Ŋwàʼlè ə̀ Mâk 2:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Tuʼ ə təyn tə pə̂, ə nji ndo è ndom ə̀ wùzhɔyn ə ghənə̂ fètəyn, ə ghənə se pam echo.

Ŋwàʼlè ə̀ Mâk 2:20 Iomraidhean Croise

Matyò 26:31

Kə ghənə tè kɔʼ zaʼâ ə pfɨyn, Njisə̀s ə pìə sê chùmtè èpàmsə vəynse nə, “Ndâyn ètuʼve ghâyn əkɨ̂m nə̀ tə zâ Mi, ghàyn nə̀ tə kûmə̀ èghɛ zɛ ə ze nə̀ kyânə̀ sê mi. Ə nyi mə ə nyàʼ nə, ‘M tə zhwiə ngyəyn, ə pfɨ sə vəyn sekɨ̂m tə chyâsè.’

Matyò 9:15

Njisə̀s ə pə̀ynsə̀ ghənə è ngàyn nə, “Ghɨ ghɛ ghe pə̂yn elùʼ ezhiə nə malə̂vè kàʼa ghə chîə zàyn ndom ə̀ wùzhɔyn e pa nyi yî ghə̀ ghənə? Ze vayn kyàyn! Tuʼve tə pə̂, ə nji tsɨ̂sè ndom ə̀ wùzhɔyn ə̂ ghənə əfètəyn. Ə̀ tə nə̂ ə nyi fumə fetuʼ kə ghənə pam choe.”

Ŋwàʼlè ə̀ Mâk 2:19

Njisə̀s ə fɨ̀sə̀ ghənə è ngàyn nə, “Ghɨ vayn kàʼa səʼ malə̂ ə nə̂ nə ə pamə ècho, ndom ə̀ wùzhɔyn pa nyi yî ghə̀ ghənə. Ə è pa nyi ke yî ghə̀ ghənə, ghənə vayn pam echo.

Ŋwàʼlè ə̀ Mâk 2:21

Wùə vayn kàʼa è nji pâs ə sendzɨs ə feke ə è pa ndzɨse mɨse ətəyn kûmə̀ nə è nə̀yn zâ, ə pâs ə fe nə kɛ̂ pɔ, ə ke pike chɔʼɔ ndo ashìŋə̀ nə kɛ̂, ə ke fɨyn tɔʼ ghaʼsê àpûʼ nə kɛ̂ ə fê pâ.

Tom èchùŋ kè kə Lûk tè nyaʼ 17:22

È və se kɛsə pi sê chùmtè epàm sə vəynse nə, “Tuʼə̀m nə̂ pə̂ kə ghàyn tə nə̀yn ə chîə se fe Va Wùə ke nâʼà sə fendiŋə̀ fə ashìŋə̀fè nyi, pîza fe va.

Tom èchùŋ kè kə Lûk tè nyaʼ 5:35

Tuʼfe tə pə̂, ə nji tsɨ̂sè ndom ə̀ wùzhɔyn ə̂ ghənə əfètəyn, ə ghənə ə sè pam echo.”

Njɔyn 12:8

Ghàyn nə ndam kyi ke ndò ghɨ afɨfə ə ghàyn əfètəyn, pîza m nə zâŋsè va ghâsènì.”

Njɔyn 13:33

Ghɔnyì ghɨmə, M fɨyn va sə̂ nyi ghâsènì sə aghaf. Ghàyn nə̀ kyiŋə mi mɔŋ, pîza M tsâ sê ghàyn zôyn, kè eghɨ kə m se nyi mə mə tsàyn sê ghɨ atyaʼa Njûsə̀, ə̀ nyì kepî za kə M tsâ sê ghàyn nə ghàyn vayn kaʼa ndu elùʼ vɛ ə M ndûə ətəyn

Njɔyn 16:28

M tè ndò sê Pɨ̀a Vɨ̂m ə pə̀ ə mbi, zôyn M zâ mbi kɛsə̂ ndûə se Pɨ̀a Vɨm.”

Njɔyn 16:7

Pîza, m pîə sê ghàyn səmɔʼ nə, ə̀ nyi chùŋ sê ghàyn kə m ndô. Ə M taʼa ndò, Tsàmtè vayn pə̀yn sê ghàyn. Pîza mə m ndô, ə m ndu tom vəyn sê ghàyn.

Njɔyn 17:11

M nə̀ fɨnə faŋə va ə mbi pîza ghənə pa nyi ə mbi, M pə se ghò zôyn. Pɨ̀a vɨ̂mve èŋwaʼa tɔ̀ʼne è ghənə è tyaʼ Kɛke zəke, ezə zɛ ə ò tè fo sê Mi, kə ghənə nyi sə eghɛ èmɔ̀ʼ kè kə ghâsè ghò nyì sə eghɛ èmɔ̀ʼ.

Njɔyn 17:13

M pə̂ se Ghò zôyn, pîza M pîə ə̀ghɛ ghɨ̀yn mə M pa nyi ə mbi, kə ghənə tə kyî èsaŋnê Zɨm zɛ ə ze nyi mə zə lwiyn ə ghənə ə fètə̂ ə̀təm.

