Ŋwàʼlè ə̀ Mâk 13:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ezhoghɛ ə kyi ndû è ghàyn elùʼ ə saʼve, kə ghàyn nə kayn mbi nə ghàyn nə̀ ndûə pîə nə ghe ə. Ghàyn pi ke èghɛ zɛ ə ze fɨ nə ghàyn pi ashìŋə̀ nə kɛ. Kûmə̀ nə ghɛ ghɛ ə ghàyn tə wàmnə̀, tə ndô pə̂ sê Zuʼse Ŋwaʼase ə̀ vachi sê ghàyn.

Ŋwàʼlè ə̀ Mâk 13:11 Iomraidhean Croise

Matyò 10:17

Ghàyn e tɔ̀ʼnə̀, kûmə̀ nə ghɨ nyi ndô mə tə kyîə ghàyn ə nji è ghàyn elùʼ ə saʼ ə ghənə pus ghàyn ewàynsè ə ghənə sendɛ sə atsɨ̀yntese.

Ŋwàʼlè ə̀ Mâk 13:12

Ghɨə tə njîə fo ə̀ ghɔnyìə ghənə̂ghè nə zhwi, ə pɨ̀a ə ghɔnə nji fo ə̀ghɔyn nə ə zhwi. Ghɔynə tə kə̀mnə̀ ə nô ghə̀ pɨ̀a yî ghə̀ nyì, ə fo nə zhwi.

Ŋwàʼlè ə̀ Mâk 13:9

Ghàyn e tɔ̂ʼnə̀. Ə tə kyiə ghàyn ə ndu ə ndɛ̂ èsaʼ. Ə tə pusə ghàyn ə sendɛ sə atsɨ̀yntese, ə ghàyn fɨyn tyə̂m əghɨ tesaʼ ghə əshi, è fɔ̂yntè kè kûmə̀ mi. Zɨnə tə kyânə̀ kə ghàyn ndaʼa tom èchùŋ sê ghənə.

Tom èchùŋ kè kə Lûk tè nyaʼ 21:12

Ghɛ nə ghɨyn tə piə kyànə̀ mə ə kyitə̂ ghàyn, fo ngəʼ sê ghàyn, njiə ndùə è ghàyn ashi ə saʼa ə sendɛ sə atsɨ̀yntese, ə ndəm ghàyn ə chaʼ Ə tə njiə ndùə è ghàyn ə̂ fɔ̂yntè əshi è ghɨə saʼa əmɔ̀ʼɔ̂ kè kûmə̀ mi.

Njɔyn 3:27

Njɔyn ə pə̀ynsə̀ sê ghənə nə, “Wùə vîvè vayn kyi afɨa mə ə̀ paʼà fo Zhə̀fè.

Ətefɨ̂aʼ 2:4

Zuʼse Ŋwaʼase ə pə̀ njiə ə nâʼà piə ndè əfètəyn fu ə nə̀, ghənə zhə̀tə̀ sè wàmnə̀ ə tewâmnè tə tendaʼ tə ndôtè. Ə̀ tè nyi Sezuʼ sɛ ə se tè nəyn nə ghənə ə wâmnə̀ ə̀ghɛ ghɛ ə ghənə tè wàmnə̀.

Ətefɨ̂aʼ 3:13

Zhə̀ fɛ ə Aplàghâmfè, è Azɨ̀k è Njàkɔ̂p kɔʼsə, mə za nyi Fezhə̀ fə pɨ̀a ghâsènì ghəshiə ə tyə̀yn pomsê ə wùə èfɨ̀aʼa ə Vəyn Njisə̀s. Ghàyn tè fo Vəyn əghɨ ghayn ghə sesaʼghə gho, ghàyn ə kwiynsə̂ Vəyn ə Paylɛ̀t əshi. Ə pə̀ pi kə Paylɛ̀t tè kyiŋə se zà ə Vəyn ghàyn ə kwiynsə̂ Vəyn

Ətefɨ̂aʼ 4:31

Ə pə̀ kə ghənə tsə̀m mɨ̂sè, luʼ vɛ ə ghənə tè nyi ətəyn, və shɨŋə nəʼə̀. Zuʼse Ŋwaʼase ə lwinə ə ghənə ewìyn nâʼà ə̀kɨ̂m. Ghənə ə zhə̀tə̀ sè ndaʼa tom ə̀ Fèzhə̀ ètəm a tyaʼa.

