Ŋwàʼlè ə̀ Mâk 10:21 - Ŋwàʼlè ə̀ Fèzhə̀ Mkâyn Mə̂ Fèm

²¹ Njisə̀s ə naynə̂ vəyn nyi, sè kɔ̀ŋɔ̀ vəyn ə ke pì sê vəyn nə, Ghɛze nyîə nyi emɔ̀ʼ ə ò pa kyi se nə̀yn. Nduə pəʼle fɨa vɛ ə ò kyi nâʼà èkɨ̂m ə fo èkɛ ətəyn sê ghɨ afɨfə, kə ò kyi ghaʼ ekwùtwəynze. Ə ò nə̂yn nyî, o pə̀ chûmtə̀ mi.”

Ŋwàʼlè ə̀ Mâk 10:21 Iomraidhean Croise

Matyò 16:24

Njisə̀s ə ke pì sê chùmtè èpàm sə vəynse nə, “Ə nâʼà pîndè ə ghàyn ə fètəyn kyiŋə se chùmtə Mi, ə è və kyi se lɛ̀sè ə ngɨŋə̂ vəyn, ə è pɨ̀aʼà wâmnè ə vəynke ə è chùmtè Mi.

Matyò 19:21

Njisə̀s ə pìə sê vəyn nə, “Ə̂ ò kɔ̀ŋɔ̀ sə̂ nyi chichi ə Zhə̀fè əshi, o ndùə pəʼlə̂ èfɨa vɛve nâʼà èkɨ̂m ə fo èkɛ ətəyn sê ghɨafɨfə. Ə ò nə̀yn zɨnə mə, ə ò tə kyî èghaʼ ekwùtwəynze. Ə̂ ò se pə chûmtə̀ mi.”

Ŋwàʼlè ə̀ Mâk 10:22

È və zɨə èwâmnè ə Njisə̀s nə zɨ̂nə̀, kyâʼzè ə pofə ə və atu, è və ndò, saŋnə̂ va kûmə̀ nə è tè kyi eghaʼ, ze tsɨ̂ə kə nyî.

Ŋwàʼlè ə̀ Mâk 8:34

Njisə̀s ə tɔŋɔ ànɔ̂yn ə ghɨ̀ kɛ è chùmtè èpàm sə vəynse ə pìə sê ghənə nə, “Ə̀ kɔ̀ŋɔ pindè se chùmtə̀ mi, è və màʼà ngɨŋ ə vəyn ə pɨàʼà awâmnè ə vəynke ə chùmtə̀ mi.

Tom èchùŋ kè kə Lûk tè nyaʼ 10:42

Pîza ə nyi ke eghɛ èmɔ̀ʼ ə kyiŋə. Mèli ə nji ghɛ echûŋ nə zɛ, mə vâyn kàʼa ə fɨyn fi sê vəyn.”

Tom èchùŋ kè kə Lûk tè nyaʼ 12:33

Ghàyn pəʼle fɨa vaynve ə ghàyn fo kɛ ətəyn sê ghɨ afɨfə. Ghàyn fɛte shəyn saynse kə sə vayn kàʼa ə se pof kə ndəm ghaʼ zɛ ə wùə vâyn kàʼa è zhi mɨ̂sè ətəyn, ə ndəm ekwùtwəyn sê ghàyn, elùʼ vɛ ə wùchɔŋɔ vâyn kàʼa è tayn ətəyn se nji, mə shɔshɔʼve vâyn kàʼa ə ve tayn fu se kwɨlə pofse.

Tom èchùŋ kè kə Lûk tè nyaʼ 16:9

M sè pi sê ghàyn nə, ghàyn e nə̂ chùŋ è kɛ vɨ̀nə ə ve ndamə faŋa va se pə̀yn è ngəʼ nyi kə ve tə mi, ə ghàyn piə ə kwɨlə endaʼ e faŋae, ə fi ghàyn è gho ghə pɛ̀.

Tom èchùŋ kè kə Lûk tè nyaʼ 18:22

Njisə̀s ə zɨə zâ ə piə sê vəyn nə, “Ò pa kyi eghɛ èmɔ̀ʼ se nə̀yn, ndùə pəʼle nâʼà fɨave ekɨ̂m kə ò kyi ə fo ekɛ ətəyn sê ghɨafɨfə, kə ò kyi eghaʼ ekwùtwəynze. Ə ò nə̀yn nyi, o pə̀ chûmtə̀ mi.”

