Ngàleshyà 5:3 - Ŋwàʼlè ə̀ Fèzhə̀ Mkâyn Mə̂ Fèm

³ M fɨnə fɛtə̂ tsâ kə nâʼà ndò sê ghàyn nə, ə̀ fɨyn pomə pîndè nə ə se namə vəynghe, ə è və ke nə è kyi sə̂ ndə̀mə̀ kə Àlâŋ àkɨ̂m.

Ngàleshyà 5:3 Iomraidhean Croise

Matyò 23:16

Ngəʼ èghaʼâ nyì sê ghàyn ghɛ ə ghàyn nyi mə fòf chisə̂ ə̀ghɨ mɔ̀ʼɔ. Ghàyn zaʼlə̂ nə, ‘Ə wùə kàyn ezə ə Ndɛ Ètsə̀məze, ə ghɛ zhîze tàʼa kyàyn se vəyn. Pîza ə wùə kàyn ezə efɨa ngôl vɛ ve nyi ə Ndɛ Ètsə̀mə, ə è və kyi se nə̀yn eghɛ zɛ ə è kàyn zəyn.’

Matyò 23:18

Ghàyn zaʼlə kəpi nə ə wùə kàyn ezə alaŋ efoke, ə ghɛ zhîze taʼa kyàyn sê vəyn, pîza mə wùə kàyn ezə efo zɛ ə ze nyi alaŋ efoke, ə è və kyi se nə̀yn kə è kàyn.

Tom èchùŋ kè kə Lûk tè nyaʼ 16:28

ə è ndù təfte ə̀ ghɔnyì ghɨmə kûmə̀ eghɛ zɨ̂yn, kə ghənə tə pɔŋɔ nji ə ngəʼ nə̂ zɨ̂yn. Ghənə pa nyi etwɔ, ə̀ tayn.’

Ətefɨ̂aʼ 15:1

Ghɨ yîghe ə ndò apàs endaʼ ə Njòndyâkè ə tso pə̂ ə Antyòk. Ghənə ə ə zhə̀tə̀ se zaʼlə̂ ə̀ghɨ pomə nə, “Ə tàʼa se ənam ghaynghe, kè eghɨ kə Saʼ ə Mosîszè tè tyə̂nə̀, ə ghàyn tə tàʼa kyi esɔzaze.”

Ətefɨ̂aʼ 2:40

Pità ə təftə̂, ə fɨnə wàmnə̀ ə̀ghɛ sê ghɨ ətəynghe, ghe tsɨ̀ə kə nyî. È və chyatə̂ ghənə, ə piə nə, “Nâʼàpî ndè sɔza ngɨŋə̂ vəyn, kə ndɔ̀ʼɔ Zhə̀fè nə poynsê ghàyn eghɨ kə È pɔynse ghɨə təm ə pi ghɨyn.”

Ətefɨ̂aʼ 20:21

Mə tè fo fɨ̀as sê ghɨə Njûsə̀ è ghɨ ghɛ ə̀ tè vachi ə̀ghɨ ə Njûsghè nə ghənə kwiyne təm ə ghənə̂ ghe piə, ə pəyn sê Zhə̀fè, ə pomə sê Pɛ̂pɛ Njisə̀s.

Ŋwàʼlè ə̀ Pɔ̂l sê ghɨə Lûmghè 2:25

Ə ghàyn ndə̀mə̀ lâŋkè, ə se zɛ ə ghàyn se nam əghɨghè ə kyi m̀kɔʼnè ə Zhə̀fè əshi. Pîza mə ghàyn chùmtə̀ va lâŋkè, ə se ə nam zɛ ə ghàyn se ə kiva tɔf zhîze.

Ngàleshyà 3:10

Ghɨ ghɛ ə ghe kwaʼtə̀ nə ghənə tə nə̂ ə nyi chichi ə Zhə̀fè əshi mə ghənə ndə̂mə̀ Àlâŋ, tə kyîə ndi ə̀ Fèzhə̀ kûmə̀ nə ə nyàʼ ə Ŋwàʼlè ə Fèzhə̀ nə, “Ndi ə̀ Fèzhə̀ tə nə̂ ə è zə nyi ə nâʼàpî ndè vɛ ə è ndə̀mə̀ va nâʼà pi àlaŋ àkè kɛ ə nyi mə ə nyàʼ ə ŋwàʼlè àlaŋ.”

Ngàleshyà 5:2

Ghàyn zɨte! Ə pìə mi sê ghàyn nə, ə ghàyn zà nə ə se nam ghaynghe, ə zə tyə̂nə̀ nə Klâys laynse va àfɨa kyîke sê ghàyn nâʼà səkɔs.

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

Ɛfesùs 4:17

M pîə sê ghàyn ezə ə Pɛ̂pɛze fɨnə kwəynsə̂ nə kə ghàyn fɨyn ndam kə ghɨ etumə. Ghənə kyi ke tèkwâʼtè tə azùŋə zuŋte.

1 Tèsàlonikà 4:6

Fâ fètəyn èghɛ, kə wùə se ghàyn tə nəyn pofsê sê ghɔnyì ghaynghe, pî sə chɨ̂ynə̀ ə̀ ghɔ nyì ghaynghe. Ghàs ə tə pì chi ghɛ ghɨ̀nə se ghàyn, ə fo fɨ̀as se ghàyn nâʼà sə ŋaŋ nə Pɛ̂pɛ tə fo ètsôs se ghɨ ghɛ ə nə̂ kyì əghɛ nə ghɨ̂yn.

1 Njɔyn 4:14

Ghâsènì ə fe, tsâ ndûə se ghɨə mɔ̀ʼɔ nə Pɨ̀a ə tə tom Va vəyn nə è və nyi sɔ̀zà ə̀ mbi.