Ngàleshyà 5:1 - Ŋwàʼlè ə̀ Fèzhə̀ Mkâyn Mə̂ Fèm

¹ Klâys ə fɨse ghâsènì efɨ̀aʼ akɔ̀szè kə ghâsènì ə fɨyn va èkɔ̂s. Ghàyn fɛte tyə̂m kə ghɨ ghɛ ə ghe va ekɔ̂s, kə wùə tə tàʼa fɨnə ndzɨse ghàyn efɨ̀aʼ akɔ̀szè.

Ngàleshyà 5:1 Iomraidhean Croise

Matyò 23:4

Ghənə kolə èpɨ̀aʼa etɨləve ə ghɨghə tsɨm ve tɛ se pɨ̀aʼà. Pîza vayn kàʼa tɔʼte ghənə nə pɨaʼa kɛ̀ ətəynke.

Tom èchùŋ kè kə Lûk tè nyaʼ 5:38

Ə kyi ke se ndə̀m mlɨ mê pɔ̂m ə tə̂ m̀shɔʼ mê fêm.

Ətefɨ̂aʼ 15:10

Kûmə̀ ghè ə ghàyn mɔ̀msə̀ zôyn se ndə̀m ə Fezhə̀ emɔ̀m endom nə ghàyn nə̀ nə ghɨ ghɛ ə ghe pomə se Njisə̀s pɨaʼa kyə̀ynkè, ke tsɨ̀ə kə nyî mə pɨ̀a ə ghasènìghe ghəshiə, nâʼà pî è ghâsènì ə tə fɨm se pɨàʼà kûmə̀ ghè?

Ŋwàʼlè ə̀ Pɔ̂l sê ghɨə Lûmghè 6:14

Pi kiva sə̂ kyi àtyaʼ ə ghàyn ə tu. Ghàyn va etyə̂ àlâŋ pîza ghàyn nyi ə Zhə̀fè etyə̂ àfùʼ.

Ŋwàʼlè ə̀ Pɔ̂l sê ghɨə Lûmghè 6:18

Zôyn kə Zhə̀fè nyi mə Fe ə fɨsê ghàyn etyə̂ àtyaʼ əghɛ pighe, ghàyn ə pə̀yn sə ekɔ̀s sə nə̂ èghɛ zɛ ə Zhə̀fè kyiŋə.

Ŋwàʼlè ə̀ Pɔ̂l sê ghɨə Lûmghè 7:3

Nyiəmə, ə è ndam yî ndom ə̀ mɔʼɔ mə ndom ə̀ vəyn pa nyi ètwɔ, ə tɔŋtə̂ vəyn nə wùzhɔyn vɛ ə è chùmtə̀ wùə ndomə̀ mə è pa nyi ə ndom ə ndɛ. Pîza ə ndom ə vəyn kwu, ə nyi mə kə lâŋkè tyə̀nə̀, ə è və nyi sə və ngɨŋ. Mə ə è njì ndom ə̀ ndò ashìŋə̀ nə kɛ mə, ə ze ə tyə̂ nə è paʼà chùmtè wùndômə̀ əpɨəyn.

Ŋwàʼlè ə̀ Pɔ̂l sê ghɨə Lûmghè 7:6

Pîza, zôyn ghâsènì ə fɨ etyə̀ àtyaʼ alàŋkè kə ghâsènì nyi mə kwu. Nyiəmə ghâsènì fɨyn va etyə̂ àlâŋ kə ekɔ̂s. Zɨnə ə nə̀yn zôyn ghâsènì e chûmtə̀ èndom efeve se fɨ̂aʼ se Zhə̀fè. Ghâsènì fɨaʼà se Vəyn endom vɛ ə Zuʼ sə Fezhə̀sè tsà sê ghâsènì, ə̀ vachi se chùmtè elwɔ̂ŋ vɛ ə nyi mə ə nyàʼ tsosê.

