Ŋwàʼlè ə̀ Mâk 10:52 - Ŋwàʼlè ə̀ Fèzhə̀ Mkâyn Mə̂ Fèm

⁵² Njisə̀s ə pìə sê vəyn nə, “Kɛse ə ò kwɨlə̂. Pomə zɛze ə nə̀yn ò vɛ ò tɛ.” Kè sə ashìŋə̀, è və kɛsə fe tèluʼ ə ndò sè chûmtə̀ ndùə vəyn.

Ŋwàʼlè ə̀ Mâk 10:52 Iomraidhean Croise

Matyò 11:5

Tsàyn sê vəyn nə, fòfvè kàʼa ve fe, m̀ngə̂s e kwîə, ghɨ akwùsghè e tɛ. Ghɨ ghɛ ə tè nyi mə ə kwùʼ e zɨə ə̀ghɛ, ghɨ ghɛ ə tè nyi mə ə kwutê è kɛsə̂ ndwîə, e ndàʼà tom èchùŋ sê ghɨ afɨfə.

Matyò 12:22

Ghɨ əmɔ̀ʼɔghe ə ke pə̀yn è wùə sê Njisə̀s mə è və fòf vayn kàʼa è wamne kûmə̀ nə è tè nyiə kyi èpamə̂ ə satàynzè. Njisə̀s ə tsuʼə wùə ətəyn è və zhə̀tə̀ fe, fɨnə wâmnə̀.

Matyò 15:28

Njisə̀s ə ke pə̀ynsə̀ vəyn nə, “Ò nyi wùzhɔyn èpomə èghaʼê! Ghɛ zɛ ə ò kɔ̀ŋə̀, ə nə̀ nə̂ zəynze sê gho.” Kè sə ashìŋə̀ vayn èzhɔyn ə̀ vəyn ə tɛ.

Matyò 21:14

Ghɨ fofə, è m̀ngə̂s ə pə̀ sê vəyn fu, È və tsuʼə ghənə.

Matyò 8:3

Njisə̀s ə nɛ̀sə̀ àgho ə ndə̀mə̀ ə vəyn ewìyn ə pìə nə, “M kɔ̂ŋɔ̀ ndò, kɛse zo.” Kè sə ashìŋə̀, kwùs ətəynke ə mìə ə vəyn ewìyn.

Matyò 9:22

Njisə̀s ə kə̀mnə̀ èwiyn ə fe vəyn ə pìə nə, “Kə ò fayn ə vayn vɨm. Pomə zɛze ə nə̀yn ò vê tɛ.” Kè sə ashìŋə̀, wùzhɔyn ə̀təyn ə tɛ.

Ŋwàʼlè ə̀ Mâk 1:31

È və ndùə kyîə àgho vəynke ə tsàmtə̀ vəyn nə è ndwi, wiyn kasə təynve ə mìə kə ndò, è və tsɛsə̀ efɨaezhiəve ghənə ə zhiə.

Ŋwàʼlè ə̀ Mâk 5:34

Njisə̀s ə pìə se vəyn nə, “Vayn vɨ̂m, pomə̂ zɛze ə nə̀yn ò vɛ o tɛ. Kwɨlə ke è pɔ̂ynè. Tsôs vɛ və mì.”

Ŋwàʼlè ə̀ Mâk 8:25

Njisə̀s ə fɨnə ndə̂mə̀ kwəynsə̂ ə̀gho ə wùə è fofə nə vɛ əshi, wùə ə̀təyn ə fɛtə̂ naynə̂ shi ə vəynghə zo, è və nyaʼâ sè fɛtə̂ fe tèluʼ.

Tom èchùŋ kè kə Lûk tè nyaʼ 7:50

Njisə̀s ə se pi sê wùzhɔyn ətəyn nə, “Pomə zɛze ə sɔ̀ za gho. Kwɨlə ke è pɔ̂ynè.”

Tom èchùŋ kè kə Lûk tè nyaʼ 9:48

ə piə sê ghənə nə, “Ə̂ tɔ̀ʼnə̀ pi ndè è vayn nyiə kə vɨ̀nə kûmə̀ mi, ə nyi mə è tɔ̀ʼnə̀ è mi. Ə vɛ ə è tɔ̀ʼnè è mi ə ke nə è və tɔ̀ʼnè è vɛ ə è tom mi. Ghàyn ke nə wùə vɛ ə è tətə kwûŋsə̀ ə ghàyn əfètəyn əkɨ̂m nyi vəyn vɛ ə è ngaŋte tsɛ̂.”

Njɔyn 9:32

Nâʼà kə mbi tè zhə̀te, wùə pâʼà tyə̂m zɨ nə wùə vîvè nyì ndô mə è kàʼa è nəyn nə wùə ə fe mə ə tè piə vəyn mə è və fòf.

Njɔyn 9:39

Njisə̀s ə ke pì sê vəyn nə, “M pəyn fâ mbi se saʼ əghɨ, se nə̀yn nə ghɨ ghɛ fe va ə fe, ə ghɛ ə ghe fe, ə ghe fof.”

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”