Ətefɨ̂aʼ 6:10

Ghənə ə saʼnə̂ ə̀ghɛ yighə̀ Shìtifɨ̀yn ə tânə̀ andiŋ kyîke sè fɨyn kyi va ghɛze se pì kûmə̀ nə Shìtifɨ̀yn tè wàmnə̀ è tɔf eghaʼâzè, mə ə̀ fo Sèzuʼse Ŋwaʼase.

Ətefɨ̂aʼ 6:15

Nâʼà ə̀ghɨ ə̀kɨ̂m ghɛ ə ghe tè nyi elùʼ e saʼ nə vɛ ə naynə̂ ndùə Shìtifɨ̀yn ə fe èkyâʼ ə vəynze ze nyanə̂ kə kə ekyâʼ ə tsìzè.

Ətefɨ̂aʼ 7:55

Shìtifɨ̀yn tè nyi mə è və lwiyn è Zuʼse Ŋwaʼase. È və naynə̂ kɔʼsə ndùə ekwùtwəyn ə fe èpomsê ə Fezhə̀zè, ə fɨnə fe Njisə̀s, È ve tyəm apàs ekɔyntwɔ ə Fezhə̀kè.

1 Kɔlìŋ 2:13

E za nyi nə ghàs nə piə zaʼlə ndò, ghàs e zaʼlə̂ va ghɛ etɔf eghaʼazè mə ze ndo sê ghɨ, pîza zaʼlə̂ ètɔf eghaʼâzè mə ze ndo sê Zuʼse. Ghàs tsà paynsə̂ səmɔʼ ghɛ kûmə̀ Sèzuʼ se ghɨ ghɛ ə ghənə kyi Zuʼ sə təynse.

Ɛfesùs 3:5

Ə̀ nyi ə̀ghɛ ndɔ̀ʼɔ fe tyəyn sê ghɨ shiə kə è tyə̀yn paynse zôyn sê ghɨətom eŋwaʼ ə vəynghe è fɨ̀aʼtèsè tɔynə̂ ə Sezuʼ se Ŋwaʼa sə vəynse.

Njə̂m 1:5

Pîza, ə wùə se ghàyn làʼà tɔf eghaʼâzè, e və tsə̀mə̀ sê Zhə̀fè, ə Fe fo zəynze sê vəyn kûmə̀ nə Zhə̀fè fo sê nâʼàpî ndè èsaŋnêzè, e vayn zɔ̀ ə ghô ashìŋə̀ kɛ ə ò pfɨf sê vəyn.

1 Pità 1:12

Zhə̀fè ə tə tyə̀yn paynsê sê fɨ̀aʼtè nə sɨ̂nə̀ nə ghənə ndâʼà tom nə zɨ̀yn fɨaʼà va sê ngɨŋ sə ghənə̂sè, nə ghənə pɨl fɨ̂aʼ sê ghàyn. Ghɛ ghɛ ə fɨ̀aʼtèsè tè wàmnə̀ nyi kepî ə̀ghɛ ghɛ ə ghɨ ghɛ ə ghe ndâʼà tom èchùŋ zôyn tɔynə̂ ə Sezuʼ se Ŋwaʼa sɛ ə se ndô pə̂ ekwùtwəyn, ə nyi ə̀ghɛ nâʼàpî sètsì e kɔ̂ŋɔ̀ sə̂ ke.