Ŋwàʼlè ə̀ Mâk 2:2 - Ŋwàʼlè ə̀ Fèzhə̀ Mkâyn Mə̂ Fèm

² ə ndùə zùŋtə̀ fumə ə ndɛ tsɨ̂ə kə nyi, luʼve fɨyn va ə ndɛ nâʼàpî echo ndɛ se tyə̂m, è ve ndâʼà èghɛ ə Fezhə̀zè sê ghənə.

Ŋwàʼlè ə̀ Mâk 2:2 Iomraidhean Croise

Matyò 5:2

È və zhə̀tə̀ sè zaʼlə̂ ghənə pîə nə:

Ŋwàʼlè ə̀ Mâk 1:14

Ə tè nyi ə shɨŋ nə zɛ mə ə fâ Njɔyn ə ndɛ ə̀ chaʼ. Njisə̀s ə kɛsə̂ njiə ndûə apàs endaʼ ə Ngalìlîkè, ndàʼà tom èchùŋ ə Fezhə̀,

Ŋwàʼlè ə̀ Mâk 1:33

Ghɨghə fɨnə fɨ fu ə tɔ̂ŋ nâʼà ə̀kɨ̂m ə pə̀ zuŋtə̂ kə Shimùyn echò ndɛ.

Ŋwàʼlè ə̀ Mâk 1:37

Ə pə̀ kə ə fe vəyn, ghənə ə pìə sê vəyn nə, “Ghɨ kyiŋə ghò kè əkɨ̂m.”

Ŋwàʼlè ə̀ Mâk 1:45

Pîza è və fɨə sè kotə̂ pîndè tsâ kə ndò ghɛ ətəyn, saʼghe ə̀təyn ə waŋə kə luʼte tekɨ̂m, zə nə̀ Njisə̀s e fɨmə sə̂ njiə əfètə̂ tɔ̂ŋ ə ndayn, e ve sè kwîə ndùə kə epɨ̀as ə sembvɨ̂nə̀vè pîza ghɨghe ə pa fɨə kə luʼ tekɨ̂m ndûə fe vəyn fu.

Ŋwàʼlè ə̀ Mâk 2:1

Tuʼmə tsɛ̀ kə m̀shàʼ nyî, Njisə̀s ə kɛsə̂ kwɨlə̂ ndûə ə Kàpanùm, ghɨghe ə zɨə nə è və kwɨlə̂

Ŋwàʼlè ə̀ Mâk 2:13

Njisə̀s ə tè kɛse ndu etipîə ènjwì ə Ngalìlî, nɔ̂yn ə ghɨ̀kè ə pə̂ sê vəyn, è ve sè zaʼlə̂ ghənə,

Ŋwàʼlè ə̀ Mâk 6:34

Kè kə è tè fɨə pə̂ ə ngwùʼ èghaʼâ, ə fɨnə fe kə ànɔ̂yn əghɨ̀ kɛ, səyn ze sè ko vəyn sê ghənə kûmə̀ kə ghənə tè nyi kə sendzè kiva ngyəyn. È və zaʼlə̂ ghənə èghɛ, ghe tsɨ̀ə kə nyi.

Tom èchùŋ kè kə Lûk tè nyaʼ 12:1

Ə̂ pə̀ kə Njisə̀s tè wàmnè ghɛ nə ghɨ̂nə̀, ghɨghe e zûŋtə̀ pə̀ kə setsɨ̀ setsɨ̀, e sè nyi kə ə kàʼa ə nyayle yiə, è və zhə̀tə̀ sè wàmnə̀ sê chùmtè èpàm sə vəynse piə nə, “Ghàyn tɔ̂ʼnə̀ kûmə̀ ghɨə Falàsîə ghɨ̂yn ə kaŋkaŋa nə̂ ghɛ nyi, ndam tə ghənə̂tè njiə əfètə̂ ə̀ ghɨ kè kə fèsə̀ʼ njiə əfètə̂ àpayn ə kwaŋa.

