Ŋwàʼlè ə̀ Mâk 11:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Ghɨ kɔʼsə nə eshyə̀ engaŋtəghe yî tyə̀ynsè sə alàŋsè ə zɨə nyî, sè kyiŋə èndom se zhwiə Njisə̀s. Ghənə tè fànə vəyn kûmə̀ nə nɔ̂ynkè akɨ̂m tè nyi èkaynze kûmə̀ ə̀ghɛ ghɛ ə è tè zaʼlə.

Ŋwàʼlè ə̀ Mâk 11:18 Iomraidhean Croise

Matyò 21:15

Pîza, ghɨ kɔʼsə nə eshyə̀ ngaŋtəghe, è tyə̀ynsè sə alàŋsè e nyɔ̂ʼsə̀ ètɔŋ kə ghənə fe ghɛ ə kayntə ghɛ è nə̂ fɨnə zɨə kə mɨə̀tə̀m tè pɨa pîə fu nə, “Tsîtèzè nyì sê Va fèghàŋ fə ndɛ ə Fɔ̀yn Ndàfîtfè!”

Matyò 7:28

Kə Njisə̀s tè zaʼle mɨ̂sè ə̀ghɛ nə ghɨ̂nə̀, choze ə zomə anɔ̂yn ə ghɨ̀ kɛ endom vɛ È zaʼle ətəyn.

Ŋwàʼlè ə̀ Mâk 1:22

Zaʼlê ətəynze ə nə̀, choze ə zomə ghənə kûmə̀ nə è tè zaʼlə va kə setyə̀ynsè sə alàŋsè. È tè zaʼlə kə nâʼà kə wùə vɛ è kyi tyaʼa.

Ŋwàʼlè ə̀ Mâk 11:32

Pîza, ə ghâsènì pì nə, ‘Ke ndo sê ghɨ ə̂’” Ghənə tè fànə əghɨ kûmə̀ nə ghɨghe əkɨ̂m tè kwàʼtə kə nə Njɔyn tè nyi ke nâʼà fɨ̀aʼtè èghaʼâ.

Ŋwàʼlè ə̀ Mâk 12:12

Tu ə ghɨ̀ə Njûs nə vɛ ə mɔ̀msə̀ se kyiə Njisə̀s kûmə̀ nə ghənə tə zɨ kê nə è mɛ ngàyn nə zɨ̂yn kûmə̀ ghənə. Pîza ghənə ə fânə̀ ànɔ̂yn ə ghɨ̀ kɛ ə ke tè nyì fu, ə zà vəyn ə ndò.

Ŋwàʼlè ə̀ Mâk 3:6

Ghɨə Falàsîə ghə fɨə kə sə ashìŋə̀, ə kyîə atsɨ̂ynte yî ghɨ Ɛlɔ̀tghè sè pɨaʼtə̂ se zhwiə Njisə̀s.

Ŋwàʼlè ə̀ Mâk 6:20

Ɛlɔ̀t tè nyîə fànə̀ kə̂ è tè ke nə Njɔyn tè nyi wùə chichi, fɨyn nyi èŋwaʼze. È tè pomə̂ tsɛ̂ va nə ə nəyn ghɛ epi sê Njɔyn, kɔ̀ŋɔ̀ kə sə̂ zɨtə̂ ə̀ghɛ ghɛ ə è pìə, nâʼàpî kə è tè zɨtə, ghɛ ətəyn ghe fɨmsə̂ vəyn nâʼà sə ŋaŋ.

Tom èchùŋ kè kə Lûk tè nyaʼ 19:47

Njisə̀s ə zhə̀tə̀ sè zɨsə̂ zaʼlə̂ ə Ndɛ Ètsə̀mə kè tuʼmè m̀kɨ̂m. Ngàŋ sə ndɛ Fèzhə̀ seghaʼâsè yî tyə̀ynsè sə esaʼse è chəʼ sə endaʼse e sè kyiŋə endom se zhwiə vəyn,

Tom èchùŋ kè kə Lûk tè nyaʼ 2:47

Ə̀ tè zɨə piə ndè kə è wàmnə̀, kayntə̂ kəndò nə̂, è nyiə nji ghayn tɔfe nyiə.

Tom èchùŋ kè kə Lûk tè nyaʼ 20:19

Njisə̀s ə mɛ̀ mɨ̀sə̀ ngàyn nə̂ zɨ̂yn, tyə̀ynsè sə esaʼse yî ghə̀ ghɨ ekɔʼsə nə eshyə̀ ə ngaŋtəghe ə ke kyiə kə ndò nə è fè mɛ̂ zâ kûmə̀ kə ghənə tè se mɔ̂msə̀ se kyiə vəyn kè ashìŋə̀ nə kɛ ə fɨnə fânə̀ kə əshi ə ghɨ̀ə.

Tom èchùŋ kè kə Lûk tè nyaʼ 4:22

Naʼapi ndè ə fe kə nâʼà nə è və wàmnè àchûŋ, sè nyi èkayn nə̂, ə nyiə piə wâmnè e fɔmə zɨnə fɨ ke nâʼà ə vəyn echo nyi ə, ə ndò sə təyn ə kɛsə sè pfɨfə nə, “Piə vɨ̀nə nyi ke nâʼà va Njosɛ̀f nyi ə?”

Njɔyn 7:1

Epàm əghɛ ghɨ̀nə̀ ə̀kɨ̂m, Njisə̀s e sè kwîə ka ə telùʼ ə telùʼ apàs endaʼa Ngalìlîkè, kɔ̀ŋɔ̀ va se kwiə ndu apàs endaʼa Njòdyâkè, kûmə̀ nə ghɨə Njûsə̀ fu tè kyiŋə se zhwiə Vəyn.

Njɔyn 7:19

Mosîs ə tə fo Lâŋkè sê ghàyn, mə è tè paʼà fo? Pîza kè nâʼà wùə èmɔ̀ʼ ə ghàyn əfètəyn ə tàʼa ndə̀m ə kəynke. Kûmə̀ ghè ə ghàyn mɔ̀msə̀ se zhwiə mi ə?”

Njɔyn 7:46

Ghɨ fɨaʼa ətəynghe ə pìə nə, “Wùə pâʼà tyəmə wàmnə̀ endom vɛ ə wùə nə vɛ wàmnə̀ ətəyn!”

Ətefɨ̂aʼ 24:25

Kə Pɔ̂l tè wàmnə̀ kûmə̀ èndam ə chichize, è ndom vɛ ə wùə kàʼa è və chisə̂ ngɨŋə̂ vəyn ətəyn, è saʼ zɛ ə ze nyi se tə pə̀yn, fâynzè ə ko Felès, è və pìə nə, “Zə kwəyn za! Ò kàʼa ò ndo zôyn. M nə̀ tɔŋɔ̂ kwəynsə̂ ghò ashìŋə̀ kɛ m kyi zhəmke.