Ŋwàʼlè ə̀ Mâk 1:27 - Ŋwàʼlè ə̀ Fèzhə̀ Mkâyn Mə̂ Fèm

²⁷ Ghɨ ətəynghe tè nyi è kaynze, kyì e pfɨfə sê kyì nə, “Ə̀ nyi ekyì eghɛ èkè nyiə? Ə̀ nyi ekyì ezaʼlê efe èkè zɨ̂nə̀ ə? È kàyntə̀ ə̀ghɛ è tyaʼa, nâʼàpî sêzuʼ sepise, se nə̂ kə ke è pìə.”

Ŋwàʼlè ə̀ Mâk 1:27 Iomraidhean Croise

Matyò 15:31

Ghɨ ətəynghe tè nyi è kayn kə ghe fe kə kwùʼvè wâmnə̀, m̀ngə̂s e tɛ, èngɛchive e kwîə, fòfvè e kɛsə̂ fe tèluʼ. Zɨnə mə ə nə̀ ə̀ghɨ ghe tsîtə̀ Fèzhə̀ fə ghɨ̀ ə Isìlâyfè.

Matyò 8:9

Mi èngɨŋ zɨ̂mè nyi wùə pɔŋə fɨaʼà kəpî əghɨ ghe etyə̀, kyi kepî sèsokə̀ʼ ə mi etyə̀. M piə sê wùə èmɔ̀ʼ nə, ‘Ndùə,’ è və ndùə kə ndò, ə pîə se və mɔ̀ʼɔ nə, ‘Pə̂,’ e və pə̀ kə ndò. M pî sê wufɨ̀aʼa vɨ̂mè nə, ‘Nə̀yn nyi,’ è ve nə kə za mə.”

Matyò 9:33

Pîza, kè kə Njisə̀s chùm fɨse pamə̂ ə satàyn ətəynze, wùə ətəyn ə zhə̀tə̀ se wàmnè, nâʼà pîndè ə è tè nyì fu e nyi è kaynze piə nə, “Ghàs paʼà tyə̂m fe kyì eghɛ nyî fàyn endaʼ ə Isìlâyzè.”

Ŋwàʼlè ə̀ Mâk 1:26

Zuʼsə ətəyn sə nə̂ʼsə̀ wùə ətəyn nâʼà sə ŋaŋ, e və fɨnə pɨa nâʼà è kyə̀ e tɛ tsɔ̀fə se fɨ ə vəyn ewìyn.

Ŋwàʼlè ə̀ Mâk 1:28

Se zhə̀tə̀ kə ashìŋə̀ nə kɛ, saʼghɛ kûmə̀ vəyn Njisə̀s ə waŋə kə luʼ tekɨ̂m apàs endaʼ ə Ngalìlîkè.

Ŋwàʼlè ə̀ Mâk 10:24

Cho ə chùmtè èpàm sə vəynse ə zomə ə vəyn ezaʼlê. Njisə̀s ə ke fɨnə pì nə, “E tɛ nâʼà àpi ə ghɔyn ghɨmə se nji elùʼ efɔ̂yn ə Fezhə̀vè!

Ŋwàʼlè ə̀ Mâk 10:32

Njisə̀s yî ghɨghe ə ndò sè kɔʼɔ ndùə ə Njèlusalɛ̀m, Njisə̀s ə ndùə əshi, chùmtè èpàm sə vəynse shîse njòse pɛ̀ ə kayntə ndùə ə̀ghɛ, mə fâynzè ə fɨyn pɔŋ ko nâʼà ghɨ ghɛ ə ghe tè chùmtə ghənə. Njisə̀s ə fɨnə shîyntə̀ sèchùmtè sə vəyn shîse njòse pɛ̀ epàm ə tsà èghɛ zɛ ə ze fè kyàyn sê vəyn.

Ŋwàʼlè ə̀ Mâk 16:5

Ghənə ə njiə ndûə eshyə̀ eghaʼâzè ə fe èkwuŋ vîve è ndzɨse fɨfə̂sè ewìyn, è ve tsɨs apàs ekɔyntwɔke. Ndɨmke ə tənə̂ ə ghənə mndɛ̀.

Ŋwàʼlè ə̀ Mâk 16:6

Kwuŋ ətəynve ə pìə sê ghənə nə, “Kə ghàyn fayn. M ke ndô nə ghàyn kyiŋə Njisə̀s, ə wùə Nazalɛ̀t vɛ ə tè paynte awâmnè. È və zòmə̀! È va fâyn. Ghàyn fekə luʼ vɛ ə tè nyɨ̀ŋse vəyn ətəyn ə.

Ŋwàʼlè ə̀ Mâk 7:37

Ə̀ zɨə nâʼàpî ndè, zhasə̂ kə ècho. Ghənə e pîə nə, “È nə̀ ə̀ghɛ kè nâʼà èghɨ. È nə̀ nâʼàpî ə̀ghɨ ghɛ ghe zɨə va, ghe zɨə, pi ghɛ ghe wamnə̀ va, ghe wâmnə.”

Tom èchùŋ kè kə Lûk tè nyaʼ 4:36

Ghənə tè nyi è kaynze, kyi e pfɨfə sê kyi nə, “È fè wàmnə̀ zayn nyiə? È kàyntè əghɛ, zuʼ se pi se e fɨə kəndò ə ghɨghe ewiyn kûmə̀ atyaʼ kɛ ə è kyi.”

Tom èchùŋ kè kə Lûk tè nyaʼ 9:1

Ə̀ tè nyi tuʼfîfe Njisə̀s ə tɔŋɔ ə̀ghɨtom ə vəynghe njò sepɛ̀ ə zùŋtə̀ ghənə lùʼ emɔ̀ʼ ə fo atyaʼ àkɨ̂m sê ghənə kə ghənə ə chûmə̀ fɨsə tèpamə̂ tə satàyntè nâʼà tèkɨ̂m fɨnə tsuʼə tèzaf,

Ətefɨ̂aʼ 17:19

Ghənə ə njìə Pɔ̂l, ə pə̀ è vəyn ə saʼ endaʼ zə shi zɛ ə tè tɔŋtə nə, Àlapangùs ə pìə sê vəyn nə, “Tsàyn sê ghàs nə kyì ezaʼlê efe zɨ̂nə ə ò zaʼlə sê ghɨ nyî tyə̀nə̀ nə ghe ə?