Ŋwàʼlè ə̀ Mâk 10:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ È və pìə sê ghənə nə, “Ə̀ chùm pîndè zhwîə vəyn ə ndùə se və ndò, ə nyi mə è və nə̀yn pi sê wùzhɔyn ə̀shi,

Ŋwàʼlè ə̀ Mâk 10:11 Iomraidhean Croise

Matyò 19:9

M tsâ sê ghàyn nə, ə̂ chùm pîndè zhwîə vəyn ə̀ va ke nə wùzhɔyn ə̀təyn kwîə ndò, ə kyì ə wûə nə vɛ njì wùzhɔyn ə̀ ndò, ə nyi mə è və kwì kwàlə̀kè.”

Ŋwàʼlè ə̀ Mâk 10:10

Ə pə̀ kə ghənə kɛse kwɨlə ə ndɛ, chùmtè èpàm sə vəynse ə fɨnə pîə sê vəyn nə è wàmne paynsê ètu ə ghənəvè kûmə̀ èghɛ ə malə̂ nə zɨ̂yn.

Tom èchùŋ kè kə Lûk tè nyaʼ 16:18

Ə̀ za chùm pi ndè zhwiə vəyn ə ndùə sê və ndò, ə ə̀ nyi mə è və kɨm lâŋ ə malə̂kè, wùndômə̀ ə ndùə sê wùzhɔyn nə vɛ, ə ə̀ nyi mə è və kɨm lâŋ ə malə̂kè.”

Ŋwàʼlè ə̀ Pɔ̂l sê ghɨə Lûmghè 7:3

Nyiəmə, ə è ndam yî ndom ə̀ mɔʼɔ mə ndom ə̀ vəyn pa nyi ètwɔ, ə tɔŋtə̂ vəyn nə wùzhɔyn vɛ ə è chùmtə̀ wùə ndomə̀ mə è pa nyi ə ndom ə ndɛ. Pîza ə ndom ə vəyn kwu, ə nyi mə kə lâŋkè tyə̀nə̀, ə è və nyi sə və ngɨŋ. Mə ə è njì ndom ə̀ ndò ashìŋə̀ nə kɛ mə, ə ze ə tyə̂ nə è paʼà chùmtè wùndômə̀ əpɨəyn.

1 Kɔlìŋ 7:4

Ze nyi nyî kûmə̀ nə wùzhɔyn kyi va tyaʼke ə vəyn etûə ewìyn, pîza ə̀ kyi ndomə̀ vəyn, kepî èghɨ kə̂ wùndômə̀ kyi va tyaʼke ə vəyn etûə èwìyn, pîza ə̀ kyi zhwìə vəyn.

Ipilù 13:4

Nâʼàpî ndè kyi sə̂ ngɨmnə̂ malə̂. Kə wùə tə za ndom ə̀ vəyn kɨ̀sə zhwiə vəyn ə è ndu nyɨ̂ŋə̀ yî wùə ə ndò. Ghàyn kendô nə Zhə̀fè tə saʼa nâʼàpî ndè vɛ ə è nə̀ ghɛ ə nyələghe è ghɛ ə nyi mə malə̂ fɨə əpɨəyn.