Ŋwàʼlè ə̀ Mâk 10:30 - Ŋwàʼlè ə̀ Fèzhə̀ Mkâyn Mə̂ Fèm

³⁰ ə è tə̂ faŋə se kyî mpɨəyn èkwùtwəyn è ghɔ nyiə, è tsâmtèsè, è ghə̀nyì, è ghɔynghe è fùʼm̀, kèpî zâ. È nə̀ kyîə èfɨa nə vɨ̂yn ke nâʼà ə mbiə zôyn, ə ghɨghe ə fɨnə nyâplə̀ è vəyn, ə tuʼe tə pəyn, ə è kyi ndam zɛ ə ze tə mîə va.

Ŋwàʼlè ə̀ Mâk 10:30 Iomraidhean Croise

Matyò 12:32

Ə̂ pîə pîndè ghɛ epize kûmə̀ Va Wùə, Zhə̀fè kàʼa fe lɛ̀sè fo vəyn, pîza mə ə pìə pîndè ghɛ epize kûmə̀ Sezuʼ se ŋwaʼase, ə fe tə tàʼa lɛ̀sə fo vəyn zôyn, pî ashìŋə̀ kɛ ə ke nyi se pə̀yn ə shi.”

Matyò 13:8

Shi yîghe ə tàyntə̀ mchi mêchùŋə̀m, ngwàʼ ə̀təyn ə kɔʼɔ ə pɔŋə nâʼà àchûŋ. Puʼ tîte kyi ə̀shi ewə̀ atu, yîghe m̀ghɨm tufə, ghəmɔ̀ʼɔ m̀ghɨm ta.”

Matyò 6:33

Pîza, ghàyn nayne chi ə̀ghɛ efɔ̂yn ə Fezhə̀e sə shi ə ghàyn nəyn ghɛ ghɛ ə Zhə̀fè kyiŋə nə ghàyn nəyn. Ə ghàyn nə̀yn nyiə mə, ə Zhə̀fè nə fo fɨa mɔ̀ʼɔve nâʼà ekɨ̂m se ghàyn.

Tom èchùŋ kè kə Lûk tè nyaʼ 18:30

ə Zhə̀fè kwəynse ghaʼ nə zɨ̂nə̀ sê vəyn fâ chi, ze tsɨ̂ə kə nyî, ə è tə fɨyn kyi endam zɛ ə ze tə mîə va ə mbi è fe zɛ ə è pə̀.”

Njɔyn 10:23

Njisə̀s tè ghanə tsɛ̂ Etipîə Ndɛ Ètsə̀mə mə ə tè tɔŋtə nə Etipì ə Solomùynzè.

Ətefɨ̂aʼ 14:22

Nâʼà pi elùʼ èkè vɛ ə ghənə tè nduə fɨə, ghənə ə nə̀ nə ghɨ poməghe tɔʼ kyî èpomə̂ ə ghənə̂zè ə fɨyn ndəm ətəm ə ghənə̂ eghɛ zɛ ə ghənə pomə. Ghənə tè zaʼlə nə, “Ghâsènì kyi se tsɛ tɔynê əfètəyn tètsòs te tsɨ̂ə kə nyi tsɔ̀fə ə se nji elùʼ efɔ̀yn ə Fezhə̀vè.”

Ətefɨ̂aʼ 16:25

Ə nə̀ nə̂ nyi ə fètəyn ètuʼ, Pɔ̂l yî Silàs e sè tsə̂mə̀, zhəmə sènjàŋ sê Zhə̀fè, ghɨ ndɛ̂ chaʼ yîghe e zɨtə̂ kə ghənə zhəmə, tsə̂mə̀.

Ətefɨ̂aʼ 5:41

Ghɨətom ə Njisə̀sghè ə ndò elùʼ nə vɛ, saŋnə kə nyi kûmə̀ nə Zhə̀fè ə fe nə ghənə ə kwəyn se kyîə eghomə̂ kûmə̀ ezə Njisə̀szè.

Ŋwàʼlè ə̀ Pɔ̂l sê ghɨə Lûmghè 5:3

Ghâsènì fɨnə saŋnə̂ kûmə̀ ètsôs vɛ ə zɨə, ke nə kwâʼtèzè pə̀ ndò ekol ətəmze.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

2 Kolìŋ 6:10

Ghàs ndamə saŋnə̂ kə ndò nâʼàpî əfètəyn ètsôs. Ghàs kyàʼà kə əghɨ afɨfə pîza nə̂ nə ghɨghe ə kyi èghaʼ. Ghàs kyaʼà kə kə kyi va fɨake, pîza kyi èfɨa èkɨ̂m.

