Ŋwàʼlè ə̀ Mâk 16:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ tè nyi kə tuʼ endaʼve tsɛ̂ Mèli Màkndàlɛ̂n, Sàlomè, è Mèli nyìə Njə̂m, ə zhɔnə m̀ngwɨl me lɨ̀mtə̂m se ndùə kɨmnê epfɨyn ə Njisə̀svè ətəyn.

Ŋwàʼlè ə̀ Mâk 16:1 Iomraidhean Croise

Ŋwàʼlè ə̀ Mâk 14:3

Njisə̀s tè nyi ə Petanì ə Shimùyn ə ndɛ vɛ è tè zafə è kwùsà. Kə Njisə̀s zhiə, wùzhɔyn ə njiə pə̂ è mbùʼtə̀fè, è mngwɨlmê lɨ̂mtə̀ mə ətəyn. Ngwɨ̂l mə tə̂m tè nyîə tɛ èkɛve, mə fɛte è nât. Wùzhɔynə̂ təyn ə kəmə àtɔ̂ŋ ə fèbùʼfə mngwɨl fɛ ə sɨ̀sə̀ ə Njisə̀s atu.

Ŋwàʼlè ə̀ Mâk 14:8

Wùzhɔyn vɨnə nə̀yn ke èghɛ zɛ ə è fè kàʼa ə è nəyn. È sɨ̂s mngwɨl me lɨ̀mtə̂m ə mì atu se pɨaʼtə e pfɨ̀mə̀ zɨmze tsɔ̀fə shîŋə̀kè kwənə.

Ŋwàʼlè ə̀ Mâk 15:40

Zəyn yîghe tè nyì fu naynə̂ ə̀ghɛ ghɛ ə ghe tè kyànə sə aghaf. Ə ghənə ə fètəyn tè nyi Mèli Màkndàlɛ̂n, Sàlomè, è Mèli nyìə Njə̂m è tətə̂ yî Njosɛ̀f.

Ŋwàʼlè ə̀ Mâk 15:42

Wùə vîvè tè nyì e tɔŋtə̂ nə Njosɛ̀f. E tè ndò pə̂yn ə tə̀ʼ ə̀ Àlimàtiyà. Vəyn Njosɛ̀f tè nyi wùtwɔ əfètə̂ atsɨ̀ynte əghɨ̀ eghaʼâkè endaʼ. È tè ndamə lɨmtə̂ kə àshîŋə̀ kɛ ə fɔ̀yn ə Fezhə̀vè tə pə̂ ətəyn. Kə ə̀ tè se nyi fètuʼ fe pɨaʼtəfe (etuʼ endaʼ), e və kolə ə̀təm ə ndùə fe Paylɛ̀t ezhwikwɨlə nə è fo pfɨnə Njisə̀svè sê zhi.

Ŋwàʼlè ə̀ Mâk 15:47

Mèli Màkndàlɛ̂n yî Mèli nyìə Njosɛ̀f tè nyîə naynə̂, ə fe eluʼ vɛ ə pfɨ̂mə̀ Njisə̀s ətəyn.

Ŋwàʼlè ə̀ Mâk 16:2

Tuʼve ə zo ə Sɔndè, mə zhwize sa pə̂ kə ndò, ghənə ndùə ə Njisə̀s eshyə̀ eghaʼâzè.

Ŋwàʼlè ə̀ Mâk 16:8

Zəyn ətəynghe ə nyɨŋə fɨə fu eshyə̀ eghaʼâzè pɨyntə̂ kə nyî, choze ə zomə ghənə. Ghənə tè pâʼà tsàyn ghɛ zhîze sê wùə kûmə̀ èfâyn.

Tom èchùŋ kè kə Lûk tè nyaʼ 23:54

Ə pfɨ̀mə̀ Njisə̀s zâ, e nə̂ èpɨaʼtê nə tuʼ e zo ə zhi tuʼ endaʼve.

Tom èchùŋ kè kə Lûk tè nyaʼ 23:56

Ghənə kɛse pə ə pɨaʼtə mngwɨl mɛ lɨ̀mtə̂ tsɔfə̂m se ndùə kɨmnə və ətəyn. Etuʼ endaʼ ə ghənə və pə̀, ghənə zɨtə ke kə saʼe tè tyə̂nə̀.

Tom èchùŋ kè kə Lûk tè nyaʼ 24:1

Tuʼ və̂ zo pə̂ ə etuʼ əshi və ngàm ətəyn, zəyn ghɛ ə ndùə echo eshyə̀ eghaʼâzè è mngwɨl mə èlɨ̀mtə̂ fɔmə̂m kə ghənə fɛte

Njɔyn 19:25

Ghɨ ghɛ ə tè tyəm paʼsê ə Njisə̀s awâmnè tè nyi nyìə Vəyn, è ànyìə nyiə Vəyn ve zhɔyn, è Mèli ə zhwiə Klopàs è Mèli Màkndàlɛ̂n.

Njɔyn 19:31

Ghɨə ghaʼa ə Njûsghè ə pìə sê Paylɛ̀t nə è zàmaʼà ə ghənə kəmte fɨəyntə ghɨ̀ ghɛ ə tè paynte awâmnè, ə nji tsosê tèpfɨyn tə ghənə̂tè awâmnè. Ghənə tè pi zɨnə mə kûmə̀ nə ə̀ tè nyi etuʼ sê pɨaʼtê se tuʼ endaʼve, ghənə e kɔ̂ŋɔ̀ va nə pfɨyn tə ghənə̂tè faŋ ewâmnè etuʼ endaʼ, kûmə̀ nə tuʼ endaʼ vɛ ə ve tè kɔʼɔ pə̂ tè nyîə kyi m̀kɔʼnè sə nɨŋ.