Ŋwàʼlè ə̀ Mâk 13:27 - Ŋwàʼlè ə̀ Fèzhə̀ Mkâyn Mə̂ Fèm

²⁷ È tə tomə sètsì sə vəynse ə tepòlə̀ tə mbi tekɨ̂m nə se kwi zùŋtè ə̀ghɨ ghɛ Zhə̀fè chɔʼ ndə̂m, se ndò ə epòlə mbize emɔ̀ʼ se nduə tàyn ətə̂ zə mɔ̀ʼɔze.

Ŋwàʼlè ə̀ Mâk 13:27 Iomraidhean Croise

Matyò 12:42

Ə̀ tə nə̂ ə nyi etuʼ ə saʼ, wùzhɔyn vɛ ə è tè saʼa ndaʼa Shapàzè, tə ndwîə eshyə̀ paʼsə̂ kə èghâŋ fə mbi fɨ̂nə̀ ə tyəm tsɛ̀ èsaʼ zɛ ə è nə̀ nə̂ nə ghənə pfɨ saʼ. Ghənə tə pfɨ̂ə saʼ kûmə̀ nə shîŋə̀ kɛ ə Sòlomùyn tè zaʼlə, wùzhɔyn ə̀təyn ə pə̀ sə tyà elùʼ vɛ ə mbi mîə se pə zɨtə əghɛ tɔfə ghɛ ə Sòlomùyn tè zaʼlə. Pîza ndàyn wùə nyîə nyi fàyn mə è nyiə tsɨ̂ə tsɛ̂ Sòlomùyn.”

Matyò 13:41

Va wùə tə tomə sètsì sə vəynse nə se nji fɨsê ə̀ghɨ ghɛ ə ghe nə̂ nə ghɨghə nə̂ pi è ghɨ mɔ̀ʼɔ ghɛ ghe nə̂ pi.

Matyò 13:49

Ngàyn zɨ̀nə tyə̀ynə kə kwùŋse ə̀ mbi tə pə̂ ə è zə nyi. Tsìsè tə pə̂ ə se chitê fɨsê ə̀ghɨ piə əfètə̂ ghɨə chichighe,

Matyò 24:22

Pîza Zhə̀fè nyi mə è və fàftè tuʼ mə ètsòs nə mɨ̂yn. Ə È tè tàʼa nə̀yn zamə, mə wùə vîvè tə sɔ̂ fɨə va. Kûmə̀ kə ə̀ghɨ və kə È chɔʼ ndə̂m È tə fâftə̀ mtuʼ nə mɛ.

Matyò 24:24

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.

Matyò 24:31

Ə tə tɔŋə èsɔŋ, ə è tom fɨsê sètsì sə vəynse ə tepòlə̀ tembi tekɨ̂m tèkyàʼ nə se kwi zûŋtè ə̀ghɨ ghɛ Zhə̀fè chitê se zhə̀tè apàs ə mbike amɔ̀ʼ se nduə tàyn ə kə mɔ̀ʼɔke.

Ŋwàʼlè ə̀ Mâk 13:20

Pîza Pɛ̂pɛ nyi mə è və fàftè tuʼ mə ètsòs nə mɨ̂yn. Ə è tè tàʼa nə̀yn zamə, mə wùə vîvè tə sɔ̂ fɨə va. Kûmə̀ kə ə̀ghɨ və kə è chɔʼ ndə̂m, è və fàftè tuʼ nə mɛ.

Ŋwàʼlè ə̀ Mâk 13:22

Ghɛ ə kaŋkaŋə pîə nə ə nyi vɛ Zhə̀fè chɔʼ ndə̀m, è ghɛ ə kaŋkaŋə pîə nə ə nyi sèfɨ̀aʼtè, tə fɨə mtuʼ nə mɛ. Ghənə tə nə̀ ə tyəynə̀ sèchwìə, fɨnə nə̂ əghɛ ə kayntəghe. Ghənə tə nə̂ nyiə se kyìŋsə nâʼàpî ə̀ghɨ Fèzhə̀ ghɛ ə Zhə̀fè chɔʼ, ə ghənə kyi ndom ətəyn.