Filìpây 3:8

Ə̀ va ke zɛ mə, m fe nâʼà pîghè nə ə̀ nyi kàyntè ènjìsè, ghɛ zhîze e va zɛ ə ze ghaʼa tsɛ̂ se ke Njisə̀s Klâys kə Pɛ̂pɛ. Kûmə̀ vəyn, mə màʼà ghɛghe əkɨ̂m, fe ghəynghe kə eliŋ kə m kaʼa m ke Njisə̀s Klâys.

2 Tèsàlonikà 2:16

Ə Pɛ̂pɛ ə ghâsènì Njisə̀s Klâys nâʼà è ngɨŋ ə vəyn yî Zhə̀fè Pɨ̀a ghâsènì vɛ ə è tè kɔ̀ŋə ghâsènì ə fo ghâsènì è təmə tɛghe, è kwaʼtè elɨmtə zɛ ə ze tə mîə va tɔynə̂ ə vəyn afùʼ.

1 Timotì 4:8

Se zaʼlê ewiyn vɛve, e tsɔ̂fə̀ ndò endom vîve, pîza se kê eghɛ ə Fezhə̀zè tsɔ̀fə̀ kə ndom tekɨ̂m kûmə̀ nə zɨnə mə tsâmtə̀ ndò wùə ezhoghɛ è pa ndamə, è kɨsè ashìŋə̀ kɛ ə è nyi mə è və kwu.

1 Timotì 6:6

E nyi səmɔʼ nə ghɛ ə Fezhə̀zè kàʼa ə ze nəyn nə wùə nyi wùə è ghaʼâ, kè ezhoghɛ ə wùə kɔ̀ŋə̀ fɨa kɛ ə è kyi.

Njə̂m 1:12

Saŋnêzè nyì sê ghɨ ghɛ ə ghe wəynsə wiynve ə ghənə epomə̂ etyə̂ èmɔ̀m, kûmə̀ nə ghənə tsɨ̂yn mə ə tsɛ̀ mɔ̂m ətəynze, ə ghənə fi mâʼteze mə nyi endam zɛ ə ze tə mîə va ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

Njə̂m 5:11

Ghàyn ke ndô nə ghàs njìə ə̀ghɨ ghɛ ə ghənə wəynsə wiynve nə Zhə̀fè ə pɔsê ghənə. Ghàyn ə tə zɨ kûmə̀ èwəynsê ewìyn ə Njopzè kə è tè wəynse, ghàyn ghɛ ə fe ghɛ zɛ ə Zhə̀fè tè nə̀yn sê vəyn ə kwùŋse, kûmə̀ nə Pɛ̂pɛ nyîə kosə̂ èsəyn, nə̂ chùŋ.

1 Njɔyn 2:25

Famə afɨa àmɔ̀ʼ, ə ghâsènì kyi ndam zɛ ə ze tə mîə va mə za nyi vɛ ə Zhə̀fè kɨmne ndə̂m tè tsɨ̀ne se ghâsènì.

1 Njɔyn 3:1

Ghàyn fe kə Zhə̀fè kɔ̀ŋə̀ zaʼâ ghâsènì ə. Fe ə nə̀yn e tɔŋtə̂ ghâsènì nə ghɔ Fezhə̀ghè, mə ə̀ ndɨŋ nyi afɨa kɛ ə ghâsènì nyi kəynke. Pîza ghɨ ghɛ ə̀ nyi əghɨ ə mbighe fe kê va ghâsènì kə ghɔ Fezhə̀ghè kûmə̀ nə ghənə ke kepî va Zhə̀fè.

Etyə̂yn ə paynsêzè 2:9

M nyiə ke tètsôs tɛ ə ò fe, m ke ndô nə ò nyîə fɨfə pîza səmɔʼ e nyi nə wùə eghaʼâ! M ke ndô ghɛ ə pi ghe ə ghɨ ghɨnə ə ghe kaŋa tyə̂nə̀ nə ghənə nyi ə ghɨ Njûsə̀ wâmnə̀ kûmə̀ ghàyn. Ghənə nyi əghɨ anɔ̀yn ə Satàynkè.

Etyə̂yn ə paynsêzè 3:18

M təftə̂ ghò nə ò zhɔyn kàyntə̀ ngôl sê mi kə o ə nyi wùə èkɛ. Zhɔyn ndzɨs se fɨfə̂sè ə maʼə̀ ə kɨytə̂ èwiyn vɛve ətəyn, kə ndɔ̀ʼɔ ə ò ə kwìə ghomə̂. Nayne fuve ə ndəm ə ghò əshi kə o ə fe tèluʼ.