Njɔyn 3:29

Wùə vɛ è malə wùə zhɔyn nyi vɛ ə è kyi zhwîə ə̀təyn. Pîza so ə̀ ndom ə̀ wùzhɔyn vɛ ə è tyəm lɨmtə̂ nyîə saŋnə nâʼà sə ŋaŋ ezhoghɛ è zɨ kyə̀ ə̀ ndom ə̀ wùzhɔyn. Ə̀ za nyì kepî zamə kə saŋnê zɨme nyi mə zə lwiyn kwəyn.

Ətefɨ̂aʼ 1:9

Kə Njisə̀s wàmnè mɨ̂sè ghɛ nə ghɨ̂yn, Zhə̀fè ə nə̀ È və kɔʼɔ ekwùtwəyn. Kə ghənə tè pa naynə̂ kɔʼsə̂ ndûə Vəyn, È və kɔʼɔ kə nyi mbàʼsè ə kɨlə fɨ̂nə̀ Vəyn, ghənə ə tàʼa kɛsə fe Vəyn.

Ətefɨ̂aʼ 14:23

Ə̀ tè nyì nâʼàpî ndɛ ə̀ Fèzhə̀ ə ghɨ̀ ə pomə èkè, Pɔ̂l yî Pànapàs ə chɔʼtə̂ ə̀ghɨ ghɛ ə nə̀ nə̂ ə chisə̂ ndɛ ə̀ Fə̀zhə̀. Ghənə tè tsə̂mə̀ fɨnə pamə ècho, kə se fo əghɨ nə ghɨnə ə Pɛ̂pɛ əgho vɛ ə ghənə tè samsə̂ vəyn.

Ətefɨ̂aʼ 3:21

È kyi ke se faŋ ekwùtwəyn se zaʼâ kə shîŋə̀kè kwəyn, ə nâʼà pi ghè pəyn sə fe, mə za nyi ashìŋə̀ kɛ ə Zhə̀fè tè wàmne etuʼ əshi tɔynə̂ ə fɨ̀aʼtè sə Vəynse echo.

1 Kɔlìŋ 7:5

Kə wùzhɔyn tə se fo ngɨŋə̂ vəyn se ndom ə̀ vəyn, kə wùə ndômə̀ tə kepî se fo ngɨŋə̂ vəyn se zhwîə vəyn, ə̀ tsɛ kə va mə ə̀ pomə ghənə se nə̀yn zamə sə fe ndiŋə kə ghənə ə nyi kàʼa tsəm. Pîza ə shîŋə̀ təynke mî, ghàyn e kɛsə̂ ndamə kə lâŋ ə malə̂kè kyiŋə, ə̀ va za, ə mɔ̂m ə Satàynzè nəyn, ə ghàyn pfɨ kûmə̀ nə ghàyn keva se kyî ə sengɨŋ saynse.

2 Kolìŋ 11:2

M nyîə tɔ̂ʼnə̀ è ghàyn kèpi endom vɛ ə Zhə̀fè tɔ̀ʼnə̀. Mə tsɨ̀ynè se fo ghàyn sê ndom èmɔ̀ʼ, ə̀ nyi Klâys. M kyiŋə se fo ghàyn sê vəyn kə ngɔ̀yn ə è tàʼa tyəmə nyìŋə̀ è wùndômə̀.

2 Kolìŋ 11:27

Mə fɨ̂aʼ tsɛ̂sè, ə fɨaʼà tèfɨaʼ te tɛte ə pə̂ əteshìŋə̀ tetsɨəte, m kyàʼà pɨənə̂, ə pə̀ shîŋə̀ kyîke, mə pɨənə ndɔ̀ʼɔ m zhi fɨake, pî se mɨ afɨa kyîke. Shîŋə̀ tetsɨəte, e pɔynə̂ va kə m kyi fɨake se zhi, kyi va ndɛ se pɨəyn ətəyn, kyi va nâʼàpî sèndzɨs se màʼ.

2 Kolìŋ 6:5

Ə pus ghàs è wàynsè ə fâ ghàs ə chaʼ, ə tomə ènɔ̂yn ə ghɨ̀vè nə ve ə puʼə àpɔ̂ŋ ə ghàs epàm. Ə nə̀yn ghàse fɨ̂aʼà tsɛ̂ atyaʼ kaske; pɨənə̂ va, kyi va fɨake se zhi.

Etyə̂yn ə paynsêzè 19:7

Ə ghâsènì ə saŋnə̂, sɨŋnə̂; ə ghâsènì ə tsɨ̂tə̀ Fèzhə̀ kûmə̀ nə shîŋə̀kè ə kwəyn kə Va Ndzè malə, mə zhwìə vəyn se nyi mə è və pɨaʼtê ngɨŋ ə vəyn.

Etyə̂yn ə paynsêzè 21:9

Tsì èmɔ̀ʼ əfètə̂ sètsì sə Fezhə̀ sɛ èsɛ̀mbɛ ə se tè kyi kwaŋ vɛ èsɛ̀mbɛ mə ə lwiynse lɨ̀mè ətəyn za, ə̀ nyi mə̂ynmè ə m̀ pə̀ ètsôs tekwəmnə tekwuŋsə tɛ èsɛ̀mbɛ, ə pə̀ pìə sê mi nə, “Pə, m tyən zhwîə ndom sê ghò vɛ ə è nyì se njiə Va Ndzè.”