Ngàleshyà 6:2 - Ŋwàʼlè ə̀ Fèzhə̀ Mkâyn Mə̂ Fèm

² Ghàyn e tsâmtə̀ sèngɨŋ saynse. Ə̂ ghàyn nə̂ nyi, ə ghàyn ə lwiynsə̂ àlâŋ ə Klayskè.

Ngàleshyà 6:2 Iomraidhean Croise

Matyò 8:17

Njisə̀s tè nəyn zɨnə mə se lwiynsê eghɛ zɛ Zhə̀fè tè pî tɔynə̂ ə fɨ̀aʼtè Èsayà nə, “È və tə njì zaftə ghasènìte ə pɨ̀aʼà tsɨsə̀ tè zaf tɛ ə te nyi ə ghâsènì mwìyn.”

Tom èchùŋ kè kə Lûk tè nyaʼ 11:46

Njisə̀s ə piə sê ghənə nə, “Ngəʼ èghaʼâ nyi kepî sê ghàyn, ə tyə̀ynsè sə alàŋsè, kûmə̀ nə ghàyn tɔ̀ʼɔ̀ nə ghɨghe ə nə̂ əghɛ, ghe tɛ ghaʼa ghənə, nyi kə apɨàʼa, ke tɨ̂lə̀ kə nyi, kɔ̂ŋɔ̀ va se tsàmtè nâʼà səkɔs.

Njɔyn 13:34

M fo èsaʼ e feze sê ghàyn zôyn nə ghànə kɔ̂ŋɔ̀ sèngɨŋ saynse. Kè kə M kɔ̂ŋ ghàyn, ghàyn e kɔ̂ŋɔ̀ kəpî sèngɨŋ saynse.

Njɔyn 15:12

Ə kɨnə nyi alâŋ kɨma nə, ghàyn kɔŋ ngɨŋ saynse kèpi kə m kɔ̂ŋɔ̀ ghàyn.

Ŋwàʼlè ə̀ Pɔ̂l sê ghɨə Lûmghè 15:1

Ghâsènì ghɛ ə pomə̂ ə ghasènìze tɛ kyi sə̂ tsâmtə̀ ghɛ ə pomə̂ ə ghənə̂zè tɛ va. Kə ghâsènì ə nə̂ kə ghɛ ghɛ ə ghe tsɔ̂fə̀ kə sê ghâsènì.

Ŋwàʼlè ə̀ Pɔ̂l sê ghɨə Lûmghè 8:2

Kûmə̀ nə lâŋ ə se zuʼ kɛ ə ke pə̂ ghâsènì èndamze kə ghâsènì nyì sə afɨa àmɔ̀ʼ è Njisə̀s Klâys, ə fɨsê mi ə alàŋ ə ghɛ pighe è kwuze.

1 Kɔlìŋ 9:21

Shîŋə̀ kɛ m ndu se ghɨ ghɛ ə ghe chûmtə̀ va lâŋa, m nyi ke kə wùə ə è chùmtə̀ va lâŋà. (Zɨnə mə tyə̀nə̀ va nə m ndə̀mə̀ va laŋa Fezhə̀kè pîza m pɨlə ndə̂mə̀ àlâŋ ə Klayskè) kə m nəyn ə ghɨ ghɛ ə ghe ndə̂mə̀ va lâŋkè ə chûmtə̀ Klâys.

Ngàleshyà 6:5

M pîə zɨnə kûmə̀ nə nâʼàpî èghɛ èkè zɛ ə wùə nə̀, è zaʼsə̂ kə ə vəyn atu.

1 Tèsàlonikà 5:14

Ghàs chyatə̂ kəpi ghàyn ə ghɔ nyiə nə, ghàyn fo fɨ̀as sê ghɨ ghɛ ə ghe kɔ̂ŋɔ̀ va sə̂ fɨ̂aʼà, ə nəyn nə ghɨə fanəghe ə kyi ə̀təm ə tɛ, ə tsamte ghɨ ghɛ ə ghənə kyiŋə tsâmtèzè. Ghàyn e kolə ə̀təm se ghɨghe əkɨ̂m.

Njə̂m 1:25

Pîza wùə vɛ ə è tɔ̀ʼɔ̀ zaʼlə lâŋ ə Fezhə̀ kɛ ə ke kyi va ləʼke mə ke njîə fɨsə̂ ə̀ghɨ ə ndɛ ə̀ chaʼ, è və kolə ə̀təm əfètə̂ təyn nə̂ èghɛ zɛ ə è zaʼle, lɛ̂sə̀ va, ə Zhə̀fè pɔse vəyn eghɛ zɛ ə è nə̀.

Njə̂m 2:12

Ghàyn e tɔ̂ʼnə̀ è wâmnè zaynze fɨnə nə̂ kə ghɨ ghɛ ə nyi se tə saʼ ə ghənə èsaʼ zɛ ə ze nə̂ nə kə ghɨghe ə fɨyn nyi èkɔ̂s.

Njə̂m 2:8

Ə ghàyn lotə ndə̂mə̀ saʼ ə efɔ̂yn ə Fezhə̀zè kə ze nyi ə Ŋwàʼlè ə̀ Fèzhə̀ nə, “Kɔ̀ŋ ghɨə mɔ̀ʼɔghe kè eghɨ kə ghàyn kɔ̂ŋɔ̀ ngɨŋ saynse,” ə̂ nyi mə ghàyn nə̀ kə nâʼà èghɛ echûŋzè.

1 Pità 2:24

È və tə pɨàʼà pi sə ghasènìse ə ndùə è səynse awâmnè. È tè nəyn nyi kə ghâsènì ə pɨlə ndamə chichi, pi e fɨyn kyi va ghɛze se nə̀yn ə ghâsènì etsɨsə̂. Ə̀ nəyn tefiŋ tɛ ə è tè kyi nə ghàyn tɛ,

2 Pità 2:21

Ə ze nyi nyî, ə nyi mə e tè pɨlə tsɔ̂fə̀ nə ghənə tàʼa ndə̀ʼə kê endom ə chichive səkɔs, tsɛ̂ kə ghənə ke, ə fɨyn kɛse ə zɨə va saʼe eŋwaʼ zɛ ə tè fo sê ghənə.

2 Pità 3:2

M kyiŋə nə ghàyn kɛse kwâʼtè ə̀ghɛ ghɛ ə fɨ̀aʼtè sə eŋwaʼase tè pì nâʼà sə mɨ, è ghɛ zɛ ə Pɛ̂pɛ sɔ̀zà tè pi sê ghàyn tɔynə̂ əghɨtom ghaynghe.

1 Njɔyn 4:21

Lâŋ kɛ ə Klâys nyi mə È və fo sê ghâsènì nyi nə, Nâʼàpî ndè vɛ ə è kɔ̀ŋə̀ Zhə̀fè kyi sə kɔ̂ŋə̀ kəpî ə̀ghɨ mɔ̀ʼɔghe.