Ŋwàʼlè ə̀ Mâk 1:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Ghənə tè pa nyi ndɔ̀ʼɔ chɔʼ ghol ghə pɛ̀, Njisə̀s ə fɨnə fe Njə̂m yî Njɔyn ə ghɔ Zepɛndì ghə pɛ̀, ghənə e tsɨs ə ngwùʼ èghaʼâ, tɨmə m̀làm mə ghənə̂m.

Ŋwàʼlè ə̀ Mâk 1:19 Iomraidhean Croise

Matyò 4:21

Kə ghənə tè kɨŋte ndu se chə, Njisə̀s ə fe kwəynsə̂ ə̀ ndômnè ə̀ pɛ̀, ə Njə̂m yî Njɔyn mə nyi əghɔ Zepɛ̀ndîə. Ghənə tè nyi ə ngwùʼ èghaʼâ yîghə̀ pɨ̀a, pɨaʼtə̂ m̀làm mə ghənə̂m. Njisə̀s ə tɔŋɔ̂ ə̀ghɔ nyì ghɛ ə̀pɛ̀ nə ghənə chumte Vəyn.

Ŋwàʼlè ə̀ Mâk 1:18

Kè sə ashìŋə̀, ghənə zà m̀làm mə ghənə̂m fu ə chùmtə̀ ndùə Njisə̀s.

Ŋwàʼlè ə̀ Mâk 1:20

Njisə̀s ə fe pə̂ ghənə nyi ə fɨnə tɔŋɔ kə ndò. Ghənə ə fɨə zâ pɨ̀a ə̀ ghənə̂ è ghɨ fɨaʼa ghə ngwùʼ èghaʼâ, ə chùmtə̀ ndùə Njisə̀s.

Ŋwàʼlè ə̀ Mâk 10:35

Njə̂m yî Njɔyn, mə nyi ə ghɔ Zepɛndîə ə fɨtə̂ pə̂ əshi ə pìə sê Njisə̀s nə, “Tyə̀ynsè, ghàs kyiŋə nə ò nəyn nâʼàpî èghɛ èkè zɛ ə ghàs pfɨfə sê ghò.”

Ŋwàʼlè ə̀ Mâk 14:33

Njisə̀s ə njìə Pità yî Njə̂m, è Njɔyn yî ghənə ə ndùə əmɔʼ se tsə̀m. Ghɛghe ə zhə̀tə̀ sə̂ fo ngəʼ ə vəyn ekwâʼtè nâʼà sə ŋaŋ.

Ŋwàʼlè ə̀ Mâk 3:17

è Njə̂m yî ànyìə vəyn Njɔyn, ə ghɔ Zepɛndì. (Njisə̀s ə tsɨ̀ ə kwəynsə̂ èzə zhîze sê ghənə nə Pòwananjìs, mə e za pìə nə ghɔyn eghole pɨaze).

Ŋwàʼlè ə̀ Mâk 5:37

È və pìə è ndùə ə wùə ə̀təyn ə ndɛ ə njìə kə Pità yî Njə̂m, è Njɔyn ànyìə Njə̂m.

Ŋwàʼlè ə̀ Mâk 9:2

Epàmə m̀tuʼ mtufə, Njisə̀s ə njìə Pità è Njə̂m è Njɔyn yîghə̀ ghənə ə kɔʼɔ ndûə etûə pfɨ̀yn è ghaʼa zhîzè. Ə̀ tè nyi kə ghənə nyi fu. Kyâʼ ə Njisə̀szè ə pfɨ̀ŋə̀ kwiynə̂ kə ə chùmte èpàm sə vəynsə əshi.

Njɔyn 21:2

Tuʼ fîfe, Shimuyn Pità, Tɔ̀mɔ̂s vɛ ə tè tɔŋtə̂ nə, (Apɨaʼsè), è Nàtanyèl (ə vɛ ə è tè ndô ə Kanà apàs endaʼ ə Ngalìlîkè), è ghɔ ə Zepɛ̀ndîə, è chùmtè èpàm sə Njisə̀s shîse sepɛ̀, ə zùŋtə̀ luʼve emɔ̀ʼ.

Ətefɨ̂aʼ 1:13

Ghənə pə̀ tâ ə Njèlusalɛ̀m ə njiə kɔʼɔ ndùə ə lûm ə̀ ndɛ èkwùtwəyn zɛ ə ghənə tè ndamə ətəyn. Ghɨ ə tom nə ghɨnə tè nyi Pità, è Njɔyn, è Njə̂m, è Andɨ̀lò, ə nyi Filìp, è Tɔ̀mɔ̂s, ə nyi Pàtòlòmiyà, è Matyò è Njə̂m ə va Àfeyùs, è Shimùyn vɛ ə è tè kàʼa è kwu kûmə̀ èndaʼ ə vəynze, ə̀ fɨyn nyi Njondàs ə va Njə̂m.

Ətefɨ̂aʼ 12:2

È və nə̀ ə ko Njə̂m, ə̀ nyi ànyìə Njɔyn, ə zhwiə vəyn è nyife tyâfè.