Ngàleshyà 6:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ghɔnyì ghɨmə, ə wùə sê ghàyn nə̀yn nâʼàpî pi èkè, ghàyn ghəmɔ̀ʼɔ ghɛ ə Zuʼse ŋwaʼase chisə ghàyn, ghàyn mɔmsə̀ se tyə̀yn endom sê vəyn è pɔ̂ynè. Ə ghàyn piə tyə̀ynə̀, ghàyn e tɔ̂ʼnə̀ è ngɨŋ saynse ə̀ va za, ə nâʼà ghàyn kàʼa pɔŋ pfɨ̀.

Ngàleshyà 6:1 Iomraidhean Croise

Matyò 11:29

Ghàyn pomə se chùmtè ə setàm sɨmse, ə ghàyn zaʼle sê Mi kûmə̀ nə m nyiə ngɨmnə̂, kyi ə̀təm epɔynə. Ghàyn pəyn ə ghàyn kyi zɨ̀tèkè.

Matyò 26:69

Pità tè pa tsɨs ke ezhɔyn nə saʼve. Vâyn èzhɔyn vîvè mə è fɨaʼà sê wùə èkɔʼsə nə̂ èshyə̀ èngaŋtə kwəynə, ə pə̀ se vəyn ə pìə nə, “Ò tè nyì kepî ghâyn Njisə̀s, ə wùə vɛ ə è ndò pə̂yn apàs endaʼa Ngalìlîkè.”

Matyò 26:75

Pità ə ke kɛse ə kwàʼtè eghɛ zɛ Njisə̀s fè pì sê vəyn nə, “Ndom ə̀mbvɨ nə̀ piə è tɔŋɔ ndò mə o mɛ mi shîŋə̀ teta.” Pità ə fɨ ə ndûə əpɨəyn ə chîə nâʼà sə ŋaŋ.

Matyò 9:13

Pîza, ghàyn ndu kyiŋ kə ghàyn zɨ kê ə̀ghɛ ghɨ̀ynə ə nyâʼ ə ŋwàʼlè ə̀ Fèzhə̀ nə, ‘Ə̀ nyi ekosê esəyn kə M kyiŋə sê ghɨə, ə̀ vachi è se ə se nyàmzè sê zhə̀tə̀m.’ M tè pâʼà pə̀yn ə mbi se tɔŋə̂ əghɨ ghɛ ə ghe se tyəm chichi, pîza M tè pəyn kûmə̀ ə̀ghɨ piə.”

Ŋwàʼlè ə̀ Pɔ̂l sê ghɨə Lûmghè 14:1

Ghàyn fi ndzɨsê ə̀ghɨ ghɛ ə pomə ghənə̂zè pa pɔ. Kə ghàyn ə saʼnə̂ ə̀ghɛ ghâyn ghə̀ ghənə kûmə̀ ə̀ghɛ ghɛ ə ghənə kwaʼtə̀ nə ə kyi se nə̀yn, è kɨsè ghɛ ə ghənə kiva se nə̀yn.

Ŋwàʼlè ə̀ Pɔ̂l sê ghɨə Lûmghè 15:1

Ghâsènì ghɛ ə pomə̂ ə ghasènìze tɛ kyi sə̂ tsâmtə̀ ghɛ ə pomə̂ ə ghənə̂zè tɛ va. Kə ghâsènì ə nə̂ kə ghɛ ghɛ ə ghe tsɔ̂fə̀ kə sê ghâsènì.

Ŋwàʼlè ə̀ Pɔ̂l sê ghɨə Lûmghè 8:6

Ə wùə ndə̀m təm ə vəynghe əghɛ ə senjà se wìynse, ə è tə kwu. Pîza ə wùə ndə̀m təm ə vəynghe ətə ə̀ghɛ ə sezuʼ sə Fezhə̀sè, ə è tə kyî èndam zɛ ə ze tə mîə va è kɨsè pɔ̂ynè.

1 Kɔlìŋ 10:12

Ə ò kwàʼtə̀ nə ò fɛtê tyəm ndò ə ghò epomə̂, ò tɔ̂ʼnə̀ kə ò nə pfɨ ə pi.

