Ŋwàʼlè ə̀ Mâk 14:2 - Ŋwàʼlè ə̀ Fèzhə̀ Mkâyn Mə̂ Fèm

² Ghənə ə pìə sê ngɨŋ sə ghənə̂sè nə, “E tsɔ̂fə̀ va se kyiə Njisə̀s əfetuʼ fə azhife kə ndɔ̀ʼɔ ghɨ ndwise nôzè.”

Ŋwàʼlè ə̀ Mâk 14:2 Iomraidhean Croise

Matyò 26:2

“Ghàyn kyi sə̂ ke nə epàm mtuʼ mpɛ̀ nə̀ nə̂ nyi è zhi efɨazhi ezaʼa tsɛve. Ə̀ nyì fumə fetuʼ kə nə̀ fo tsɛsə̀ Vâ wùə ə ghɨghe əgho nə ə paynte awâmnè.”

Matyò 26:5

Ghənə ə pìə nə, “Ghâsènì nə̀ nə̂ va zɨnə ashìŋə̀ efɨazhiə ezaʼa tsɛve, ə̀ puzâ ə ghɨə nə ndwise nôzè.”

Ŋwàʼlè ə̀ Mâk 11:18

Ghɨ kɔʼsə nə eshyə̀ engaŋtəghe yî tyə̀ynsè sə alàŋsè ə zɨə nyî, sè kyiŋə èndom se zhwiə Njisə̀s. Ghənə tè fànə vəyn kûmə̀ nə nɔ̂ynkè akɨ̂m tè nyi èkaynze kûmə̀ ə̀ghɛ ghɛ ə è tè zaʼlə.

Ŋwàʼlè ə̀ Mâk 11:32

Pîza, ə ghâsènì pì nə, ‘Ke ndo sê ghɨ ə̂’” Ghənə tè fànə əghɨ kûmə̀ nə ghɨghe əkɨ̂m tè kwàʼtə kə nə Njɔyn tè nyi ke nâʼà fɨ̀aʼtè èghaʼâ.

Ŋwàʼlè ə̀ Mâk 14:1

Ə̀ tè faŋ ke m̀tuʼ mpɛ̀ kə zhi tuʼ fɛ tsì ə̀ Fèzhə̀ tè zaʼ tsɛ sè ndɛ sə ghɨə Isìlâyghè, è tuʼ vɛ kə zhi panə kwaŋ kɛ ə tè nyi mə ə paʼà ndə̀m fèsə̀ʼ ətəyn. Ghɨ kɔʼsə nə eshyə̀ engaŋtəghe yî tyə̀ynsè sə alàŋsè e sè kyiŋə èndom se nyaʼtə̂ kyiə Njisə̀s se zhwi,

Ŋwàʼlè ə̀ Mâk 14:3

Njisə̀s tè nyi ə Petanì ə Shimùyn ə ndɛ vɛ è tè zafə è kwùsà. Kə Njisə̀s zhiə, wùzhɔyn ə njiə pə̂ è mbùʼtə̀fè, è mngwɨlmê lɨ̂mtə̀ mə ətəyn. Ngwɨ̂l mə tə̂m tè nyîə tɛ èkɛve, mə fɛte è nât. Wùzhɔynə̂ təyn ə kəmə àtɔ̂ŋ ə fèbùʼfə mngwɨl fɛ ə sɨ̀sə̀ ə Njisə̀s atu.

Tom èchùŋ kè kə Lûk tè nyaʼ 20:6

Pîza ə ghâsènì pi nə, ‘Ə̀ fo əghɨ è tyaʼa sê vəyn,’ ə ghɨghe əkɨ̂m tɨmne zhwi ghâsènì è chîə kûmə̀ nə ghənə ke nə Njɔyn tè nyi fɨ̀aʼtè.”

Tom èchùŋ kè kə Lûk tè nyaʼ 22:1

Ə tè se nyi kə tuʼ me ghaʼa mɛ ə ghɨ tè zhiə payn ə kwaŋ kɛ ke kyi va fèsə̀ʼ ətəyn, kə m̀ tè paʼsə pə, e tɔŋtə kəpiə nə mtuʼ mè Zaʼâ tsɛ̂m,

Njɔyn 12:19

Ghɨə Falàsîghè e sè pîə kə sê wùə èmɔ̀ʼ emɔ̀ʼ nə, “E za tyə̀nə̀ nə ghɛ zhîze fɨyn va kə ghâsènì nəyn. Fe kə mbi èkɨ̂m sè ndûə kə ə vəyn epàm ə!”

Njɔyn 7:40

Ghɨ yîghe əfètəyn ànɔ̀yn ə zɨə ə̀ghɛ ghɛ ə Njisə̀s pì ə pìə nə, “Wùə vɨ̂nə lote nyi ke nâʼà Fɨ̀aʼtè vɛ ə È nə̀ pə̂.”