Ŋwàʼlè ə̀ Mâk 10:43 - Ŋwàʼlè ə̀ Fèzhə̀ Mkâyn Mə̂ Fèm

⁴³ Pîza, e kyi va sə̂ nyi za sê ghàyn. Nâʼàpî ndè vɛ ə è kyiŋə sə̂ nyi wùə èngaŋtə ə ghàyn əfètəyn kyi sə̂ nyi wùə èfɨaʼa sê ghàyn.

Ŋwàʼlè ə̀ Mâk 10:43 Iomraidhean Croise

Ŋwàʼlè ə̀ Mâk 10:42

Njisə̀s ə zùŋtə̀ ghənə ə pìə sê ghənə nə, “Ghàyn ke nə fɔ̂yn tə mbite nyîə kyi àtyaʼ, saʼa zəʼtə̂ ndò ghɨ ə ghənə̂ghè.

Ŋwàʼlè ə̀ Mâk 10:44

Ə nâʼàpî ndè vɛ ə è nyi sə̂ nyi wùə èchisə ə ghàyn əfètəyn ə pɨl nyi àkɔ̂s sê ghɨghe əkɨ̂m.

Ŋwàʼlè ə̀ Mâk 9:35

Njisə̀s ə tsɨsə̂ ə chi ə pîə sê chùmtè èpàm sə vəynse nə sɛ njòse pɛ̀ nə se kɨŋtə pə̀yn paʼsê sê vəyn. Ə pə̀ kə ghənə kɨ̀ŋte paʼse pə̂yn, è və pìə sê ghənə nə, “Naʼapi ndè vɛ è kɔ̂ŋɔ̀ sə̂ nyi əshi kyi se ndə̀mə ngɨŋ ə vəyn èpàm ə ghɨ̀ ə̀kɨ̂m, sə fɨyn nyi wùə èfɨ̀aʼa se ghɨghe əkɨ̂m.”

Tom èchùŋ kè kə Lûk tè nyaʼ 14:11

Nâʼàpî ndè vɛ ə è kɔʼsə ngɨŋ ə vəyn ekwùtwəyn, Zhə̀fè nə̀ tsosə̂ vəyn əchi, ə naʼapi ndè vɛ ə è njiə ngɨŋ ə vəyn əchi, ə Zhə̀fè nə kɔʼsê vəyn ekwùtwəyn.”

Tom èchùŋ kè kə Lûk tè nyaʼ 18:14

M pîə sê ghàyn nə wùə nə vɛ tè fɨ ə piə è kwɨlə̂ tânə̀ ə və ndɛ kè mə Zhə̀fè ə kəʼsê pisə vəynse, pîza ə tàʼa kəʼsê ə sepi sə wùə ə̀ Falàsî sɛ. Nâʼàpî ndè vɛ ə è kɔʼsə ngɨŋ ə vəyn ekwùtwəyn, Zhə̀fè nə̀ tsosə̂ vəyn ə chi, ə naʼapi ndè vɛ ə è nji ngɨŋ ə vəyn ə chi, ə Zhə̀fè nə̂ kɔʼsə vəyn ekwùtwəyn.”

Tom èchùŋ kè kə Lûk tè nyaʼ 22:26

Ze va sə̂ nyi za se ghàyn. Wùə e ngaŋtə ə ghàyn əfètəyn e kyi sə nyi kə wùə vɛ e tətə kwûŋsə̀, vɛ e nyi atu e pɨl nyi sə̂ nyi sə wùə ə fɨaʼa se ghàyn.

Tom èchùŋ kè kə Lûk tè nyaʼ 9:48

ə piə sê ghənə nə, “Ə̂ tɔ̀ʼnə̀ pi ndè è vayn nyiə kə vɨ̀nə kûmə̀ mi, ə nyi mə è tɔ̀ʼnə̀ è mi. Ə vɛ ə è tɔ̀ʼnè è mi ə ke nə è və tɔ̀ʼnè è vɛ ə è tom mi. Ghàyn ke nə wùə vɛ ə è tətə kwûŋsə̀ ə ghàyn əfètəyn əkɨ̂m nyi vəyn vɛ ə è ngaŋte tsɛ̂.”

Njɔyn 18:36

Njisə̀s ə pə̀ynsə̀ nə, “Fɔ̂yn vɨm va fa mbi. Ə fɔ̂yn vɨm fe nyì fa ə mbi, mə chùmtè èpàm sɨmse ə nò se nə̀yn nə kə fo tsɛsè Mi sê ghɨə Njûs ə ghaʼlə̂. Pîza fɔ̂yn vɨm va fa ə mbi.”

Ŋwàʼlè ə̀ Pɔ̂l sê ghɨə Lûmghè 12:2

Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.

Ngàleshyà 5:13

Zhə̀fè ə chɔʼte ghàyn ə ghɔnyì ghɨmə nə kə ghàyn ə fɨyn nyi èkɔ̂s se lâŋkè pîza, kə zɨnə nəyn nə ə ghàyn ə nə̂ ə̀ghɛ ghɛ ə wiyn vaynve kyiŋə. Ghàyn pɨl nəyn, ə kɔ̂ŋ zɛ ə ghàyn kyi, ə ze nəyn ə ghàyn ə fɨaʼà sê ghɔnyì ghayn ghəmɔ̀ʼɔ.