Ŋwàʼlè ə̀ Mâk 1:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Ə tè nyi ə shɨŋ nə zɛ mə ə fâ Njɔyn ə ndɛ ə̀ chaʼ. Njisə̀s ə kɛsə̂ njiə ndûə apàs endaʼ ə Ngalìlîkè, ndàʼà tom èchùŋ ə Fezhə̀,

Ŋwàʼlè ə̀ Mâk 1:14 Iomraidhean Croise

Matyò 11:2

Kə Njɔyn Foə M̀mò tè zɨ ə ndɛ chaʼ ghɛ ghɛ ə Klâys tè nə̂ ə tomə sèchùmtè èpàm sə vəyn shîsê sê Vəyn.

Matyò 14:2

Ɛlɔ̀t ə ke pì sê ghɨ efɨaʼa vəynghe nə, “Ə̀ vɨ̀nə nyì ke nâʼà Njɔyn Fo M̀mò kə è kɛse zômə̀. Ə̀ za nyi eghɛ zɛ ə è kyi tyaʼa sə̂ nə̂ ə̀ghɛ kayntə.”

Matyò 4:12

Kə Njisə̀s tè zɨ nə ə fà Njɔyn Fo m̀mò ə ndɛ̂ chaʼ, È ve kɛsə̂ ndô ndûə apàs endaʼa ə Ngalìlîkè,

Matyò 4:17

Se zhə̀tè ashìŋə̀ kɛ ə Njisə̀s tè ndùə Ngalìlî, ə zhə̀tə̀ se ndàʼà tom ə̀ Fèzhə̀ pîə nə: “Ghàyn kəmne ə ghànə sepi, kûmə̀ nə fɔ̂yn ə Fezhə̀ və paʼsə̂.”

Matyò 4:23

Njisə̀s ə ndò kwîə ka tè ndaʼà tèkɨ̂m endaʼa Ngalìlîzè zaʼlə̂ èghɛ ə Fezhə̀zè ə se ndɛ sə atsɨ̀yntese, kɛsə̂ ndâʼà tom èchùŋ kûmə̀ èfɔ̂yn nə Fezhə̀vè. È tè tsuʼə əghɨ ezafə əkɨ̂m è kɨsè kyì tə tezaf tɛ ə te tè nyi ə ghənə fètəyn.

Matyò 9:35

Njisə̀s e kwîə ka môtə̀ sètɔ̂ŋ sèkɨ̂m è tə̀ʼse, zaʼlə̂ èghɛ Fezhə̀zè ə se ndɛ sə atsɨ̀yntese, ndaʼà tom èchùŋ kûmə̀ èfɔ̂yn ə Fezhə̀vè, tsuʼə ə̀ghɨ zafə ghəkɨ̂m è kyì tə tezaf tekɨ̂m.

Tom èchùŋ kè kə Lûk tè nyaʼ 3:20

Kə Njɔyn tè zɔ̂ sê vəyn zâ, è və fɨnə nə̂ kə zəmɔ̀ʼɔ̂e, ə kyiə fâ Njɔyn ə chaʼ.

Tom èchùŋ kè kə Lûk tè nyaʼ 8:1

Epàm ətəyn Njisə̀s ə ndò kwiə ndàʼà tom èchùŋ kûmə̀ èfɔ̂yn ə Fezhə̀vè ə setɔ̂ŋ è tə̀ʼse. Ə nyi za, chùmtè èpàm sə vəynse njò sepɛ̀ e nyi yî vəyn,

Ətefɨ̂aʼ 20:25

Mə kwì ka ə ghàyn ə fètəyn ə̀kɨ̂m ndaʼà tom kûmə̀ èfɔ̂yn ə Fezhə̀vè. Mə zôyn m ke ndô nə wùə se ghàyn tə fɨnə fe va mi.

Ətefɨ̂aʼ 28:23

Ghənə ə ndə̀mə̀ etuʼ se pə zɨtê se Pɔ̂l. Tuʼ ətəynve ə kwəynə, ghənə ə fɨə nâʼà setsɨ̀ ə pə̀ elùʼ vɛ ə Pɔ̂l tè ndamə ətəyn. È və pɨsə̂ zhə̀tə̀ se wàmnə̀ sê ghənə, ə nə̀ wàmnə̀ kə nyi ə ndùə tânə̀ ashìŋə̀ ezhwikwɨləke, ə fɛtə̂ tsâ paynsə̂ èghɛ zɛ ə è tè kyi se tsàyn sê ghənə kûmə̀ èfɔyn ə Fezhə̀vè. È və mɔ̀msə̀ se nə̀yn nə ghənə ke Njisə̀s. È və fɨnə pîə ə̀ghɛ ghɛ ə ghe fɨ ə ŋwàʼlè Àlâŋ zɛ ə Mosîs tè pə̀yn è zə̂yn è kɨ̂sè ə ŋwàʼlè ə̀ sèfɨ̀aʼtè kə ghənə pomə nə Njisə̀s nyi Klâys.

Ŋwàʼlè ə̀ Pɔ̂l sê ghɨə Lûmghè 1:1

Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

Ɛfesùs 2:17

E za tyə̀nə̀ nə Klâys tè pəyn ə tsâ tom ə pɔ̂ynè kè sê ghɨ ghəkɨ̂m. È tè tsàyn sê ghàyn ghɛ ə ghàyn tè paʼsə va sê Zhə̀fè, ə fɨnə tsâ kəpî sê ghàs ghɛ ə tè paʼsə.