Ŋwàʼlè ə̀ Mâk 11:25 - Ŋwàʼlè ə̀ Fèzhə̀ Mkâyn Mə̂ Fèm

²⁵ Ə ò tyəm nâʼà pî ashìŋə̀ àkè se tsə̀m, kyi eghɛ ghâyn wùə, gho lɛ̀sə̀ fo vəyn kə Pɨa vɛo vɛ ə è nyi ekwùtwəyn pɔŋ lɛ̂sè fo sèpi sɛse.

Ŋwàʼlè ə̀ Mâk 11:25 Iomraidhean Croise

Matyò 5:23

Ə ò nyì se ndù èmâʼteze sê Zhə̀fè alaŋ efoke, ə kwàʼtə̀ fumə nə ghô ghânə̀ ànɛ̂ nyîə kyi ngəʼ,

Matyò 6:12

Lɛ̀se fo pi sɛ ghàs nyi mə nə̀yn, kèpi eghɨ kə ghàs lɛ̂sə̀ fo ghɨ ghɛ nə̂yn pi sê ghàs.

Matyò 6:5

Ə ghàyn piə tsə̂mə̀, kə ghàyn ə tsə̂mə̀ kə ghɨ ghɛ ə kaŋkaŋə nə̂. Ghənə kɔ̂ŋə̀ sə̂ ndwìə tsə̀mə̀ ə sendɛ sə atsɨ̀yntese tsəməse è kɨsè echo fàfə̀, kə nâʼà pîndè fe ghənə. M tsâ sê ghàyn səmɔʼ nə kyì əghɨ̀ ghɨ̂yn ə kàynè kyî maʼte ə ghənə̂zè ekɨ̂m.

Tom èchùŋ kè kə Lûk tè nyaʼ 18:11

Wùə ə̀ Falàsî vɛ ə ndùə tyəmə sə nɨŋ sè tsə̂mə̀, piə nə, ‘M fo àzɔ̀ŋnè kɛke ə Zhə̀fè kûmə̀ nə m va chi kə ghɨə mɔ̀ʼɔ̂ ghɛ ə ghe zâŋsə̀ fiə fɨa ghɨ̀u səndô, vachi kə ghɛghe kəmə saʼe, chûmtə̀ va zəyn ə ghɨ̀ə. M va chi pi kə wùə ə vɨ̀nə ə è tənə tâksè nyi.

Tom èchùŋ kè kə Lûk tè nyaʼ 18:13

Wùə vɛ ə è tè tənə tâksè za ə piə è tsə̀mə̀ ndò ə tyəmə kə sə aghaf ə tàʼa kɔ̀ŋ naʼapi se naynə̂ kɔʼsə̂ ekwùtwəyn pîza ə ndəmə àgho ə vəyn angàŋtè se maʼlə̀ ewiyn piə nə, ‘Zhə̀fè, kose səyn sê mi, m nyi wùə əghɛ piə!’

Tom èchùŋ kè kə Lûk tè nyaʼ 6:37

Kə ghàyn nə saʼa ghɨə, kə ə tə tàʼa saʼa ghàyn. Kə ghàyn nə pofsə̂ ghɨə, kə ə tə tàʼa pofse ə ghàyn. Ghàyn lɛ̂sə̀ fo ə̀ghɨ, kə ə tə lɛ̂sè fo ghàyn.

Ɛfesùs 4:32

Ghàyn e tɔ̂ʼnə̀ fɨnə kosə̂ èsəyn sê ghɨ mɔ̀ʼɔ, lɛ̂sə̀ fo ə̀ghɨ mɔʼɔ kè kə Zhə̀fè tè lɛ̀se fo ghàyn tɔynə̂ ə Klâys.

Kòlosè 3:13

Ghàyn e kyi ə̀təm ə kolə sê ngɨŋ saynse, lɛ̂sə̀ fo nâʼàpî ndè vɛ ə è nyi mə è və nə̀yn pofsê se ghò. Ghàyn e lɛ̂sə̀ fo sèngɨŋ saynse kè eghɨ kə Pɛ̂pɛ nyi mə è və lɛ̂sè fo ghàyn.

Njə̂m 2:13

Kûmə̀ nə shîŋə̀ kɛ ə Zhə̀fè tə piə fe saʼa nâʼàpî ndè vɛ ə è kosə va səyn sê wùə, ə fe tàʼa kosə esəyn sê vəyn; Pîza wùə vɛ ə è kosə səyn sê ghɨə mɔ̀ʼɔ, shîŋə̀ kɛ ə Zhə̀fè tə piə fe saʼa vəyn, ə fe saʼ vəyn èkosê esəynze.

Etyə̂yn ə paynsêzè 11:4

Tsɛ̀ sə esaʼ nə sɨ̂nə̀ nyi m̀kâʼ mə olìfmè m̀pɛ̀, è fɨa vɛ ə lâmsè tyəm ətəyn è pɨ̀a, ve tyəm ə Pɛ̂pɛ ə shi vɛ ə è saʼa chike.