Ŋwàʼlè ə̀ Mâk 16:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Kə Njisə̀s tè pɨse zômə̀ ə Sɔndè, È və tyə̀nə̀ ngɨŋə̂ Vəyn sə shi sê Mèli Màkndàlɛ̂n. Ə̀ nyi wùzhɔyn nə vɨnə ə Njisə̀s tè chùm fɨse tèpamə̂ tə satàyntè esɛ̀mbɛ̂ ə vəyn ewìyn.

Ŋwàʼlè ə̀ Mâk 16:9 Iomraidhean Croise

Matyò 27:56

Ə ghənə fètəyn tè nyi, Mèli və̂ Màkndàlɛ̂n, è Mèli nyìə Njə̂m yî Njosɛ̀f, è zhwiə ə̀ Zepɛndì.

Ŋwàʼlè ə̀ Mâk 15:40

Zəyn yîghe tè nyì fu naynə̂ ə̀ghɛ ghɛ ə ghe tè kyànə sə aghaf. Ə ghənə ə fètəyn tè nyi Mèli Màkndàlɛ̂n, Sàlomè, è Mèli nyìə Njə̂m è tətə̂ yî Njosɛ̀f.

Ŋwàʼlè ə̀ Mâk 15:47

Mèli Màkndàlɛ̂n yî Mèli nyìə Njosɛ̀f tè nyîə naynə̂, ə fe eluʼ vɛ ə pfɨ̂mə̀ Njisə̀s ətəyn.

Ŋwàʼlè ə̀ Mâk 16:8

Zəyn ətəynghe ə nyɨŋə fɨə fu eshyə̀ eghaʼâzè pɨyntə̂ kə nyî, choze ə zomə ghənə. Ghənə tè pâʼà tsàyn ghɛ zhîze sê wùə kûmə̀ èfâyn.

Tom èchùŋ kè kə Lûk tè nyaʼ 24:10

Ghɛ nə ghɨynə mə sê ghɨətom ə Njisə̀sghè tè ndù tsâyn Mèli və Màkndàlɛ̂n e Njòwanà e Mèli nyìə Njə̂m e zəyn əmɔʼɔ.

Tom èchùŋ kè kə Lûk tè nyaʼ 8:2

paʼsə̂ è zəyn yî ghɛ ə Njisə̀s tè se nyi mə è və tsuʼ zaf tə ghənə̂tè è ghɛ ə è chùm fɨse zuʼ se pise ə ghənə fètəyn. Ə̀ tè nyi Mèli və Màkndàlɛ̂n vɛ Njisə̀s tè chùm fɨse tèpamə̂ tə satàyn tɛ ə te tè fo ngəʼ sê vəyn, sesɛ̀mbɛ̂,

Njɔyn 20:12

Kə è nayne ndzɨse ə fètə̂ èshyə̀, ə fe sètsì sepɛ̀ mə se ə màʼ ndzɨs se fɨfə̂sè, se tsɨs elùʼ vɛ ə pfɨyn ə Njisə̀svè tè nyɨŋ ətəyn. Tsìə Fèzhə̀ èmɔ̀ʼ tè tsɨs elùʼ vɛ ə tuə vəynke tè nyi ətəyn, zə̂mɔ̀ʼɔ e tsɨs elùʼ vɛ ə gholə tè nyi ətəyn.

Ətefɨ̂aʼ 20:7

Ə̀ tè nyi ashìŋə̀ ezhwikwɨləke etuʼ ə shive ə ngâm, ghàs ə zùŋtə̀ se zhi, Pɔ̂l ə zhə̀tə̀ se zaʼlê əghɨ, ə nə̀ zaʼlə kə nyi ə zaʼâ əfètəyn ètuʼ kə è tè se nyi se pɨəysə̂ ndò etuʼe komtə̂ əmɔ̀ʼɔve.

1 Kɔlìŋ 16:2

Nâʼàpî ə fetuʼ fe kɔʼsə fèkè, nâʼàpî ndè ə ghàyn ə fè təyn kyi se ndə̀m ekɛ vîve, ə fètə̂ àfɨa kɛ ə è nyi mə è və kyî se fɛtə ndə ndə̀m kə ə nə nəyn ə ndəʼə̀ kwîə fitə̂ chîəva kɛve ashìŋə̀ kɛ m pə̂yn.

Etyə̂yn ə paynsêzè 1:10

Ə̀ tè nyi ə Pɛ̂pɛ ə fetuʼ, zuʼsə Fezhə̀sè ə njiə ə mì ewìyn mə zɨə kyə̀ ètɛ kə esɔŋ ə tɔŋ ə mì epàm,