Ŋwàʼlè ə̀ Mâk 10:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Ə pə̀ kə Njisə̀s fe ghɛ zɛ ə ghənə nə̂, è və nyɔ̀ʼsə̀ ètɔŋ ə pìə sê ghənə nə, “Ghàyn za mɨ̂ətə̀m, ə ghənə pəyn sê mi. Kə ghàyn fɨyn tâmtè ghənə kûmə̀ nə fɔ̂yn ə Fezhə̀vè kyi əghɨ ghɛ ə ghe nyi kə ghənə.

Ŋwàʼlè ə̀ Mâk 10:14 Iomraidhean Croise

Matyò 18:10

Ghàyn tɔ̀ʼnə̀ nə kə wùə lɛ wâ kûmə̀ nə è kɔʼnə̂ va. M pîə sê ghàyn səmɔʼ nə ekwùtwəyn, tsì sɛ ə se naynə ghɔyn nə ghɨ̂yn nyì yî Pɨ̀a vɨm.

Matyò 18:4

Wùə vɛ è ngaŋtə elùʼ efɔ̀yn ekwùtwəynve, ə nyi vɛ ə è tsose ngɨŋə̂ vəyn ə chi sə nyi kə vayn vɨ̂yn.

Matyò 19:14

Njisə̀s ə pìə sê chùmtè èpàm sə vəynse nə, “Ghàyn za mɨ̂ətə̀m ə m̀ pəyn sê Mi, kə ghàyn fɨyn tâmtè ghənə kûmə̀ nə fɔ̂yn ə Fezhə̀vè nyì sê ghɨ ghɛ ə ghe nyi nyiə kə ghənə.”

Matyò 5:10

Pɔsê nyì sê ghɨ ghɛ ə chɔʼɔ gholə ghənə̂ghè kûmə̀ nə ghənə nə̂ èghɛ zɛ ə Zhə̀fè kyiŋə, Fɔ̂ynə̂ Fezhə̀zè nyì sê ghənə.

Matyò 5:3

Pɔsê nyì sê ghɨ ghɛ ə fɨfə ə sezuʼ, kûmə̀ nə fɔ̂yn ekwùtwəynve nyi sê ghənə.

Ŋwàʼlè ə̀ Mâk 3:5

Njisə̀s ə naynə̂ ka ndûə ghənə nyî mə tɔŋ ə̀ vəyn və zaf È ve sè fɨnə kosə̂ èsəyn kûmə̀ ə̀təm ə ghənə ghe tɛ, ə ke pì sê wùə nə vɛ nə, “Nɛ̀se kɔyn kɛke.” È və nɛ̀sə̀ kè sə ashìŋə̀, gho ətəynke ə tɛ kə ndò.

Ŋwàʼlè ə̀ Mâk 8:33

È və kə̀mnə̀ ə naynə̂ sechùmtè èpàm sə vəynse, ə zɔ̀ sê Pità ə pìə nə, “Ndo ə mì əshi ə Satàyn! Ò kyi va kwàʼtè ə Fezhə̀zè, ò kwàʼtə̀ kə kə wùə.”

Njɔyn 3:3

Njisə̀s ə pə̀ynsə̀ sê vəyn nə, “M pîə sê ghò səmɔʼ nə, wùə vayn kàʼa è nji elùʼ efɔ̂yn ə Fezhə̀vè ə̀ tsɛ̂ kə va mə ə kɛsê pîə vəyn.”

Njɔyn 3:5

Njisə̀s ə pə̀ynsə̀ nə, “M tsâ sê ghò səmɔʼ nə wùə vayn kàʼa è nji elùʼ efɔ̂yn ə Fezhə̀vè, ə̀ tsɛ̂ kə va mə ə pîə vəyn mmò è kɨsè Zuʼse.

Ətefɨ̂aʼ 2:39

Tsɨ̂nè ə Fezhə̀ nə zɨ̂nə̀ pə̀ sê ghàyn è ghɔyn ghaynghe è ghɨghe əkɨ̂m ghɛ ə ghe nyi ə tendomte tyâtè. Ə̀ nyi əghɨ ghɛ ə Pɛ̂, Zhə̀fè ghâsènì Fe tɔŋɔ nə ghe pəyn sê Vəyn.”

