Ngàleshyà 5:2 - Ŋwàʼlè ə̀ Fèzhə̀ Mkâyn Mə̂ Fèm

² Ghàyn zɨte! Ə pìə mi sê ghàyn nə, ə ghàyn zà nə ə se nam ghaynghe, ə zə tyə̂nə̀ nə Klâys laynse va àfɨa kyîke sê ghàyn nâʼà səkɔs.

Ngàleshyà 5:2 Iomraidhean Croise

Ətefɨ̂aʼ 15:1

Ghɨ yîghe ə ndò apàs endaʼ ə Njòndyâkè ə tso pə̂ ə Antyòk. Ghənə ə ə zhə̀tə̀ se zaʼlə̂ ə̀ghɨ pomə nə, “Ə tàʼa se ənam ghaynghe, kè eghɨ kə Saʼ ə Mosîszè tè tyə̂nə̀, ə ghàyn tə tàʼa kyi esɔzaze.”

Ətefɨ̂aʼ 15:24

Ghàs ə zɨ nə ghɨə mɔ̀ʼɔ ə ghàs əfètəyn ə pə̀yn wàmnè ghɛze, ghe fo ètsôs ə ghàyn ətəm nâʼà sə ŋaŋ. Ghənə tè wamne zamə, mə ə̀ paʼà fo ghàs ètyaʼke sê ghənə.

Ətefɨ̂aʼ 15:5

Pîza ghɨə pomə əmɔ̀ʼɔ̂ ghɛ ə̀ tè nyi əghɨ anɔ̀yn ə Falàsîghè ə ndwìə tyəmə̂ ə pìə nə, “Ə kyi ke se se ənam əghɨ̀ ghɛ ə̀ vachi ə̀ghɨ ə Njûs ghɛ ə nyi mə ə pomə̂ se Njisə̀s, ə tsayn kepî se ghənə nə ghənə kyi se chùmtè alâŋ ə Mosîskè.”

1 Kɔlìŋ 16:21

Ə̀ nyâʼà kə nâʼà mi Pɔ̂l è gho kɨmke nə, tɔŋtêzè mə ze ndo sê Pɔ̂l.

2 Kolìŋ 10:1

Ə̀ chyatə̂ kə nâʼà mi Pɔ̂l ghàyn zôyn tɔynə̂ ətəm ə chûŋghè è pɔ̂ynè ə̀ Klâys, ə nyi mi vɛ ə ghɨ mɔ̀ʼɔ pìə nə shîŋə̀ kɛ ə m va ə ghàyn əfètəyn mə nyàʼà èghɛ è təm ə tɛ, pîza shîŋə̀ kɛ ə m nyi ə ghàyn ə fètəyn, me wâmnə̀ è fâynzè!

Ngàleshyà 5:11

Ghàyn ghɛ ə ghâsènì pomə sə eghɛ èmɔ̀ʼ, kûmə̀ ghè ə pa tsə̂fsə̀ mi ezhoghɛ ə m zaʼlə nə ə se ə̀nam ə ghɨ̀ghè ə? Ə ze nyi səmɔʼ, ə zaʼlê zɛ ə m zaʼlə kûmə̀ efɨ̀aʼ ə Njisə̀szè etûə àwâmnè ə fɨnə zafə va ghɨ Njûsə̀.

Ngàleshyà 5:6

E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.

1 Tèsàlonikà 2:18

Ghàs tè nyîə kyiŋə se kɛsə pə fe ghàyn, nâʼà mi è ngɨŋ zɨ̂mzè ə mɔ̀msə̀ se zaʼâ shîŋə̀ tepɛ̀ pîza, Satàyn ə tàʼa za nə ghàs pəyn.

Filemùyn 1:19

Ə̀ nyâʼà kə nâʼà mi è gho kɨmke sê ghò nyiə nə, “Mi Pɔ̂l nə̀ ndaʼà nâʼàpî àndàŋ àkè kɛ ə Ònesimùs kyi se ndàʼ.” Kə ò nə lɛsè nə kè nâʼà èndam zɛze nyi kə andàŋ ə ò kyi se fo sê mi kûmə̀ nə mə tə tsàmtè ghò nə o nyi chùmtè ə̀ Klâys.

Filemùyn 1:9

pîza m nə̀ chyatə kə ghò kûmə̀ nə ò nyiə kɔŋə̀ mi, è ghɨə pomə mɔ̀ʼɔghe. Ə mi Pɔ̂l, m wâmnə̀ se ghò kə wùə ndumə ə ndɛ ə̀chaʼ kûmə̀ nə m fɨaʼà se Njisə̀s Klâys.

Ipilù 4:2

Ghâsènì se nyi mə ə zɨ tom èchùŋ kèpi èghɨ kə pɨ̀a ə ghasènìghe tè zɨ elùʼ ashəshəve. Ghənə tè zɨ nâʼà pî za, è zə tàʼa tsàmtè ghənə kûmə̀ nə ghənə tè zɨ ə tàʼa pomə̂ èkyî epomə̂zè.