Ŋwàʼlè ə̀ Mâk 13:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ghɨə tə pə̂ se tsɨ̀ ə Mì ezə ə pîə nə ‘Ə̀ nyi Mi vɛ ə Zhə̀fè kɨmne!’ ə ghənə ə kyîŋsə̀ ə̀ghɨ tsɨə.

Ŋwàʼlè ə̀ Mâk 13:6 Iomraidhean Croise

Matyò 24:11

Fɨ̀aʼtè sə akaŋse tə fɨə ə sə tsɨ̂ə kə nyi ə se kyiŋse ghɨ etsɨghe nə ghe chumte ghənə.

Matyò 24:5

Ghɨ tə pə̂ se tsɨ̀ ə ghənə ə pîə nə, ‘Ə̀ nyi ghənə è vɛ ə chɔʼ ndə̂m.’ Ə ghənə kyiŋse tsɨ̀tsɨ̂ endom nə vɨ̂yn.

Ŋwàʼlè ə̀ Mâk 13:22

Ghɛ ə kaŋkaŋə pîə nə ə nyi vɛ Zhə̀fè chɔʼ ndə̀m, è ghɛ ə kaŋkaŋə pîə nə ə nyi sèfɨ̀aʼtè, tə fɨə mtuʼ nə mɛ. Ghənə tə nə̀ ə tyəynə̀ sèchwìə, fɨnə nə̂ əghɛ ə kayntəghe. Ghənə tə nə̂ nyiə se kyìŋsə nâʼàpî ə̀ghɨ Fèzhə̀ ghɛ ə Zhə̀fè chɔʼ, ə ghənə kyi ndom ətəyn.

Ŋwàʼlè ə̀ Mâk 13:5

Njisə̀s ə pìə sê ghənə nə, “Ghàyn e tɔfə kə wùə tə kyîŋsè ghàyn.

Ŋwàʼlè ə̀ Mâk 13:7

Ə ghàyn tə zɨə nə ə tɨmə èghɔŋ, èghɛ mɔ̀ʼɔ kûmə̀ èghɔŋ etɨmeze, kə ndɨmke tsɛ wùə. Ghɛ nə ghɨnə nyîə kyi se kyàyn, pîza e tyə̂ynə̀ va nə kwùŋseke ə pə̀yn.

Njɔyn 5:43

M pəyn è tyaʼa Pɨ̀a Vɨ̂mkè pîza ghàyn ghe tàʼa fiə mi, mə shîŋə̀ kɛ ə wùə pə̀yn è kə vəynke nə atyaʼ, ghàyn ə fiə vəyn.

Njɔyn 8:24

Mə pì sê ghàyn nə ghàyn nə̀ kwuə ə ghàyn ə sepi. Ghàyn kyi se kwu ə ghàyn tàʼa pomə nə, ‹M nyi wùə vɛ ə M nyi Vəyn.›”

Njɔyn 8:28

Njisə̀s ə pìə sê ghənə nə, “Ghàyn tə kɔʼsə̂ Va wùə ə awâmnè, ə paynte Vəyn, ə ke nə, ‘M nyi wùə vɛ M pîə nə M nyi Vəyn,’ Ə fɨyn kê nə M nə̂ va ghɛ sə mìə ngɨŋ, pîza piə kə èghɛ zɛ Pɨ̀a nyi mə È və pì nə M pi.

1 Njɔyn 4:1

Ghɔ nyì ghɨm ghe kɔ̂ŋə̀, kə ghàyn ə pomə se nâʼàpî ndè vɛ ə è pìə nə zhi nyîə kyi sè Zuʼ, pîza ghàyn mom ghənə se fe nə zuʼ sɛ ə ghənə kyi ndo pə̂yn tê se Zhə̀fè ə. Kûmə̀ nə fɨ̀aʼtè sə akaŋse tsɨəse nyi ndô ə mbi.