Ŋwàʼlè ə̀ Mâk 10:47 - Ŋwàʼlè ə̀ Fèzhə̀ Mkâyn Mə̂ Fèm

⁴⁷ È və zɨə nə ə nyi Njisə̀s ə va wùə ə̀ Nazalɛ̀t kə è tsɛ̀, ə pɨa pîə nə, “Njisə̀s, Va Fɔ̀yn Ndàfît, kose səyn sê mi!”

Ŋwàʼlè ə̀ Mâk 10:47 Iomraidhean Croise

Matyò 1:1

Ə̀ ghɨnə nyi əzə ghə̀pɨ̀a ə pɨ̂a Njisə̀s Klâysə̀. Njisə̀s tè ndò e tɔ̀ŋ ə ndɛ fɔ̀yn Ndàfîtzè, mə Ndàfît ndò e tɔ̀ŋ ə ndɛ Aplàghâmzè.

Matyò 12:23

Nɔ̂ynvè tè nyi è kaynze eghɛ zɛ ə Njisə̀s nə̀yn. Ghənə è ngɨŋ sə ghənə̂sè ə zhə̀tə̀ se pì nə, “Ə vɨ̀nə kàʼa nyi Vâ ə fèghàŋfə Fɔ̀yn Ndàfîtfè mə?”

Matyò 15:22

Wùzhɔyn emɔ̀ʼ endaʼ ə Kanànâtzè mə è tè ndamə fu endaʼ ə fɨə pə̂ sê Njisə̀s chîə, puʼə àpɔ̂ŋ pîə nə, “Kose səyn sê mi ə Pɛ̂pɛ, Va fèghàŋ ə ndɛ Fɔ̀yn Ndàfîtfè! Vayn vɨ̂m vê èzhɔyn nyîə zɨə ngəʼ nâʼà sə ŋaŋ kûmə̀ nə pamə̂ ə satàynzè nyi ə vəyn wìyn.”

Matyò 2:23

È və ndùə sè ndamə ə tɔ̂ŋ zhîzè e tɔŋtə̂ nə Nazalɛ̀t. Ghɛ zɛ ə Zhə̀fè tè pi tɔynə̂ ə sèfɨ̀aʼtè nə: “Ə tə kê vəyn kə wùə ə Nazalɛ̀t ə pə̀ səmɔʼ.”

Matyò 20:30

Ghɨə fofə tè nyì əpɛ̀ tsɨs etipìə èndom. Kə ghənə tè zɨ nə Njisə̀s tsɛ̀ ndò, ghənə ə pɨa pîə nə, “Vâ fèghàŋ fə ndɛfə Ndàfîtfè, kose səyn sê ghàs!”

Matyò 21:11

Nɔ̂yn ə ghɨ̀ kɛ ə pə̀ynsə̀ kə nə, “Ə̀ nyi Njisə̀s ə fɨ̀aʼtè vɛ è ndò ə tə̀ʼ ə Nazalɛ̀t apàs endaʼ ə Ngalìlîkè.”

Matyò 21:9

Nɔ̂yn kɛ ə ke tè ndùə ə vəyn əshi è kɛ ə ke tè pə epàm ə zhə̀tə̀ sè pɨa pîə kə nə, “Òsanà, tsîtèzè nyì sê Va Fɔ̀yn ə̀ ndɛ ə̀ fèghàŋ ə Ndàfît! Pɔsê e nyi sê vɛ è pə̀ e zə ə Pɛ̂pɛze! Òsanà, tsîtèzè nyì sê Zhə̀fè elùʼ engaŋtəve!”

Matyò 26:71

Kə è wàmnè mɨ̂sè zâ, ə ndò fɨə ndùə endom fumə echo àpɨəyn ə saʼke. Vâyn èzhɔyn èfɨaʼa ə̀mɔ̀ʼɔ̂ ə fɨnə fe vəyn ə pìə sê ghɨ ghɛ ə ghe tè nyì fu nə, “Wùə vɨ̀nə tè nyì yî Njisə̀s vɛ ə è ndò endaʼa Nazalɛ̀tzè.”

Matyò 9:27

Njisə̀s ə ndò fumə sè kwîə ndûə, ghɨ e fofə ghə pɛ̀ ə chùmtə̀ vəyn, pɨ̀a tɔŋɔ piə nə, “Kose səyn sê ghàs ə Va fèghàŋ ə ndɛ Ndàfîtfè!”

Ŋwàʼlè ə̀ Mâk 1:24

piə nə, “Ò kyiŋə ghè sê ghàs ə Njisə̀s və Nazalɛ̀t, ò pə̀yn se pofsə̂ ghàs mə? M ke ndô ghò nâʼà àchûŋ. Ə̀ nyì ghò wùə vɛ ə Zhə̀fè tom ò nyi èŋwaʼze.”

Tom èchùŋ kè kə Lûk tè nyaʼ 4:16

Njisə̀s ə tə ndù ə Nazalɛ̀t, mə za nyi ə tə̀ʼ zɛ ə è tè ndəmə̂ kɔʼ ətəyn, ə ndùə njiə ə ndɛ̂ atsɨ̀ynte, ə ghənə etuʼ endaʼ vîve ke kə è tè ndamə ndùə. Ə ke ndwìə se tɔŋɔ Ŋwàʼlè ə̀ Fèzhə̀.

Njɔyn 1:46

Nàtanyèl ə pfɨfə nə, “Ghɛ echûŋ zhîze kaʼa ə ze fɨ ə Nazalɛ̀t ə?” Filìp ə pə̀ynsə̀ nə, “Pə fe.”

Njɔyn 19:19

Paylɛ̀t ə nyàʼà apàŋ afɨake nə, “Njisə̀s və Nazalɛ̀t, ə fɔ̀yn ə̀ ghɨ̀ə Njûsə̀” ə payntə̂ àpâŋ afɨa ətəynke ə Vəyn etuə awâmnè.

Njɔyn 7:41

Yîghe pîə nə, “È nyi vɛ ə chɔʼ ndə̂m.” Pîza Yîghe pîə nə, “Vɛ ə chɔʼ ndə̂m vayn kaʼa è pəyn ə Ngalìlî!

Njɔyn 7:52

Ghənə ə pìə se vəyn nə, “Ò ndò kepî ə Ngalìlî ə̀? Fɛte zaʼle Ŋwàʼlè ə̀ Fèzhə̀ ə ò fe nə fɨ̀aʼtè pâʼà tyəmə̂ fɨ ə Ngalìlî.”

Ətefɨ̂aʼ 6:14

Ghàs ə tə zɨ kə è pìə nə Njisə̀s ə̀ Nazalɛ̀t nə vɨ̂yn tə pɨ̂sə̀ ndɛ̂ ètsə̀mə, ə È fɨyn kwiynê endam zɛ ə Mosîs tè zaʼle ghâsènì ətəyn.”

Etyə̂yn ə paynsêzè 22:16

“Mi Njisə̀s ə tom tsì zɨ̂mzè nə è ndaʼa ghɛ ghɨ̀nə sê ndɛ sə Fezhə̀sè. M nyi wùə ètɔ̀ŋ ə ndɛ ə Ndàfîtzè, nyi fèlî fe panə fə pɨ̂sə̀ pɨ̂sə̀fè.”