Tom èchùŋ kè kə Lûk tè nyaʼ 5:17

Ə̀ tè nyi tuʼfîfe kèpi əshɨŋ nə ghɛ, Njisə̀s e zaʼlə̂ elùʼ, ghɨ Falàsîə è tyə̀ynsè sə alàŋsè e tsɨs kepî fu, mə fɨ pə̀yn ke tɔ̂ŋ sekɨ̂m ə Ngalìlî è Njòndyâ naʼapi è Njèlusalɛ̀m. Ə tè nyi za, tyaʼ ə Pɛ̂kè e nyi sê Njisə̀s, è tsuʼə tèzaf.

Tom èchùŋ kè kə Lûk tè nyaʼ 8:1

Epàm ətəyn Njisə̀s ə ndò kwiə ndàʼà tom èchùŋ kûmə̀ èfɔ̂yn ə Fezhə̀vè ə setɔ̂ŋ è tə̀ʼse. Ə nyi za, chùmtè èpàm sə vəynse njò sepɛ̀ e nyi yî vəyn,

Tom èchùŋ kè kə Lûk tè nyaʼ 8:11

“Ə̀ zɨ̂nə nyi eghɛ zɛ ə ngàyn nə zɨnə zaʼlə. Ngwàʼ ətəyn nyi kə eghɛ ə Fezhə̀e.

Ətefɨ̂aʼ 11:19

Ghɨə pomə ghɛ ə ghe tè sàŋne kûmə̀ ngəʼ zɛ ə è tè nyi kə tè zhwi Shìtifɨ̀yn, yîghe ə tə ndûə tâ endaʼ ə Fònisiyàzè, yîghe ə ndùə endaʼ ə Sàypulòszè, ghəmɔ̀ʼɔghe ndûə endaʼa Antyòkzè. Ghənə tè tsâ ndûə tom èchùŋ kè sê ghɨ Njûsə̀.

Ətefɨ̂aʼ 14:25

Ghənə ə ndàʼà tom ə̀ Fèzhə̀ endaʼ Pengà ə kɛsə̂ tso endaʼ ə Àtaliyàzè.

Ətefɨ̂aʼ 16:6

Pɔ̂l yî soyn sə vəynse ə tɔynə tsɛ apàs endaʼ ə Filinjyàkè è pâs endaʼ ə Ngàleshyàkè kûmə̀ nə Zuʼse Ŋwaʼase tè paʼà chisê nə ghənə tsayn tom èchùŋ apàs endaʼ ə Esiyàkè.

Ətefɨ̂aʼ 8:25

Ə̀ tè se nyi kə Pità yî Njɔyn tsâyn mɨ̂sè ghɛ ghɛ ə ghənə ke kûmə̀ tom ə̀ Pɛ̂pɛ, ghənə ə kɛsə kwɨlə ə Njèlusalɛ̀m, ə piə ə kwɨlə ndò sè fɨnə ndàʼà kwɨlə̂ ndùə kə tom èchùŋ ə setə̀ʼ se tsɨəse apàs endaʼ ə Sàmalyàkè.

Ŋwàʼlè ə̀ Pɔ̂l sê ghɨə Lûmghè 10:8

Ghɛ zɛ ə ŋwàʼlè ə Fèzhə̀ pìə nyi nə, “Ghɛ ə Fezhə̀zè nyì paʼse ke nyîə sê ghò. Nduə kə èshike sə̂ ndâʼà zəynze, e kayne nyi ndò ə ghò əfètə̂ təm.” Tom nə zɛmə nyi tom zɛ ə ghàs ndàʼà nə ghàyn kyi sə̂ kyî èpomə̂.

2 Timotì 4:2

ò ndâʼà tom èchùŋ, ò ndâʼà kə ndò kɨ̀sə ghɨ kɔ̀ŋɔ̀ ndò se zɨtê, kɨ̀sə ə kɔ̂ŋɔ̀ va, ò fɛtə̂ nə̂ kə ghɨ zɨ kê, tyə̂nə̀ paynsə̂ ə̀ghɛ ghɛ əghɨ nə̂ pofsə, ò fo ə̀təm kè kə ò zaʼlə è ewəynsêzè.