njɔyn, ghɨ ghɛ ə tè fe sə etu, kə ghənə tè fe kê nə Zhə̀fè ə fo fɨaʼə m̀kɔʼnè kɨnə se mi, ghənə ə tɔŋtə̂ mi ghasè Pànapàs se tyə̀yn nə ghasè ghə̀ ghənə fɨaʼà sə eghɛ èmɔ̀ʼ. Ghâsè ghənə ə ke ndə̂m nə, ghàs nə ndàʼà tom èchùŋ sê ghɨ ghɛ ə̀ vachi ə̀ghɨ ə Njûsghè, ghənə e ndàʼà sê ghɨ Njûsə̀.

Njə̂m 1:1

Ə̀ nyaʼ Njə̂m ŋwàʼlè zɨ̀nə̀, ə wufɨ̀aʼa ə Fèzhə̀, è və̂ Pɛ̂pɛ Njisə̀s Klâys. M fo pə̂ ètɔŋtê sê tâŋ tə Isìlâytè eghɨm njòse pɛ̀ tɛ ə te nyi mə te ə waŋ ndu ke mbi èkɨ̂m.

Njût 1:1

Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.