Ŋwàʼlè ə̀ Mâk 11:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ È və sòylə̂ fekâʼ fə ətəynfe ə pìə nə, “Wùə tə fɨnə kwɨlə va tamfe mə è kɔ̀yn ə ghò ətu!” Chùmtè èpàm sə vəynse ə zɨə èghɛ nə zɛ ə è pì zâ.

Ŋwàʼlè ə̀ Mâk 11:14 Iomraidhean Croise

Matyò 21:19

È və fe fèkâʼ fə sefîkfè endom, ə njiə ndûə esâs ə̀təyn pîza ə tàʼa fe atam kyîke fu etûə fèkàʼ ə̀ tsɛ̂ kəva sɛ̂tè ə se pì sê kâʼ fə ətəynfe nə, “Ò tə fɨnə muə va twɔmve!” Kè sə ashìŋə̀, kâʼ fə sèfîkfə təynfe ə zomə.

Matyò 21:33

Njisə̀s ə fɨnə pîə nə, “Ghàyn zɨte kwəynsê ngàyn ə̀ mɔʼɔ̂, ‘Wùə vîvè tè kyi eluʼ ə zho ètwɔm ətəyn, ə lò kyîŋə̀ nga mbàyn ə̀təyn, ə tɨmə èpə zɛ kə ə nûʼə̀ ètwɔm ətəyn fɛtə mlɨ̂, ə pɛ àpfɨ̀ə e tsɨ̀ŋnəke əfètə̂ àfùʼ ə ke fo afûʼ ətəynke sê ghɨ nə fɨaʼà, chyâtə̀ fo vəyn è fɨa vɛ ə ve fɨə ətəyn, ə ndò ndûə èkwî.

Matyò 3:10

Njàm nyîə nyi è pɨaʼtêzè se kwə̀lə̂m mkâʼ ə te ghàŋ. Ə faŋ pî fèkâʼ fèkè se mu etwɔm echûŋvè, ə kwə mâʼà ewùs.

Matyò 7:19

Ə tə kwə̂ maʼà nâʼà pì fèkâʼ fè kè fɛ ə fe muə va twɔm echûŋvè ə maʼa ewùs.

Ŋwàʼlè ə̀ Mâk 11:13

È və pìə e naynə̂ ndù ndò ə fe fekâʼ fə sefîkfè, fe tyəm nâʼà sə aghaf mə fə zɨə nâʼà achûŋ. È və ndùə esâs ə̀təyn se fe nə e nə̂ fe ndò twɔmvə, pîza ə fe kə tèsɛ̂, kûmə̀ nə ə tè va ashîŋə̀ kɛ twɔmve nə vɛ muə ətəyn.

Ŋwàʼlè ə̀ Mâk 11:15

Kə ghənə tè ndù fɨ ə Njèlusalɛ̀m, è və njiə apɨəyn ə Ndɛ Ètsə̀məke sè chûmə̀ fɨsə̂ ə̀ghɨ ghɛ ə tè nə̂ pə̂ʼlè fu. È və pə̀ŋsə̀ maʼà èfɨa vɛ ghɨ tè kwiynə kɛve etu ə̀təyn, ə pə̀ŋsə̀ mâʼà m̀kyə̂ mɛ ə ghɨə tè tsɨs ətəyn se pəʼlə̂ m̀kwɨ̀lə̂.

Njɔyn 15:6

Ghɨ ghɛ ə tàʼa faŋə kə Mì ewìyn, ə nə nji tsɨsè ghənə kə ngɔ̂nə̀ fèkàʼ. Ə ngɔyn ə̀təyn ə nyi tsɛ ke mə è zə zom. Ə komtə̂ ekyì ə sengɔyn nə sɨ̂nə̀ mə ə màʼà ndzɨsə̂ ewùs, elùʼ vɛ ə se nə pɛ.

2 Pità 2:20

Ə ghɨə nyi mə ə tə fɨə əghɛ mbighe tsɛ tɔynə̂ ekê ə Pɛ̂pɛ ə̀ ghâsènì Njisə̀s Klâys, ə fɨnə kɛsə̂ ndûə njiə əghɛ ə mbighe, ghe ə ko ghənə kə atam mə ghənə vayn kɛsə fɨ, ə ndamtə ghɨ̀ ətəynghe ə pofə tsɛ̂ kə te tè nyì chi sə shi.

Etyə̂yn ə paynsêzè 22:11

Nâʼàpî ndè vɛ ə è nə̀ pi ndu ke èshike sə̂ nə̂ pi, ə nâʼàpî ndè vɛ ə è nə̀ ghɛ ə liŋghe, ndu ke èshike sə̂ nə̂ ə̀ghɛ ə liŋghe, nâʼàpî ndè vɛ ə è nə̀ chùŋ, ndu ke èshike sə̂ nə̂ chùŋ, nâʼàpî ndè vɛ ə è nyi èŋwaʼe ndu ke èshike sə̂ nyi èŋwaʼze.”