Ŋwàʼlè ə̀ Mâk 10:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Njisə̀s ə nə̀ ndo sè ndùə endom, wùə vîvè ə nyɨŋə pə̂ tɨmə ə̀ndzɨs ə və shi ə pfɨfə sê vəyn nə, “Tyə̀ynsè èchùŋ, m nyiə kàʼa ə m nəyn nâʼà ghè se tə kyîə endam zɛ ə ze tə mîə va ə?”

Ŋwàʼlè ə̀ Mâk 10:17 Iomraidhean Croise

Matyò 17:14

Kə Njisə̀s yî chùmtè èpàm sə vəynse kɛse pə̂yn sê nɔ̂ynkè, wùə ə pə̀ sê Njisə̀s ə tɨmə ə̀ ndzɨs ə Və shi,

Matyò 25:34

Ə Fɔ̀yn ke pì sê ghɨ chichighe ə vəyn ekɔyn twɔve nə, ‘Ghàyn pəyn, ə ghàyn ghɨnə ə Pɨ̀a vɨm pɔse nyi! ghàyn nji pəyn ə kyi pɔsə efɔ̀yn ə Fezhə̀ vɛ ə nyi mə ə pɨaʼtê se ghàyn nâʼà kə tè pom mbi.

Matyò 28:8

Zəyn ghɛ ə zàŋsə̀ ndô fu eshyə̀ eghaʼâzè fânə̀ pîza nyi mə ə lwiyn è saŋnêzè, nyɨŋə ndûə se tsàyn sê chùmtè èpàm sə Njisə̀sè ghɛ zɛ ə ze kyâyn.

Ŋwàʼlè ə̀ Mâk 1:40

Wùə tè pə̀yn sê Njisə̀s kyi àkwùs, ə tɨmə ə̀ndzɨs ə və əshi chyatə̂ vəyn pîə nə, “Ə ò kɔ̂ŋɔ̀ ò nə̀ m zo.”

Ŋwàʼlè ə̀ Mâk 10:18

Njisə̀s ə pfɨfə sê vəyn nə, “Kûmə̀ ghè ə ò tɔŋtə mi nə wùə èchùŋ ə? Nâʼà wùə èchùŋ va, ə̀ tsɛ̂ kə va Zhə̀fè.

Ŋwàʼlè ə̀ Mâk 12:14

Ghənə ə pə̀ sê Njisə̀s ə pìə nə, “Tyə̀ynsè, ghàs ke ndô nə ò nyîə wâmnə̀ səmɔʼ. Ò tɔ̀ʼɔ̀ va wùə vîvè. Ò fànə̀ va wùə vîvè, Ò wàmnə̀ kə chichi. Pîza Ò ndɨŋə zaʼlə̂ ə̀ghɨ èghɛze kûmə̀ Fèzhə̀. Tsàyn sê ghàs, ə̀ nyi alâŋ nə kə maʼà tâks sê Kaysà, fɔ̀yn èghaʼâ ə Lûm mə? Ə mâʼà mə, kə nə maʼa?”

Ŋwàʼlè ə̀ Mâk 9:25

Ə pə̀ kə Njisə̀s fe kə ghɨə se nyɨŋə pə̀ se tsɨ̀, è və kàyntə̀ ə̀ghɛ sê zuʼse pi nə sɛ ə pìə nə, “Tsɛ fɨ. Ə̀ pi mi sê ghò ə zuʼse pi sɨ̂nə̀, sê ghò vɨ̂nə ò nə̂ nə kə vayn vɨ̂yn ə wâmnə̀, fɨnə nə̂ nə kə è və zɨə ə̀ghɛ. Ə ò fɨ za kə ò tə fɨyn nji.”

Tom èchùŋ kè kə Lûk tè nyaʼ 10:25

Tyə̀ynsè alâŋ vîvè ə tyəmə ekwùtwəyn se mɔ̂mə̀ Njisə̀s ə pfɨfə nə, “Tyə̀ynsè, m nyiə kàʼa ə m nəyn nâʼà ghè se tə kyi endam zɛ ə e tə mîə va ə?”

