Ŋwàʼlè ə̀ Mâk 13:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Ghàyn e tɔ̂ʼnə̀. Ə tə kyiə ghàyn ə ndu ə ndɛ̂ èsaʼ. Ə tə pusə ghàyn ə sendɛ sə atsɨ̀yntese, ə ghàyn fɨyn tyə̂m əghɨ tesaʼ ghə əshi, è fɔ̂yntè kè kûmə̀ mi. Zɨnə tə kyânə̀ kə ghàyn ndaʼa tom èchùŋ sê ghənə.

Ŋwàʼlè ə̀ Mâk 13:9 Iomraidhean Croise

Matyò 5:22

Pîza, zôyn m tsâ sê ghàyn nə: ə nyɔ̀ʼsə̀ pi ndè tɔŋ sê ànyìə vəyn, ə tə pəyn è vəyn sê saʼe. Ə tɔŋte pîndè ànyìə vəyn nə, “Ò tsɔ̀fə kə eshi sə ndô!” Ə tə ndu è vəyn ashi əghɨ̀e saʼake. Ə tɔŋtə̂ pî ndè ànyì nə, “Ngô afɨake!” Ə zə pofə nə è nə̀ ndûə elùʼ ewùs.

Ŋwàʼlè ə̀ Mâk 1:44

“Kə ô nə̂ mɔmse se tsàyn eghɛ zɛ ə ze kyâyn sê wùə vîvè. Nduə ə tyə̀yn ngɨŋ zɛ è sê wùə èkɔʼsə nə èshyə̀ ə̀ ndɛ̂ Fèzhə̀, ə è fɨəs gho. Fo mâʼtè zɛ ə laŋə Mosîskè pìə se tyə̀yn se ghɨ nə o zo.”

Ŋwàʼlè ə̀ Mâk 13:5

Njisə̀s ə pìə sê ghənə nə, “Ghàyn e tɔfə kə wùə tə kyîŋsè ghàyn.

Ŋwàʼlè ə̀ Mâk 13:8

Ndaʼàtè tə nô tîte, fɔ̂yntè e nô tîte. Chike tə pə̂ ə ke ə nəʼə̀ ə telùʼ ə telùʼ, shumfe nyi kepî. Ghɨnə mə tə pə ə ghə nyi kə etɨ̂m əshi zɛ ə wùzhɔyn zɨə ə è nyì se pîə ə vayn.

Ŋwàʼlè ə̀ Mâk 6:11

Ghànə ndùə ə tɔ̂ŋ, ə tə nə ə fiə ndzɨsə̂ va ghàyn, ə tə nə ə zɨtə̂ va ghɛ zɛ ə ghàyn pìə, ghànə ndò fumə. Ghàyn pìə ə ndô ndò, ghànə puʼə sètsɨm saynse sê ghənə, se nə̀yn nə ke nə pîə ghənə ə faŋ sê ghənə.”

Tom èchùŋ kè kə Lûk tè nyaʼ 9:5

Ə ghàyn ndù naʼapi ghayn, ghɨə ətəynghe ə tàʼa fiə ghàyn, ghà piə ndô ndò, ghà puʼə sètsɨm saynse sê ghənə kə ghənə ke nə ghənə nə̀yn shwîə.”

Njɔyn 15:20

Kə ghàyn tə lɛse èghɛ zɛ ə m tè zaʼle sê ghàyn nə, ‘Wùə èfɨ̀aʼa pâʼà tyəmə̂ tsɛ̂ pɛ̀ èfɨ̀aʼ ə̀ vəyn.’ Ə nyi mə ə tə tsə̀fsè mi, ə nə tsə̂fsè kepî ghàyn zâ. Ə nyi mə ə tè zɨte zaʼlê zɨmze, ə nə pɔŋ zɨte zaynze.

Njɔyn 16:2

Ə tə chûmə̀ fɨsə ghàyn ə sendɛ sə atsɨ̀yntese, mə shîŋə̀kè tə pə̂ ə ghɨ ghɛ ə zhwitə ghàyn ə kwàʼtə̀ kə nə ghənə fɨaʼà sê Zhə̀fè.