Ŋwàʼlè ə̀ Mâk 13:28

Zôyn ghàyn zaʼle ghɛze sê kâʼ fə sèfîkfè. Ə ghàyn fe nâʼàpî ashìŋə̀ àkè kə fe tô pə̀, ghàyn ə kê nə pìŋ sè pfɨ̀ə pə̂ ndò.

Tom èchùŋ kè kə Lûk tè nyaʼ 16:22

È və tə kwuə, tsìsè ə njìə vəyn ə ndùə ndə̀mə ə Aplàghâm ngwùŋ. Wùə èghaʼâ nə vɛ ə tə pɔŋɔ kwuə, ə pfɨ̀mə̀ vəyn.

Tom èchùŋ kè kə Lûk tè nyaʼ 18:7

Ə̀ nyiə kàʼa ə pɨl faŋ Fèzhə̀ se zɨtê echi zɛ ə ghɨ fəynfe ghɛ ə fe chɔʼte chîə sê fəynfe, èchwì ètuʼu ə? Ə fe za kàʼa ə fe ə puʼsə̂ kə ndò ghənə ə?

Njɔyn 10:16

Ndzè sə mɔ̀ʼɔse nyi ndô mə ə̀ kyi Mi mə se va fa mbàynə̀ sèndzè. M kyi se pə kəpì è səynse. Se nə zɨtə̂ kyə̀ zɨ̂mzè, ə se pəyn sə̂ nyi ə mbàyn èmɔ̀ʼ, kyi ke ngyəyn èmɔ̀ʼ.

Njɔyn 11:52

È tè paʼà kwu ke sê ghənə. È və tè kwu kepî atu ə ghɔ Fezhə̀ ghɛ ə ghe chyâsè kə ghənə kɛse zûŋtè pə̂yn ə̀ nyi ke sə afɨa àmɔ̀ʼ.

Ŋwàʼlè ə̀ Pɔ̂l sê ghɨə Lûmghè 8:33

Ə̀ tə pîə ndè nə ghɨ ghɛ ə Zhə̀fè chitê nyi mə ə pfɨ̀ saʼa? Ə̀ pi Fezhə̀ è ngɨŋə̂ vəyn nə ghâsènì nyi əghɨ ghɛ ə ghe nyi chichi ə və shi.

Kòlosè 3:12

Ghàyn nyi əghɨ ə Fezhə̀ghè, È və tə kɔ̀ŋ ghàyn ə chɔʼɔ ghàyn sə Vəyn əghɨ̀. Ghàyn kyi sə̂ tyə̂nə̀ èsəyn ekoze, tɔ̂ʼnə̀ è ghɨghe, njiə sèngɨŋ saynse ə chi, pɔynə̂, fɨyn kyi ə̀təm.

2 Tèsàlonikà 2:1

Ghàs kyiŋə se wàmnè sê ghàyn kûmə̀ èpə̂ Pɛ̂pɛ ə ghâsènì Njisə̀s Klâys, è kɨsè kûmə̀ kə Zhə̀fè tə Zûŋtə̀ ghâsènì luʼve mɔ̀ʼ nə ə kwəyne è vəyn è Njisə̀s; ghàs chyatə̂ ghàyn ə ghɔnyìə nə,

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

1 Pità 1:2

Zhə̀fè, Pɨ̀a tè nyîə ke ghàyn, ə chɔʼ ghàyn nâʼà sə mɨ sə ghɨ̀ ezo ə vəynghe tɔynə̂ efɨaʼ ə Sezuʼ se Ŋwaʼase. Fe nəyn nyi kə ghàyn ə zɨə Njisə̀s Klâys, ə ndə̂m mə Və̂ynmè shu zose ghàyn. Ə Zhə̀fè fo fùʼ ə vəynke è pɔ̂ynè se ghàyn nâʼà se tsɨ̀.