1 Kɔlìŋ 14:37

Ə wùə ke nə è nyi fɨ̀aʼtè ə̀ Fèzhə̀, pî nə è kyi èfo mə ə̀ fo se Zuʼ, ə è və kyi se pomə̂ nə ghɛ zɛ m nyâʼà sê ghàyn ndò sê Pɛ̂pɛ.

1 Kɔlìŋ 2:15

Nâʼàpî ndè vɛ ə è kyi Zuʼse zɨ kê kə ə̀ghɛ ə̀kɨ̂m, pîza mə wùə vîvè vayn kaʼa è zɨ kê èghɛ kûmə̀ vəyn,

1 Kɔlìŋ 3:1

M tè vayn kaʼa mə wàmnə̀ sê ghàyn ə ghɔnyì ghɨmə kə̂ m wàmnə̀ sê ghɨ ghɛ ə ghe kyi Zuʼse ə Fezhə̀sè. Pîza m tè pɨl wâmnè sê ghàyn kəpiə ghàyn nyi əghɨ ə mbighe, kə ghɨ ghɛ ə ghe pa nyi m̀mîətə̀ ə ghənə epomə̂ sê Klâys.

1 Kɔlìŋ 4:21

Ghàyn kɔ̂ŋə̀ nə ə m nyi se pə̀yn sê ghàyn, ə m pəyn èghɛ? Ghàyn kɔ̂ŋə̀ nə m pəyn è wàyn mə, mə m pəyn è kɔ̂ŋè, mə è zuʼsə pɔ̂ynèsè ə?

1 Kɔlìŋ 7:5

Kə wùzhɔyn tə se fo ngɨŋə̂ vəyn se ndom ə̀ vəyn, kə wùə ndômə̀ tə kepî se fo ngɨŋə̂ vəyn se zhwîə vəyn, ə̀ tsɛ kə va mə ə̀ pomə ghənə se nə̀yn zamə sə fe ndiŋə kə ghənə ə nyi kàʼa tsəm. Pîza ə shîŋə̀ təynke mî, ghàyn e kɛsə̂ ndamə kə lâŋ ə malə̂kè kyiŋə, ə̀ va za, ə mɔ̂m ə Satàynzè nəyn, ə ghàyn pfɨ kûmə̀ nə ghàyn keva se kyî ə sengɨŋ saynse.

2 Kolìŋ 10:1

Ə̀ chyatə̂ kə nâʼà mi Pɔ̂l ghàyn zôyn tɔynə̂ ətəm ə chûŋghè è pɔ̂ynè ə̀ Klâys, ə nyi mi vɛ ə ghɨ mɔ̀ʼɔ pìə nə shîŋə̀ kɛ ə m va ə ghàyn əfètəyn mə nyàʼà èghɛ è təm ə tɛ, pîza shîŋə̀ kɛ ə m nyi ə ghàyn ə fètəyn, me wâmnə̀ è fâynzè!

2 Kolìŋ 2:7

Zôyn, ghàyn pɨl lɛ̂sè fo vəyn, ə fo vəyn è təm ə zɨtəghe, endom se nə̀yn nə kə è və kosə̂ kyaʼà tsɛsə̀, mə è kàʼa è laynse pfɨ mɨsè.

2 Kolìŋ 2:8

Ə̀ za nyi eghɛ zɛ ə m chyatə̂ ghàyn nə ghàyn kɛse nəyn ə è və ke nə ghàyn pa kɔ̂ŋɔ̀ kə ndò vəyn.

Ngàleshyà 5:23

kyi engɨmnê, ke se kyiə sengɨŋ. Lâŋ kyîke kwiynsə̂ va nâʼà èghɛ èmɔ̀ʼ əfètəyn ə̀ghɛ nə ghɨ̂yn.

Ngàleshyà 6:18

Ə fùʼə Pɛ̂pɛ ə ghasènìke Njisə̀s Klâys ə nyi sê ghàyn əkɨ̂m ə ghɔnyì ghɨmə. Ə zə nyi ke zamə.