Ətefɨ̂aʼ 21:11

È və pə̀ se ghàs ə fiə fèkô fə Pɔ̂lfè ə kɛsə kolə ə̀ghol ə vəynghe è gho sə və ngɨŋ ə pìə nə, “Ə̀ zɨnə nyi eghɛ zɛ ə Zuʼse Ŋwaʼase pî, Ə tə kolə̂ wùə vɛ è kyi kô fɨ̂nə̀ kèpi fa ekyì endom, ə ghɨə Njûs ghɛ ə ghe nyi ə Njèlusalɛ̀m ə fo tsɛ̂sè vəyn sê tumve.”

Ətefɨ̂aʼ 7:54

Ə tè nyi kə ghɨə sesaʼ nə ghɛ zɨ ghɛ ghɛ ə Shìtifɨ̀yn wàmnè, ghənə ə nyɔ̀ʼsə̀ ètɔŋ nâʼà sə ŋaŋ, kwulə ə̀sɔŋ.

Ətefɨ̂aʼ 9:16

Mə nâʼà Mi è ngɨŋ zɨ̂m nə̀ tyə̂nə̀ se vəyn kyì ə ngəʼ zɛ ə è kyi se zɨ kûmə̀ Mi.”

Filìpây 1:29

M pîə nyî kûmə̀ nə Zhə̀fè ə tyə̀yn təm əchûŋə̀ sê ghàyn ə nə̀ nə ghàyn pomə Klâys ə fɨyn fe ètsôs kûmə̀ vəyn.

2 Tèsàlonikà 1:5

Kol ə təm zayn nə zɨ̂nə̀ nyiə tyə̂nə̀ ə ndayn nə Zhə̀fè nyîə saʼa ə̀ghɨ chichi, nyi se nə̀yn nə ghàyn ə kwəynə̂ sə̂ nyi elùʼ efɔ̂yn ə Fezhə̀ fɛ ə ghàyn fe tsôsvè kûmə̀ vəynve.

2 Njɔyn 1:8

Ghàyn e tɔ̂ʼnə̀ kə ghàyn tə njìsè àfɨa kɛ ə ghàyn nyi mə ə kàynè fɨ̂aʼ se kyî. Ghàyn e pɨlə kyiŋə endom se kyiə emâʼte fumə ətə̂ èfɨ̀aʼ ə kwùŋse.

Etyə̂yn ə paynsêzè 1:9

M nyi Njɔyn ànyì vâynvè, ə vɛ ə è fe kəpî tsôsvè kə ghàyn kûmə̀ nə ghâsènì ə pomə̂ sê Njisə̀s. Ghâsènì kolə ə̀təm əfètə̂ temɔ̀m kûmə̀ nə ghâsènì ə pomə̂ sê Njisə̀s. Ə tè tsə̀fse mi mə chum ndû mi elùʼ vɛ ə tsò nyi mə è zə kyìŋ ka, e tɔŋtə̂ nə Patmòs kûmə̀ nə m tè ndàʼa tom ə̀ Fèzhə̀ tsâ se ghɨə kûmə̀ Njisə̀s.

Etyə̂yn ə paynsêzè 2:10

Fekə! Kə ò nə fayn ètsôs vɛ ə ò njiə ndùə ətəyn. Ndə̂plè nə̂ nə ə kyi ghàyn yîghe ə ndəm ə ndɛ̂ chaʼ, ə̀ nyì ke emɔ̂m kə ze pə̂ sê ghàyn. Ghàyn nə fe ètsôs fu sə mtuʼ mghɨm. Mə ə nyi pî se zhwi ə ghàyn, ghàyn e samsə̂ kə ndò mi, ə m tə fo èndam zɛ ə ze tə mîə va sê ghàyn, ə̀ nyi àfɔ kayn kə tefɔ̀ynkè ə ke tyə̂ynə̀ nə ghàyn ə nò ə zhiə.

Etyə̂yn ə paynsêzè 2:13

M nyiə ke eluʼ vɛ ə ò ndamə ətəyn. Ò ndamə elùʼ Satàyn e saʼa efɔ̂yn ə vəyn fu. O tə fɛte tyə̂m àchuŋ ə gho ekyî epomə̂zè sê mi ə tàʼa ə mɛnê ezə zɨmze nâʼàpî etuʼ vɛ ə tè zhwi Antipàs ətəyn vɛ ə è tè ndàʼa tom kûmə̀ mi è təm ə vəynghe əkɨ̂m. Ə tè zhwi vəyn elùʼ vɛ ə satàyn ndamə.