Ŋwàʼlè ə̀ Mâk 14:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ghənə tè nyi èsaŋnə̂zè se zɨ eghɛ zɛ ə Njondàs tè pi ə tsɨ̀nə̀ se fo vəyn èkɛve. Njondàs ə ke zhə̀tè sə̂ kyiŋə tèndom se pəʼlê ə Njisə̀s sê ghənə.

Ŋwàʼlè ə̀ Mâk 14:11 Iomraidhean Croise

Matyò 26:14

Wùə èmɔ̀ʼ əfètə̂ sèchùmtè èpàm njò sepɛ̀, ə vɛ ə tè tɔŋtə nə Njondàs Èskalɔ̀t ə ndùə fe ə̀ghɨ kɔʼsə nə eshyə̀ engaŋtəghe

Matyò 26:15

ə pfɨfə sê ghənə nə, “Ghàyn nə̀ fo ghè sê mi ezhoghɛ m fo Njisə̀s ə ghàyn ə gho?” Ghənə taŋtə̂ fo èkɛ ə silvàvè sê vəyn, m̀ghɨm ta.

Ŋwàʼlè ə̀ Mâk 14:10

Njondàs Èskalɔ̀t, ə wùə èmɔ̀ʼ əfètə̂ sèchùmtè èpàm sə Njisə̀sè njò sepɛ̀ ə ndò ə ndùə fe ə̀ghɨ kɔʼsə nə eshyə̀ ngaŋtəghe, se pəʼlê ə Njisə̀s sê ghənə.

Ŋwàʼlè ə̀ Mâk 14:12

Ə̀ tè nyi əfetuʼ fə shife, ashìŋə̀ azhi kɛ ə tè zhiə payn ə kwaŋke ndɔ̀ʼɔ ndəm fèsə̀ʼ ətəyn. Ə̀ tè nyì kepî etuʼ vɛ ə tè se ghɔ sendzè se kwùnə̀ efɨazhie Zaʼatsɛ̂ve ətəyn. Chùmtè èpàm sə Njisə̀sè ə ndùə pfɨfə sê vəyn nə, “Ò kyiŋə nə ghàs ndu fɛte ghayn fɨazhiə ezaʼa tsɛve sê ghò ə?”

Tom èchùŋ kè kə Lûk tè nyaʼ 22:3

Satàyn ə njiə ə Njondàs ewìyn vɛ ə ghɨə te tɔŋtə kəpiə nə Èskalɔ̀t, ə̀ nyi kepî wùə èmɔ̀ʼ əfètə̂ se chùmtè èpam sə Njisə̀sè njò sepɛ̀.

1 Timotì 6:10

Kɔ̂ŋ ekɛze nyi zhə̀te èlùʼ vɛ ə kyì tə pi tekɨ̂m ndò pə̂ ətəyn. Ghɨ yîghe ə kɔ̀ŋ tsɛsè se kyîə vəynve, zɨnə mə zɛ ə ze nə̂yn nə ghənə pfɨ ə ghənə ekyî epomə̂zè, ə pəyn e ngəʼ setsɨəse ə ghənə ətəm.

Njût 1:11

Ngəʼ e ghaʼa nyi ə ghənə tu! Ghənə ə chùmtè ndom vɛ ə Kên tè nji kə è tè zhwi ànyìə vəyn. Kè kûmə̀ èkɔ̂ŋ ekɛze, ghənə ə fo ngɨŋ sə ghənə̂sè se tsas sɛ ə Palàm tè nəyn. Ghənə ə tə se pomə̂ sê Zhə̀fè, ə pofsə̂ sèngɨŋ sə ghənə̂sè kèpî kə Kolà tè tə ə pofsə̂ ngɨŋə̂ vəyn.