Ngàleshyà 6:3 - Ŋwàʼlè ə̀ Fèzhə̀ Mkâyn Mə̂ Fèm

³ Ə̀ kwâʼtə̀ pîndè nə e nyi afɨa, pîza va kəynke, ə è və lesə̂ kə ngɨŋə̂ vəyn.

Ngàleshyà 6:3 Iomraidhean Croise

Tom èchùŋ kè kə Lûk tè nyaʼ 18:11

Wùə ə̀ Falàsî vɛ ə ndùə tyəmə sə nɨŋ sè tsə̂mə̀, piə nə, ‘M fo àzɔ̀ŋnè kɛke ə Zhə̀fè kûmə̀ nə m va chi kə ghɨə mɔ̀ʼɔ̂ ghɛ ə ghe zâŋsə̀ fiə fɨa ghɨ̀u səndô, vachi kə ghɛghe kəmə saʼe, chûmtə̀ va zəyn ə ghɨ̀ə. M va chi pi kə wùə ə vɨ̀nə ə è tənə tâksè nyi.

Ətefɨ̂aʼ 5:36

Ə tè nyi kepî tuʼ fîfe, Tìyondàs ə fɨə kɔʼɔ pîə nə ə̀ nyì ke nâʼà zhi nə vɛ̂, ghɨghe ə chumtə̀ vəyn zaʼâ wəte kyàʼ. Pîza ə mɨ̀se ə pa zhwiə vəyn. Pamə̂ tə vəynte ə chyàsə̀ kə fèmɔ̀ʼ femɔ̀ʼ.

Ŋwàʼlè ə̀ Pɔ̂l sê ghɨə Lûmghè 12:16

Ghàyn e nə̂ ə̀ghɛ sə eghɛ èmɔ̀ʼ. Kə ghàyn nə ghaŋsə wiyn, pîza ghàyn e fɨaʼà tsɔ̂fsə̀ ghâyn ghə̀ ghɨ ghɛ ə kɔʼɔ kwəynə va kə ghàyn. Kə ghàyn nə ndəmə nə ghàyn nyîə ke tsɛ̂sè.

Ŋwàʼlè ə̀ Pɔ̂l sê ghɨə Lûmghè 12:3

Kûmə̀ àfùʼ ə Fezhə̀ kɛ ə è fo sê mi, m pîə se ghàyn əkɨ̂m nə kə ghàyn nə nji sèngɨŋ saynse ekwùtwəyn endom vɛ ə ghàyn kwàʼtə̀ ətəyn, ghàyn e pɨlə njîə sèngɨŋ saynse ə chi ə ghàyn ekwâʼtè. Nâʼàpî ndè kyi se fe ngɨŋə̂ vəyn əfètə̂ èpomə eghɨ kûmə̀ èfo zɛ ə Zhə̀fè nyi mə fə fo sê vəyn.

1 Kɔlìŋ 13:2

M kaʼa m mə kyi èfo se fɛtə ndaʼà eghɛ ə Fezhə̀zè, nyi kàʼa m mə ke ə̀ghɛ ə̀kɨ̂m, nyi kàʼa m zɨ kê ə̀ghɛ ə ndətə ghəkɨ̂m, m kaʼa m mə kyi èpomə̂ mə ze kaʼa ə ze muʼ pfɨ̀yn, pîza mə m kiva kɔ̂ŋzè, ə zə nyi nə m va nâʼà àfɨa kyîke.

1 Kɔlìŋ 3:18

Kə wùə tə lesê ngɨŋə̂ vəyn. Ə wùə nyi ə ghàyn əfètəyn kwaʼtə̀ nə zhi nə tɔfə endom vɛ ghɨ mbiə fâ njîə ətəyn, ə è pɨl kə̂mnè sə ango kə̂ è kyi kàyntè ètɔf.

1 Kɔlìŋ 8:2

Ghɨ ghɛ ə kwàʼtə nə ə ke ndô ghɛ fɛte keva kə ghənə fə kyi sə̂ ke.

2 Kolìŋ 12:11

M nə̂ kə ango pîza mə ə̀ nəyn ghàyn nə mə nə̂ zamə. Ə̀ tè nyi ghàyn se pomsə mi kûmə̀ nə m tətə̂ kwûŋsə̀ va endom vɛ ghɨ ghɨ̀yn ə lesə ngɨŋsə ghənə̂sè nə ə nyi əghɨtom ə ghaʼlə̂ pì, pî kə m va nâʼà àfɨa.

2 Kolìŋ 3:5

Ghɛ zhîze va ə ghàs endam ə ze kaʼa ə ze nəyn nə ghàs ə kwaʼtə̀ nə ghàs kɔʼɔ kwəynə̂ ndò se nə̀yn efɨ̂aʼ zɨ̀nə̀, ə̀ nyi Fezhə̀ ə fe nə̂ nə ghàs ə kɔʼɔ kwəynə̂ se nə̀yn efɨaʼ ətəynze.

Ngàleshyà 2:6

Ghɨ ghɛ ə tè njìə sə etu fumə tè paʼà fɨyn kyi ghɛze se kwəynsê etùə èghɛ zɛ m zaʼlə. Kə ghənə tè nyì pî ètu kɨ̀sə ghənə tè va, ze mə tyə̂nə̀ va ghɛ zhîze sê mi kûmə̀ nə Zhə̀fè kɔ̀ŋə̀ va wùə ə̀ mɔʼɔ, panə̀ vîvè.

Ngàleshyà 2:9

Shîŋə̀ kɛ ə Njə̂m, pità è Njɔyn, ghɨ ghɛ ə tè fe sə etu, kə ghənə tè fe kê nə Zhə̀fè ə fo fɨaʼə m̀kɔʼnè kɨnə se mi, ghənə ə tɔŋtə̂ mi ghasè Pànapàs se tyə̀yn nə ghasè ghə̀ ghənə fɨaʼà sə eghɛ èmɔ̀ʼ. Ghâsè ghənə ə ke ndə̂m nə, ghàs nə ndàʼà tom èchùŋ sê ghɨ ghɛ ə̀ vachi ə̀ghɨ ə Njûsghè, ghənə e ndàʼà sê ghɨ Njûsə̀.

2 Timotì 3:13

Ghɨ piə è ghɨ ghɛ ə ghe tyə̀nə̀ nə ghe nyi afɨa, pîza va, ə pofə ndùə kə èshike, kyîŋsə̀ ə̀ghɨ, ghɨə mɔ̀ʼɔghe e pɔŋɔ kyîŋsə̀ kəpî ghənə.

Njə̂m 1:22

Kə ghàyn lese ngɨŋ saynse sə̂ zɨtə̂ kə ndò ghɛ ə Fezhə̀zè, pîza ghàyn e nə̂ èghɛ zɛ ə tom ə̀təyn pîə.

Njə̂m 1:26

Ə wùə kwàʼtə̀ nə zhi chùmtə̀ Fèzhə̀ endom echûŋve, pîza, ke va se kyiə andəm ə vəynke, è və ke nə è lesə̂ kə ngɨŋ ə vəyn, kwàʼtè ə vəynze nə zhi chùmtə̀ Fèzhə̀ kwəynə va nâʼà eghɛ zhîzè.

1 Njɔyn 1:8

Ə ghâsènì piə nə ghâsènì kyi va fɨ̂atə̀ fə pife ə ghâsènì endam, ə ghâsènì ə lesə̂ kə sèngɨŋ sə ghasènìse, səmɔʼ e va ə ghâsènì ətəm.