Ŋwàʼlè ə̀ Mâk 1:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ pîə nə, “Shîŋə̀ kə kwəyn fɔ̂yn ə Fezhə̀ və paʼsê. Ghàyn kwiyne təm ghaynghe piə ə pomə̂ tom èchùŋ zɨ̀yn.”

Ŋwàʼlè ə̀ Mâk 1:15 Iomraidhean Croise

Matyò 10:7

Ghàyn ndu, ke kə ghàyn ndùə, ghàyn è ndaʼà nə, ‘Fɔ̂yn ə Fezhə̀vè ə paʼsê’

Matyò 3:2

“Ghàyn kəmne ə ghànə sepi, kûmə̀ nə fɔ̂nə Fezhə̀ və paʼsê.”

Matyò 4:17

Se zhə̀tè ashìŋə̀ kɛ ə Njisə̀s tè ndùə Ngalìlî, ə zhə̀tə̀ se ndàʼà tom ə̀ Fèzhə̀ pîə nə: “Ghàyn kəmne ə ghànə sepi, kûmə̀ nə fɔ̂yn ə Fezhə̀ və paʼsə̂.”

Tom èchùŋ kè kə Lûk tè nyaʼ 10:11

‹Ghàs puʼtə̂ tsɨ̂sə̀ àpɨ̂l ə tɔ̂ŋ kayn kɨ̂nə̀ ə ghàs əghòl nyi se tyə̀yn kə̂ chwiə nə ngəʼ zâynzè ə faŋ sê ghàyn. Pîza ghàyn e ke nə fɔ̂yn ə Fezhə̀vè ə paʼsê sê ghàyn.›

Tom èchùŋ kè kə Lûk tè nyaʼ 10:9

Ə ghàyn nji ə tɔ̂ŋ nə zɛ, ghà tsuʼə əghɨ zafə ghɛ ə ghe nyi ətəyn ə tsà sê ghənə nə, ‹Fɔ̂yn ə Fezhə̀vè ə paʼse sê ghənə.›

Tom èchùŋ kè kə Lûk tè nyaʼ 24:47

ə fɨyn kyi sè zhə̀tə ə Njèlusalɛ̀m sè tsà eghɛ ə Fezhə̀zè ə vəyn ezə, nə ghɨə kwiyne təmə kə Pɛ Zhə̀fè lɛse fo sèpi sə ghənə̂sè.

Ətefɨ̂aʼ 20:21

Mə tè fo fɨ̀as sê ghɨə Njûsə̀ è ghɨ ghɛ ə̀ tè vachi ə̀ghɨ ə Njûsghè nə ghənə kwiyne təm ə ghənə̂ ghe piə, ə pəyn sê Zhə̀fè, ə pomə sê Pɛ̂pɛ Njisə̀s.

Ŋwàʼlè ə̀ Pɔ̂l sê ghɨə Lûmghè 16:26

Pîza, zôyn kə səmɔʼ nyi mə è zə fɨ pəyn ə ndayn tɔynə̂ əghɛ ghɛ ə fɨ̀aʼtèsè tè nyaʼ ə ŋwàʼlè ə Fèzhə̀. È tè nəyn nyiəmə kə ghɨə ndaʼà tekɨ̂m tə zɨ se vəyn. Zɨnə mə kyayn kə Zhə̀fè tè pi nə ze tə kyanə̀. Ə̀ nyi vəyn vɛ ə è nyì sə teshîŋə̀ tèkɨ̂m.

Ngàleshyà 4:4

Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,

Ɛfesùs 1:10

Zhə̀fè ə ndə̀m nə tuʼfe tə kwənə, ə Fe tsɨynte fɨave ekɨ̂m ekwùtwəyn ə Fe fɨyn tsɨ̂yntè ə chi ə Fe ndə̂m ke ə Klâys etyə̀.

1 Timotì 2:6

vɛ ə è fo ngɨŋ ə Vəyn ə kwu se zhɔyn atu əghɨ̀ ə̀ kɨ̂mkè. Kə shîŋə̀ kɛ ə Zhə̀fè tè chɔʼ kwəyn, Zhə̀fè ə nə̀ nə Njisə̀s Klâys ə nyi chwìə nə zhi kyiŋə se sɔzà əghɨ ə̀kɨ̂m.

Taytùs 1:3

Zhə̀fè ə tə nə̀yn nə ghɨghe ke tom ə̀ vəyn kè ashìŋə̀ kɛ ə Fe tè kyiŋə. Zhə̀fè Sɔ̀zà ə̀ ghâsènì ə tè tsɛ̀sè lâŋkè nə ə fo tom ə̀təyn sè mi ə mə ndaʼà.