Tom èchùŋ kè kə Lûk tè nyaʼ 19:41

È və nə̀ ndùə sè paʼsə̂ mɨ̂sə̀ ndùə ə tə̀ʼ ə̀ Njèlusalɛ̀m ə naynə̂ ndùə tə̀ʼ ətəyn, səynze ə ko vəyn, è və chîə pə̀ kə ndò,

Tom èchùŋ kè kə Lûk tè nyaʼ 9:23

Njisə̀s ə wàmnə̀ za ə se pi sê nɔ̂yn ə ghɨ kɛ ə ke pə̀yn nə, “Ə̂ kɔ̀ŋɔ̀ pìə ndè se chùmtè ə mi, è və màʼà ngɨŋ ə vəyn, ə è pɨ̀aʼà awâmnè ə vəynke kè tuʼ mè m̀kɨ̂m chûmtə̀ mi.

Njɔyn 12:26

Ə̂ fɨaʼà pîndè sê Mi, ə è və kyi se chùmtə mi kə luʼ vɛ m nyi ətəyn, ə wufɨ̀aʼa vɨ̂m ə pɔŋ nyi fu. Pɨ̀a vɨm nə̀ fo èmâʼte sê wùə vɛ è fɨ̀aʼa sê mi.”

Njɔyn 16:33

M tsayn əghɛ nə ghɨ̂yn sê ghàyn nyi kə ghàyn faŋ sê Mi, ə kyi pɔ̂ynè. Mbi tə nə̂ ə ghàyn zɨ ngəʼ, pîza ghàyn kol təmə, Mə tɛ ghaʼ mbi.”

Ətefɨ̂aʼ 2:45

Ghənə tè pəʼlə èfɨa ə ghənə̂vè, chyâtə̀ èkɛ ətəynve, fo kə se wùə kè kə è tè làʼà.

2 Kolìŋ 12:15

M nə̀ nə̂ m mə saŋnə̂ se pofsê nâʼàpî akè kɛ m kyi se paʼsê è ngɨŋ zɨ̂mzè kè endom se tsàmtè ə ghàyn. Kûmə̀ ghè m kɔ̂ŋɔ̀ tsɛ̂sə̀ ghàyn nyi, ghàyn e kɔ̂ŋɔ̀ kə mi se chə ə?

2 Timotì 3:12

Ə̀ kɔ̀ŋə̀ pîndè sə ndamə èndam ə Fezhə̀zè kaʼke amɔ̀ʼ yî Klâys Njisə̀s, ə kyi se tə tsə̂fsè ə vəyn.

Ipilù 10:34

Ghàyn e kosə èsəyn sê ghɨ ghɛ ə kote fâ. E kyitə̂ fitə̂ èfɨa vaynve, pîza ghàyn e kolə kə ndò təmə kyi va fɨmsêzè, kûmə̀ nə ghàyn tè ke ndô nə ghàyn nyiə nyi èfɨa ve tsɔ̂fə̀ tsɛ̂, nyi se ndamə faŋ.

Njə̂m 2:10

E za tyə̀nə̀ nə ə̂ ndə̀mə̀ pîndè saʼ tekɨ̂m ə nə̀ kəmə kə èmɔ̀ʼ, ə ze ə nyi nə è və kəm saʼ tekɨ̂m.

Etyə̂yn ə paynsêzè 2:14

Pîza, m ghâmə̀ ghò ə mghɛlə̀ mə mɔ̀ʼɔmè. Ghɨə mɔ̀ʼɔ nyi fɛ ə ghò anɔ̀yn chûmtə̀ ezaʼlê ə Palàmzè. È və tə zaʼle Palàk kə è kàʼa è nəyn ə ghɨə Isìlâyghè nəyn pi mə ghənə zhiə èfɨa mə màʼtè sê fɨ̂aʼsèvè, è kɨsè mə ə nə̂ ə̀ghɛ ə nyələghe.

Etyə̂yn ə paynsêzè 2:20

Pîza ə̀ zɨnə nyi eghɛ zɛ ə m ghamə̀ ghò sətəyn. O zà Njesepèl wùzhɔyn vɨ̂yn ə è tsà nə zhi nyi fɨ̀aʼtè nyi, tɔynə̂ ə vəyn ezaʼlê, è lesə̂ ə̀ghɨ ghɨmghe fɨaʼa nə ghənə ə nə̂ ə̀ghɛ ə nyələghe kɛsə̂ zhiə èfɨazhiə vɛ ə nyi mə ə fo sə efo sê fɨ̂aʼsèvè.

Etyə̂yn ə paynsêzè 2:4

Pîza, m ghâmə̀ ghò kûmə̀ èghɛ èmɔ̀ʼ, ze nyi nə ò fɨnə kɔ̂ŋɔ̀ va mi kə ghàyn tè kɔ̂ŋɔ̀ sə shi.