Ŋwàʼlè ə̀ Mâk 13:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Pîza tsɔfə kə mbi mi, ə kyi se tsâ tom èchùŋ sê ndaʼ tə mbi tekɨ̂m.

Ŋwàʼlè ə̀ Mâk 13:10 Iomraidhean Croise

Matyò 12:41

Ə̀ tə nə̂ ə nyi etuʼ ə saʼe, ə ghɨ Ninevìə ndwite ə te shyə̀ paʼsə̂ kə è ghâŋ fə mbi fɨ̂nə̀. Ghənə tə tyəmə̂ sètsɛ̀ sə saʼ sɛ ə setə nə̂ nə ghâŋ fə ghɨ̀ fɨ̂nə̀ pfɨ saʼ kûmə̀ nə kə Njonà tè ndàʼa tom ə̀ Fèzhə̀ sê ghɨ Nenevìə, ghənə ə pə̀ynsə̀ ə̀təm ə ghənə̂ ghe piə. Pîza, wùə nə̂ nyi fayn zôyn mə è nyiə tsɨ̂ə tsɛ Njonà pîza ghàyn zɨtə̂ va sê vəyn.

Matyò 24:14

Ə tom èchùŋ zɨ̀nə̀ kûmə̀ èfɔ̂yn ə Fezhə̀vè waŋ ke luʼ tekɨ̂m ə mbi kə ghɨghe ə tendaʼ tèkɨ̂m ə ke səmɔʼ. Ə̀ nyì fumə ashìŋə̀ kə kwùŋseke tə pə̂.”

Ŋwàʼlè ə̀ Mâk 16:15

È və pìə sê ghənə nə, “Ghàyn ndu luʼ tekɨ̂m ə mbi ə ghàyn ndaʼa tom èchùŋ sê ghɨghe əkɨ̂m.

Ŋwàʼlè ə̀ Pɔ̂l sê ghɨə Lûmghè 1:8

Elùʼ əshive, m fo àzɔ̀ŋnè se Zhə̀ fɨmfe kûmə̀ ghàyn əkɨ̂m ə Njisə̀s Klâys ezə. M fo àzɔ̀ŋnè se Vəyn kûmə̀ nə pomə̂ zayn se Njisə̀ Klâys chyà ndûə kə ndò mbi èkɨ̂m.

Ŋwàʼlè ə̀ Pɔ̂l sê ghɨə Lûmghè 10:18

Pîza pfɨf zɨmze nyi nə, ze nyi ndô səmɔʼ nə ghənə tè pâʼà zɨ tomə̀ təyn ə? Ghənə tə fɛtê zɨ zə̂ynzè àchûŋ. Ə nyàʼ ə ŋwàʼlè ə̀ Fèzhə̀ nə, “Ə tə zɨ kyə̀ ghɨ̀ nə ghɛ ə ghe tè ndàʼa tom èchùŋ pôlə̀ tə mbi tekɨ̂m. Wâmnè ə ghənə̂zè ə tə ndù fɨ pôlə̀ tə mbi tekɨ̂m.”

Ŋwàʼlè ə̀ Pɔ̂l sê ghɨə Lûmghè 15:19

M tè nəyn əghɛ nə ghɛ mə, atyaʼ ə sechwîəke, è ghɛ əkayntəghe, è kɨsè atyaʼ ə sezuʼ sə Fezhə̀sè. Zɨnə mə ə tə nə̀yn me ndaʼà tom e chùŋ ə̀ Klâys àchûŋ, kə m tè ndò ə Njèlusalɛ̀m se ndùə tàyn apàs endaʼ ə Ìlilikùmkè. Mə ndàʼà tom èchùŋ èkɨ̂m kûmə̀ Klâys.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

Kòlosè 1:6

Tom èchùŋ nə zɨ̂yn pə̂ èpɔsêzè è kɨsè sə waŋə ndûə kə luʼte kɨ̂m ə mbi. Tuʼfə shi fɛ ə ghàyn tè zɨ, ghàyn ə tə zɨ kê nə Zhə̀fè ndɨŋ kyi ndò təm ə chûŋghè sê ghɨghe.

Etyə̂yn ə paynsêzè 14:6

Mə ke fe tsì ə̀mɔʼɔ̂ è wulə̀ tsɛ̂ nâʼà ekwùtwəyn, kyi tom è chùŋ zɛ ə è tə ndamə faŋə se ndàʼa sê ghɨ ghɛ ə ghe nyi ə chi; È tè nyi se ndàʼà sê ghɨ tendaʼ tekɨ̂m, è ghɨə tetàŋ ghəkɨ̂m, wàmnə̀ kə tèwâmnè tèkɨ̂m, kyi ke tèkyì tekyàʼ tekɨ̂m.