Ŋwàʼlè ə̀ Mâk 3:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ è Njə̂m yî ànyìə vəyn Njɔyn, ə ghɔ Zepɛndì. (Njisə̀s ə tsɨ̀ ə kwəynsə̂ èzə zhîze sê ghənə nə Pòwananjìs, mə e za pìə nə ghɔyn eghole pɨaze).

Ŋwàʼlè ə̀ Mâk 3:17 Iomraidhean Croise

Matyò 4:21

Kə ghənə tè kɨŋte ndu se chə, Njisə̀s ə fe kwəynsə̂ ə̀ ndômnè ə̀ pɛ̀, ə Njə̂m yî Njɔyn mə nyi əghɔ Zepɛ̀ndîə. Ghənə tè nyi ə ngwùʼ èghaʼâ yîghə̀ pɨ̀a, pɨaʼtə̂ m̀làm mə ghənə̂m. Njisə̀s ə tɔŋɔ̂ ə̀ghɔ nyì ghɛ ə̀pɛ̀ nə ghənə chumte Vəyn.

Ŋwàʼlè ə̀ Mâk 10:35

Njə̂m yî Njɔyn, mə nyi ə ghɔ Zepɛndîə ə fɨtə̂ pə̂ əshi ə pìə sê Njisə̀s nə, “Tyə̀ynsè, ghàs kyiŋə nə ò nəyn nâʼàpî èghɛ èkè zɛ ə ghàs pfɨfə sê ghò.”

Ŋwàʼlè ə̀ Mâk 14:33

Njisə̀s ə njìə Pità yî Njə̂m, è Njɔyn yî ghənə ə ndùə əmɔʼ se tsə̀m. Ghɛghe ə zhə̀tə̀ sə̂ fo ngəʼ ə vəyn ekwâʼtè nâʼà sə ŋaŋ.

Ŋwàʼlè ə̀ Mâk 3:16

Ghɨtom nə ghɛ tè nyi Shimùyn vɛ Njisə̀s tè fo kwəynsê èzə ə vəyn nə Pità,

Ŋwàʼlè ə̀ Mâk 3:18

Ə tè fɨyn nyi Andɨ̀lò, è Filìp, è Pàtòlòmiyà, è Matyò, è Tɔ̀mɔ̂s, è kɨsè Njə̂m ə va Àfeyùs è Tàtyə̂s è Shimùyn ə wùə ə fètə̂ anɔ̀yn kɛ ke pomə se kwu sê ndaʼa ghənə̂zè,

Ŋwàʼlè ə̀ Mâk 5:37

È və pìə è ndùə ə wùə ə̀təyn ə ndɛ ə njìə kə Pità yî Njə̂m, è Njɔyn ànyìə Njə̂m.

Ŋwàʼlè ə̀ Mâk 9:2

Epàmə m̀tuʼ mtufə, Njisə̀s ə njìə Pità è Njə̂m è Njɔyn yîghə̀ ghənə ə kɔʼɔ ndûə etûə pfɨ̀yn è ghaʼa zhîzè. Ə̀ tè nyi kə ghənə nyi fu. Kyâʼ ə Njisə̀szè ə pfɨ̀ŋə̀ kwiynə̂ kə ə chùmte èpàm sə vəynsə əshi.

Tom èchùŋ kè kə Lûk tè nyaʼ 9:54

Chùmtè epàm sə vəynse, mə za nyi Njə̂m yî Njɔyn ə zɨə eghɛ nə zɨ̂nə̀ ə piə nə, “Pɛ̂pɛ, ò kyiŋə nə ghàs tɔŋɔ wuse, ə ve tso ekwùtwəyn ə ve zhwite ghənə mə?”

Njɔyn 21:2

Tuʼ fîfe, Shimuyn Pità, Tɔ̀mɔ̂s vɛ ə tè tɔŋtə̂ nə, (Apɨaʼsè), è Nàtanyèl (ə vɛ ə è tè ndô ə Kanà apàs endaʼ ə Ngalìlîkè), è ghɔ ə Zepɛ̀ndîə, è chùmtè èpàm sə Njisə̀s shîse sepɛ̀, ə zùŋtə̀ luʼve emɔ̀ʼ.

Ətefɨ̂aʼ 12:1

Ə̀ tè nyì ə mtuʼ nə mɛ, Fɔ̀yn Ɛlɔ̀t ə zhə̀tə̀ se tsə̀fsè əghɨ ndɛ ə Fèzhə̀ əmɔ̀ʼɔ̂.

Ipilù 4:12

Ghɛ zɛ ə Zhə̀fè pì nyi kə ze nyîə ndamə, kyi àtyaʼ, tɔfə tsɛ̂ efɛ̂ eghɔ̀ŋ zɛ ə ze tɔfə pɨ̂asvè èpɨ̀a. E nyîə se njiə ndûə nâʼà ə fètəyn, se nduə tàyn elùʼ vɛ ə təmə yî zuʼse kə̂mnə̀ fɨnə ndûə tânə̀ elùʼ vɛ ə fɔmze yî zhûŋəke pə̂ kə̂mnə̀. Ze ke ndô ghɛ ghɛ ə ghɨ kwâʼtə̀, è ghɛ ə ghənə kyiŋə.

Etyə̂yn ə paynsêzè 10:11

Tsì ə̀təyn ə pìə sê mi nə, “Ò kyi sə̂ fɨnə ndâʼà tom ə̀ Fèzhə̀ sê ghɨ ə tèndâʼà ghəkɨ̂m, è sê kyì ə tekyaʼtè tekɨ̂m, è sê ghɨ ghɛ ə wâmnə̀ wâmnè tə tèndâʼà tekɨ̂m, è sê fɔ̂yntè tekɨ̂m.”