Ŋwàʼlè ə̀ Mâk 14:21 - Ŋwàʼlè ə̀ Fèzhə̀ Mkâyn Mə̂ Fèm

²¹ Va Wùə nə̂ kwuə kè kə ə nyi mə ə nyàʼ ə Ŋwàʼlè ə̀ Fèzhə̀. Pîza, tsôs èghaʼavè nyì sê wùə vɛ ə è nə̀ pəʼlə Vəyn! E fe kàʼa ə zə pɨlə tsɔ̂fə̀ sê wùə nə vɛ ezhoghɛ ə tè tàʼa piə vəyn nâʼà səkɔs.”

Ŋwàʼlè ə̀ Mâk 14:21 Iomraidhean Croise

Matyò 26:54

Pîza, mə m nə̂yn nyi ə e tàʼa lwiynse eghɛ zɛ ə se nyi mə ə nyaʼ ə Ŋwàʼlè ə̀ Fèzhə̀.”

Matyò 26:56

Nâʼà Pîza, ghɛ nə ghɨyn kyi se kyàyn se lwiynse ə tom ə Fèzhə̀ zɛ ə fɨ̀aʼtèsè tè nyaʼ ə Ŋwàʼlè ə̀ Fèzhə̀.” Kè sə ashìŋə̀, chùmtè èpàm sə vəynse ə tə zâ vəyn nâʼà ə̀kɨ̂m.

Ŋwàʼlè ə̀ Mâk 14:20

Njisə̀s ə pə̀ynsə̀ nə, “Ə̀ nyi wùə èmɔ̀ʼ ə ghànə fètəyn njò sepɛ̀. Vɛ ə ghasè vəyn tsɨ̂ə ndzɨsə paynke akaŋ əmɔʼ.

Ŋwàʼlè ə̀ Mâk 14:22

Kə ghənə tè zhiə, Njisə̀s ə njìə àpayn ə kwaŋke, ə fo àzɔ̀ŋnè sê Zhə̀fè, ə pɨaʼlə̂ kəynke, ə fo kəynke sê chùmtè èpàm sə vəynse ə pìə nə, “Ghàyn ko kəynke. Ə̀ vɨ̂nə nyi ewiyn vɨmve.”

Ŋwàʼlè ə̀ Mâk 14:49

M zɨsə̂ kə ghâsènì tuʼmè m̀kɨ̂m, zaʼlə̂ ə Ndɛ Ètsə̀mə, ghàyn e kyîə va mi. Pîza, ghɛ zɛ ə ze nyi ə Ŋwàʼlè ə̀ Fèzhə̀ kyi ndô se kwəyn.”

Tom èchùŋ kè kə Lûk tè nyaʼ 22:22

Va wùə ndùə kè kə Zhə̀fè ndə̀m, pîza ze nə̂ kwûəmə̀ nâʼà sə ŋaŋ se wùə vɛ ə è pəʼle vəyn!”

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Njɔyn 19:28

Epàm ətəyn, Njisə̀s ə fe nə ghɛ ghəkɨ̂m ə mì kə ə tè nyaʼ. Kèpî se lwiynse eghɛ zɛ ə tè nyàʼ ə Ŋwàʼlè ə̀ Fèzhə̀. È və ke pì nə, “Chɨ̀ŋə̀ m̀mò nyîə zafə Mi.”

Ətefɨ̂aʼ 1:25

nə è nji luʼə wùətom vɛve Njondàs kə è tè za ə ndùə elùʼ vɛ ə è kyi sə̂ nyi ətəyn.”

Ətefɨ̂aʼ 2:23

Ə fo Njisə̀s nə vɨ̂yn ə gho se pàynghè, ghənə ə payntə̂ Vəyn awâmnè, kè eghɨ kə Zhə̀fè tè pɨaʼte ndəm.

Ətefɨ̂aʼ 4:27

Ə̀ za nyi eghɛ zɛ ə ze tè kyayn. Fɔ̀yn Ɛlɔ̀t yî Pontus Paylɛ̀t, è ghɨ atum əmɔ̀ʼɔ yî ghɨə chisə Isìlâyghè ə zùŋtə̀ ə pɨaʼtə se tam ə Njisə̀s, ə wùə èfɨ̀aʼa vê vɛ ə è nyi èŋwaʼe, ə vɛ ə Ò tè chɔʼ.