Ŋwàʼlè ə̀ Mâk 10:1 - Ŋwàʼlè ə̀ Fèzhə̀ Mkâyn Mə̂ Fèm

¹ Njisə̀s ə ndò elùʼ nə vɛ ə tyàŋà ndûə apàs ə Njòndyâkè engyinə̂ tsô èghaʼâ ə Njondàynzè. Nɔ̂nə ghɨ̀kè ə fɨə pə̂ sê vəyn, è ve zaʼlə̂ ghənə kè kə è ndamə zaʼlə.

Ŋwàʼlè ə̀ Mâk 10:1 Iomraidhean Croise

Matyò 26:55

Njisə̀s ə kɛsə̂ pfɨfə sê nɔ̂yn kɛ nə, “Ghàyn nyiə fɨ pə̂yn è fɛ̂tè è mbàŋsè nyiə kə ə nyiŋə ə wùə èchɔŋɔ epàm kɨ̀se kyîə miə? Tuʼmè m̀kɨ̂m m tè nyì ə Ndɛ Ètsə̀mə zaʼlə̂ ə̀ghɨ pîza ghàyn ə tàʼa kyiə mi.

Matyò 4:23

Njisə̀s ə ndò kwîə ka tè ndaʼà tèkɨ̂m endaʼa Ngalìlîzè zaʼlə̂ èghɛ ə Fezhə̀zè ə se ndɛ sə atsɨ̀yntese, kɛsə̂ ndâʼà tom èchùŋ kûmə̀ èfɔ̂yn nə Fezhə̀vè. È tè tsuʼə əghɨ ezafə əkɨ̂m è kɨsè kyì tə tezaf tɛ ə te tè nyi ə ghənə fètəyn.

Ŋwàʼlè ə̀ Mâk 1:21

Njisə̀s è chùmtè èpàm sə vəyn sekyàʼ ə ndùə Kàpanùm, mə tè nyi etuʼ endaʼve, e və ndùə ə ndɛ atsɨ̀ynte sè zaʼlə̂ ə̀ghɨ fu.

Ŋwàʼlè ə̀ Mâk 10:2

Ghɨə Falàsîə yîghe ə pə̀ se zɨte echo vəyn, ə ke pfɨf nə, “Saʼze pomə̂ ndò nə wùə chùm zhwîə vəyn ə?”

Ŋwàʼlè ə̀ Mâk 12:35

Kə Njisə̀s tè zaʼle ə Ndɛ Ètsə̀mə, ə pfɨfə nə, “Kûmə̀ ghè ə tyə̀ynsè sə alàŋsè pìə nə Vɛ ə Zhə̀fè chɔʼ ndə̂m fɨ etɔ̀ŋ ə ndɛ fɔ̀yn Ndàfîtzè ə?

Ŋwàʼlè ə̀ Mâk 14:49

M zɨsə̂ kə ghâsènì tuʼmè m̀kɨ̂m, zaʼlə̂ ə Ndɛ Ètsə̀mə, ghàyn e kyîə va mi. Pîza, ghɛ zɛ ə ze nyi ə Ŋwàʼlè ə̀ Fèzhə̀ kyi ndô se kwəyn.”

Ŋwàʼlè ə̀ Mâk 2:13

Njisə̀s ə tè kɛse ndu etipîə ènjwì ə Ngalìlî, nɔ̂yn ə ghɨ̀kè ə pə̂ sê vəyn, è ve sè zaʼlə̂ ghənə,

Ŋwàʼlè ə̀ Mâk 4:2

È və zaʼlə̂ ghənə è ghɛ ghe tsɨ̀ə kə nyî kè ə sengàyn. È və mɛ̀ ngàyn sê ghənə nə:

Ŋwàʼlè ə̀ Mâk 6:2

Tuʼve ə zo etuʼ endaʼ ə ghənəvè, è və ndùə zhə̂tə̀ se zaʼlê ə ndɛ àtsɨ̂ynte. Ghɨ ə tsɨə ghɛ ə tè zɨtə zaʼlê ətəyn e nyi è kaynze piə nə, “Wùə vɨ̂nə fɨ ghayn èghɛ ghɨyn ə? Ə̀ tè fo ndè kyi etɔf eghaʼâ zɨ̂nə̀ sê və̂ ə? È kwì zayn sə̂ mɔ̂mə̀ ə̀ghɛ ə kayntə ghɨyn ə?

Ŋwàʼlè ə̀ Mâk 6:34

Kè kə è tè fɨə pə̂ ə ngwùʼ èghaʼâ, ə fɨnə fe kə ànɔ̂yn əghɨ̀ kɛ, səyn ze sè ko vəyn sê ghənə kûmə̀ kə ghənə tè nyi kə sendzè kiva ngyəyn. È və zaʼlə̂ ghənə èghɛ, ghe tsɨ̀ə kə nyi.

Ŋwàʼlè ə̀ Mâk 6:6

Njisə̀s ə fe kə ghənə tè kyi va pomə̂zè nyi è kaynze. Njisə̀s ə ndò kwîə zaʼlə̂ ndûə ə̀ghɨ ə setə̀ʼ shise sɛ ə se paʼsə̂ fu.

Njɔyn 10:40

Njisə̀s ə ke kɛsə tyàŋ apàs endaʼa tsô eghaʼâ ə̀ Njondàynkè, elùʼ vɛ ə Njɔyn Fo M̀mò tè fo môm, ə ndamə fu.

Njɔyn 11:7

È və ke pì sê chùmtè èpàm sə vəynse nə, “Ə ghâsènì kɛse nduə ə Njòndyâ.”

Njɔyn 18:20

Njisə̀s ə pə̀ynsə̀ ə pìə nə, “Mə wàmnè ə ndayn sê nâʼàpî ndè, zaʼlê Zɨmze kɨ̂m tè njiə eluʼ ə ndɛ àtsɨ̂ynte è kɨsè ə Ndɛ Ètsə̀mə, elùʼ vɛ ə ghɨgh əkɨ̂m tè pə kaʼke amɔ̀ʼ. M paʼà tyəmə̂ nyaʼtə̂ pîə èghɛ zhîze.