Ətefɨ̂aʼ 3:25

Ghɛ zɛ ə Zhə̀fè tè pi tɔynə̂ ə se fɨ̀aʼtè tè nyì sê ghàyn, ghàyn e kyi kepî èghɛ əfètə̂ m̀kàyn mɛ ə Zhə̀fè tè zhi yî pɨ̀a ghayn ghəshiə. Zhə̀fè tè pi sê Aplàghâm nə, ‹M tə pɔsə̂ ə̀ghɨ ə̀kɨ̂m fa mbi tɔynə̂ əghò etɔ̀ŋ ə ndɛve.›

Ŋwàʼlè ə̀ Pɔ̂l sê ghɨə Lûmghè 11:16

Ə pɨaʼ luʼ apayn ə kwaŋ ə shike ə fo se Zhə̀fè kə efo, ə ze ə tyə̂nə̀ nə ə̀ kyi Fezhə̀ è payn ətəynke akɨ̂m. Ə fo ghaŋtə fekàʼtè se Zhə̀fè, ə ze ə tyə̂nə̀ nə ə̀ kyi kepî vəyn è ngɔynse ətəynse.

Ŋwàʼlè ə̀ Pɔ̂l sê ghɨə Lûmghè 11:28

Ghɨ Njûsghè ə kwiynsə̂ se zɨə tom èchùŋ nə zɨ̂nə̀, zɨnə mə ə nə̀ ghənə e nyi sèpàyn sə Fezhə̀sè. Ghɛ nə zɨ̂nə ə nə̀yn Zhə̀fè fɛ Fe sɔ̂zâ ghàyn ghɨ ghɛ ə ghàyn vachi ə̀ghɨ ə Njûsghè, pi kə ze nyi za, Zhə̀fè ə chitê ghɨə Njûsghè ə pa kɔŋə̀ ghənə kûmə̀ m̀kâyn mɛ ə è tè zhi yîghə̀ pɨ̀a pɨ̀a ə ghənə̂ghè.

1 Kɔlìŋ 14:20

Ghɔnyì ghɨmə, kə ghàyn fɨyn kwâʼtè kə mmɨ̂ətə̀. Ghàyn nyi mmɨ̂ətə̀ apàs se nə̀yn ə pi, pîza nyi ə̀ghɨ mə ndəmə̂ endom vɛ ə ghàyn kwàʼtə̀ ghɛghe ətəyn.

1 Kɔlìŋ 7:14

E nyi nyî kûmə̀ nə Zhə̀fè kàʼa Fe nəyn nə ndom vɛ ə è tàʼa pomə̂ nə è və nyi èŋwâʼzè ə Zhə̀fè əshi tɔynə̂ ə zhwìə vəyn, fɨnə nə̂ wùzhɔyn vɛ è tàʼa pomə̂ nə è və nyi èŋwâʼzè ə Zhə̀fè əshi tɔynə̂ ə ndomə̀ vəyn. Ə ze fə̂ va nyî, ə ghɔyn ə ghənə ghè ə va èzoze pîza kè kə ze chwîtə̀, ghənə nyi èŋwaʼze ə Zhə̀fè əshi.

Ɛfesùs 4:26

Ə ghɛze zafə wùə, kə è nəyn pi. Kə ghɛ tə zaf, ə è nə̂ nyiŋə è zəynze ə vəyn endwɔ̀.

2 Timotì 1:5

M pa kwâʼtə̀ ndò kàyntè èkyî èpomə̂ zɛ ə ò kyi sê Klâys, ə̀ nyì ke èkyî èpomə zɛ ə Luîs, nyìə nɛ̂, yî Yunìs nɛ̂ tè kyi. M lote ke ndò səmɔʼ nə ò kyi kepî ndò kyî epomə̂ nə zɛ.

2 Timotì 3:15

Ò pɨ̂əytə̀ kəpi kə ò tè pa nyi wâ, mə o ə kàynè kê ghɛghe ə ŋwàʼlè ə̀ Fèzhə̀, mə ə̀ nyi əghɛ nə ghɨyn ə ghe kaʼa ə ghe fo ghô ètɔf eghaʼâ zɛ ə ze pə̂ è sɔzaze tɔynə̂ ekyî epomə̂zè ə Klâys Njisə̀s.

1 Pità 2:2

Ghàyn e pɨl nyi ke kə əghɔ ə pɔ ghɛ ə chìŋ m̀yiyn mə èzôm zafə ghənə, mə yîyn nə mɨ̂nə̀ mə nyi ewâmnè ə Fezhə̀zè, mə shîŋə̀ kɛ ə ghàyn mɨ mêynmè, ə ndə̂mə̂ kɔʼɔ, ə kyi esɔzaze.

Etyə̂yn ə paynsêzè 14:5

Ə pâʼà tyəmə̂ kê ghənə kə əghɨ ewamə nə akaŋghe, kyi va tsasze.