Ŋwàʼlè ə̀ Mâk 2:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Tuʼve tè zo tuʼ fîfe, chùmtè èpàm sə Njɔyn Fo M̀mòse yî sə ghɨ Falàsîsè e sè pamə ècho, ghɨghe ə pə̀ pfɨfə sê Njisə̀s nə, “Chùmtè èpàm sə Njɔynse pamə ècho, chùmtè sə ghɨ̀ ə Falàsîsè e pamə, sɛse zhiə kə ndò kûmə̀ ghè?”

Ŋwàʼlè ə̀ Mâk 2:18 Iomraidhean Croise

Matyò 23:5

Ghənə nə̂ ə̀ghɛ kè se tyə̀yn ewiyn. Ghənə kolə̂ m̀puʼlə̂ mə m̀ ghaʼa ndò ə ghənə echo àtu è kɨsè ə ghənə tekɔyn mə nyàʼ ndiŋə̀ mə̂ ŋwàʼlə̀ Fèzhə̀m ətəyn. Ghənə nə̂ kəpî èpɨ̂aŋ ə sendzɨs vɛ ə kə̂ etuə sèsàŋ nə və tyaflə̀ tsɛsə̀

Matyò 6:16

“Ə̂ ghàyn pamə choze, kə ghàyn ə kosə̂ kyâʼà kə ghɨə kaŋkaŋə nə̂. Ghənə piə pamə ècho, e kosə̂ kyâʼà kə ghɨ fe nə ghənə pamə ècho. M pîə se ghàyn səmɔʼ nə ghənə kàynè kyî mâʼtè ə ghənə̂zè.

Matyò 6:18

Ghàyn nəyn zɨnə mə kə ghɨghe ə keva nə ghàyn pamə ècho, ə̀ tsɛ̂ kə va Zhə̀fè pɨ̀a vâyn vɛ ə fe va vəyn ke nə ghàyn pamə ècho. È fe ə̀ghɛ ghɛ ə ghe nyi andə̀te, mə nyi Vəyn vɛ ə È tə mâʼtə̀ ghàyn.”

Ŋwàʼlè ə̀ Mâk 2:19

Njisə̀s ə fɨ̀sə̀ ghənə è ngàyn nə, “Ghɨ vayn kàʼa səʼ malə̂ ə nə̂ nə ə pamə ècho, ndom ə̀ wùzhɔyn pa nyi yî ghə̀ ghənə. Ə è pa nyi ke yî ghə̀ ghənə, ghənə vayn pam echo.

Tom èchùŋ kè kə Lûk tè nyaʼ 18:12

M pamə ècho shîŋə̀ te pɛ̀ ə ngâm, chyâtə̀ efɨa vɨm se epɨ̀as èghɨm, mə fo àmɔ̀ʼ sê ghò.’

Ŋwàʼlè ə̀ Pɔ̂l sê ghɨə Lûmghè 10:3

Ghənə ke va ndom vɛ ə Zhə̀fè njìə ghɨ sə ghɨə chichiə ətəyn. Ghənə pɨlə kyiŋə èndom sə nyi chichi ə Zhə̀fè əshi. Nyiəmə, ghənə njîə va ngɨŋ sə ghənə̂sè əchi se chùmtè endom vɛ ə Zhə̀fè nyi mə Fe ə fɛtê kə ghɨghe ə nyi chichi ətəyn ə Fəynfe əshi.