Ŋwàʼlè ə̀ Mâk 10:20 - Ŋwàʼlè ə̀ Fèzhə̀ Mkâyn Mə̂ Fèm

²⁰ Wùə ə̀təyn ə pìə sê vəyn nə, “Tyə̀ynsè, mə ndə̀m saʼ nə tɨnə nâʼà tèkɨ̂m kè mə m pa nyi sə vâyn èpɔ.

Ŋwàʼlè ə̀ Mâk 10:20 Iomraidhean Croise

Matyò 19:20

Kwuŋ endômə̀ ətəynve ə pìə sê Njisə̀s nə, “Mə ndə̀m lwɔ̂ŋ nə vɨ̂yn nâʼà èkɨ̂m. Ə̀ nyì kwəynsê ghè m kaʼa m nə ə?”

Ŋwàʼlè ə̀ Mâk 10:21

Njisə̀s ə naynə̂ vəyn nyi, sè kɔ̀ŋɔ̀ vəyn ə ke pì sê vəyn nə, Ghɛze nyîə nyi emɔ̀ʼ ə ò pa kyi se nə̀yn. Nduə pəʼle fɨa vɛ ə ò kyi nâʼà èkɨ̂m ə fo èkɛ ətəyn sê ghɨ afɨfə, kə ò kyi ghaʼ ekwùtwəynze. Ə ò nə̂yn nyî, o pə̀ chûmtə̀ mi.”

Tom èchùŋ kè kə Lûk tè nyaʼ 10:29

Tyə̀ynsè alâŋ nə̂ vɨ̂yn ə tə mɔ̂msè se tyən nə ghɛ zɛ ə zhi fè pfɨf nyi eghɨ, ə ke fɨnə pfɨf sê Njisə̀s nə, “Ànyì vɨm nyi ndè?”

Ŋwàʼlè ə̀ Pɔ̂l sê ghɨə Lûmghè 7:9

Shîŋə̀kè tè nyì ndô mə m keva lâŋkè. Pîza shîŋə̀ kɛ ə m tè ke lâŋkè ətəyn, shi ə fɨə ghɨmghe ə chiyntə̂ mi nə m nəyn pi, mə kwuə.

Filìpây 3:6

M tè nyîə tɨ̂mə̀ tsɛsə̀ èwiynve, endom nə m tè nyîə tsə̀fsə̀ ə̀ghɨ poməghe. Wùə vîvè tè vayn kàʼa è pi nə m kyi ndô pi zhizè ə mì ewìyn kûmə̀ nə m tè nyîə ndə̂mə̀ èlwɔ̂ŋ əghɨ̀ ə Njûsvè ekɨ̂m.

2 Timotì 3:5

Ghənə tə nə̂ ə fusə̂ ə̀ghɨ ghɛ ə ghe kɔʼsə Zhə̀fè, pîza zɨə va sê Vəyn nâʼà səkɔs. Kə ò tə paʼsê sê kyì əghɨ̀ nə ghɨ̀yn.