1 Tèsàlonikà 4:1

Se mɨsè ə ghɔnyiə, ghàyn tè zaʼle sê ghàs ndom vɛ ə kaʼa ndamə ətəyn se nə̀yn nə Zhə̀fè ə saŋnə̂. Səmɔʼ ə̀ vɨnə mə nyi ke nâʼà èndom vɛ ə ghàyn ndamə ətəyn. Ghàs chyatə̂ ghàyn zôyn nâʼà sə ŋaŋ, ezə ə Pɛ̂pɛ Njisə̀szè nə ghàyn fɨyn nəyn tsɛ za.

2 Tèsàlonikà 3:15

Pîza kə ghàyn ə nə ghɛ sê ghənə nyiə kə ghàyn nə̂ sê pàyn zâynzè, ghàyn e pɨlə fo fɨ̀as sê ghənə kè nâʼà kə ghàyn fo sê ghɔnyì ghaynghe.

2 Timotì 2:25

chisə ə̀ghɨ ghɛ ə ghe kəmnə ghɛ zɛ ə è pìə è pɔ̂ynè, ke nə Zhə̀fè nə̀ nə̂ ə ghənə kwiyne ə pəyn se kê səmɔʼ.

Ipilù 12:13

Ghàyn e kwiə kə endom e naynə ve kə fɨəyn kɛ ə ke nyi mə kə ndəm za tàʼa fɨ̀as ə mɨ̀sè, ə ke pɨl tɛ ndò.

Ipilù 13:3

Ghàyn e kwâʼtə̀ ə̀ghɨ ghɛ ə ghe nyi ə ndɛ̂ chaʼ kəpiə ghâynghə̀ ghənə nyi fumə əmɔʼ. Ghàyn e kwâʼtə̀ kə pi əghɨ ghɛ ə ghe fe tsôsvè, kəpiə ghâynghə̀ ghənə fe ètsôs ətəynve əmɔʼ.

Njə̂m 3:13

Ə wùə nyi ə ghàyn əfètəyn kyi ètɔfə eghaʼâzè, fɨnə zɨə kê ə̀ghɛ, è və tyə̀nə endam echûŋ zɛ ə è ndamə, sə̂ nə̂ ə̀ghɛ chûŋghè è ngɨmnêzè è kɨsè tɔf eghâʼazè.

Njə̂m 3:2

Ghâsènì əkɨ̂m nyìə nə̂ pofsə̂ ə̀ghɛ. Ə wùə nə̀ pofsə va ə vəyn ewàmnè, ə nyi mə wùə ə̀təyn ə ndəmə̂ kwəyn, nyi mə è kàʼa è chise ngɨŋə̂ vəyn əghɛ ə mɔ̀ʼɔghe əkɨ̂m.

1 Pità 3:15

Ghàyn e pɨlə ngɨmnə̂ Klâys kə Pɛ̂pɛ ə ghàyn ətəm. Ghàyn e tsɨs shîŋə̀ tekɨ̂m, pfɨ̂tə̀ se fɨ̀ysə nâʼàpî ndè ezhoghɛ è pfɨf ghɛze kûmə̀ èkwaʼtè elɨmtə zɛ ə ghàyn kyi ə ghàyn ətəm. Ghàyn e nə̂ nyi è pɔynə̂, è kɨsè ngɨmnêzè.

1 Njɔyn 5:16

Ə fe pi ndè ànyìə vəyn kə è nə̀yn pi, ə va pi se chyàsə vəyn yî Zhə̀fè, è və tsə̀mə̀ sê vəyn kə Zhə̀fè nəyn ə ànyìə vəyn nə vɛ ə ndamə. M pîə ə̀ghɨ ghɛ ə ghe nə̂ pi è va se chyâsè əghənə yî Zhə̀fè. Pi zhîzè nyîə nyi, ə zɛ ə wùə nə̀yn, è zə chyasə̀ vəyn yî Zhə̀fè, m piə va nə ghàyn tsəm kûmə̀ èkyì ə pi nə zɨ̂nə̀.