Njɔyn 3:2

Tuʼ fîfe è tuʼve, è və ndùə sê Njisə̀s ə pìə se Vəyn nə, “Tyə̀ynsè, ghàs ke ndô nə ò nyi tyə̀ynsè mə ə̀ tom Fezhə̀. Wùə vîvè vayn kàʼa è nəyn ghɛ ə kayntə ghɛ ə Ò nə̀ ə̀ tsɛ̂ kə va mə Zhə̀fè nyì yî vəyn.”

Njɔyn 5:39

Ghàyn fɛtə̂ zaʼlə̂ Ŋwàʼlè ə̀ Fèzhə̀ kûmə̀ nə ghàyn kwàʼtə̀ nə ə fètə̂ ə̀təyn ghàyn nə̀ fe endam zɛ ə ze mîə va. Ŋwàʼlè ə̀ Fèzhə̀ nə zɨ̂yn è wàmnə̀ kəpî kûmə̀ Mi.

Njɔyn 6:40

Ghɛ zɛ ə Pɨ̀a Vɨ̂m kyiŋə nyi nə nâʼà ghɨ ə̀kɨ̂m ghɛ ə ghe fe Vayn ə pomə sê vəyn kyi ndam zɛ ə ze tə mîə va. Mə M tə zômsə̀ ghənə endam ə fetuʼ fe ekwuŋsəfe.”

Ətefɨ̂aʼ 16:30

È və njiə fɨə pə̂ è ghənə əpɨəyn ə pfɨfə sê ghənə nə, “Pɛ̀ apɨəynə, m nyi kàʼa ə m ghaynghe se kyi esɔzaze ə?”

Ətefɨ̂aʼ 2:37

Ghɨ nə ghɨyn ə zɨə əghɛ ghɛ ə Pità wàmnè, ghe ə njiə ghənə ətəm nâʼà sə ŋaŋ, ghənə pfɨfə sê Pità yî ghɨətom ə Njisə̀s əmɔ̀ʼɔ̂ nə, “Ghɔnyì ghasə, ghàs nyiə kàʼa ə ghàs ghayn ghe?”

Ətefɨ̂aʼ 20:32

Mə zôyn m fo ghàyn sê tɔʼnè ə Fezhə̀zè è tom ə̀ Vəyn zə àfùʼ zɛ ə è nyì se nə̀yn nə ghàyn ndəmə, è kɨsè se fo ghàyn è pɔsê tɛ ə Zhə̀fè kyi sê ghɨə Vəyn ghəkɨ̂m.

Ətefɨ̂aʼ 9:6

Pîza, ndwi ə njiə ndûə əfètəyn èndaʼ, kə ə tsayn ghɛ zɛ ə ò kyi se nə̀yn.”

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

Ɛfesùs 1:18

M tsə̂mə̀ kəpì nə Zhə̀fè nəyn əkwâʼtè zayn zəmə, ə ghàyn ə ke nə ghàyn tə kyîə èfɨa echûŋ vɛ ə Fe pɨaʼtə̂ sê ghàyn è ghaʼ e Ŋwaʼa zɛ ə Fe ndə̂m sê ghɨə Fezhə̀,

Taytùs 3:7

Kûmə̀ àfùʼ Zhə̀fè ə tə nə̀yn nə ghâsènì ə nyi chichi, è kɨsè nə ghâsènì ke səmɔʼ nə ə tə kyîə èndam zɛ ə ze tə mîə va.

Ipilù 1:14

E za tyə̀nə̀ nə, tsìsè nyi kə sezuʼ kə se fɨaʼà sê Zhə̀fè, tsâmtə̀ ə̀ghɨ ghɛ ə Zhə̀fè nyì se sɔzà.

1 Pità 1:4

ə fɨyn kyi èghaʼ ekwùtwəyn kə Zhə̀fè ndə̀m mə ze vayn kàʼa ə ze fi, mə ze vayn kàʼa ə ze pof, mə ze vayn kàʼa ə ze chaʼ.

1 Njɔyn 2:25

Famə afɨa àmɔ̀ʼ, ə ghâsènì kyi ndam zɛ ə ze tə mîə va mə za nyi vɛ ə Zhə̀fè kɨmne ndə̂m tè tsɨ̀ne se ghâsènì.