Ŋwàʼlè ə̀ Pɔ̂l sê ghɨə Lûmghè 8:15

Kûmə̀ nə zuʼ sɛ ə Zhə̀fè nyi mə fə fo se ghàyn nə̀ chîəva nə ghàyn ə nyi èkɔ̂s, pi se nə̀yn nə ghàyn ə fânə̀. Se pɨlə nə̂ nə ghàyn ə nyi ə̀ghɔ Fezhə̀ghè, famə atyaʼ ə sezuʼke, ghâsènì chìə fɨsə̂ ndûə se Zhə̀fè nə, “Pɨ̀a! Pɨ̀a Vɨ̂mvè”

Ŋwàʼlè ə̀ Pɔ̂l sê ghɨə Lûmghè 8:2

Kûmə̀ nə lâŋ ə se zuʼ kɛ ə ke pə̂ ghâsènì èndamze kə ghâsènì nyì sə afɨa àmɔ̀ʼ è Njisə̀s Klâys, ə fɨsê mi ə alàŋ ə ghɛ pighe è kwuze.

1 Kɔlìŋ 15:58

E za nyì ə soyn sɨmse chûŋsè nə, ghàyn fɛte tyəm ə nyi è pɨaʼtêzè. Ghàyn e zâŋsè nyi ke shîŋə̀ tekɨ̂m ə Pɛ̂pɛ efɨ̀aʼ kə ghàyn se ke nə ghɛ zhîze va ə ghàyn nə̀ ə Pɛ̂pɛ efɨ̀aʼ mə ze nyi sə ndô.

1 Kɔlìŋ 16:13

Ghàyn e pfɨ̂tə̀. Ghàyn fɛte kyî èpomə̂ zaynze. Kə ghàyn ə fânə̀, ghàyn e tɛ.

1 Kɔlìŋ 7:22

Ə Zhə̀fè tɔŋə̂ wùə mə nyi akɔ̂s nə è və chumtə̀ Pɛ̂pɛ, sê Pɛ̂pɛ ə è və fɨyn vachi àkɔ̂s kepî èghɨ kə wùə vɛ ə è tè va akɔ̂s ashìŋə̀ kɛ ə Klâys tè tɔŋə vəyn, ə è kəmne ə è və nyi àkɔ̂s sê Klâys.

2 Kolìŋ 11:20

Ghàyn ə kol təmə, ə zà nə ghɨghe ə njîə ghàyn kə ekɔ̂s, zhiə ə ghàyn ewìyn, chɔŋtə̂ ghàyn, nə̂ kəpiə ə tsɛ̂ ndò ghàyn, fɨnə sôylə̀ ghàyn kə piə ghàyn nyi sepu.

2 Kolìŋ 3:17

Zôyn, Pɛ̂pɛ nyi Sezuʼ, mə nâʼàpî ghayn ə Zuʼsə Fezhə̀sè nyi, ghɨghe fɨyn va èkɔ̂s.

Ngàleshyà 2:4

Ghɛ ese nə nam nə zɨnə mə tè fɨ mə ə̀ ndwìse əghɨ ə pomə akaŋ yîghe fu, kə ə pə̀yn nji ə ghàs əfètəyn se fe kə ghàs va ekɔ̂s ə Klâys Njisə̀s, se nə̀yn nə ghàs ə nyi èkɔ̂s.

Ngàleshyà 3:25

Zôyn kə kyî epoməzè nyi mə zə pə̀yn, Lâŋkè fɨnə tɔ̂ʼnə̀ va è ghâsènì.

Ngàleshyà 4:26

Pîza Njèlusalɛ̀m zɛ è nyì awulə va àkɔ̂s, ə̀ nyi nyì sê ghâsènì.

Ngàleshyà 4:31

Nyiəmə, ghɔnyì ghɨmə, ghâsènì va əghɔyn ə wùzhɔyn àkɔ̀s vɛ. Ghâsènì nyi əghɔyn ə wùzhɔyn vɛ è va akɔ̂s.

Ngàleshyà 4:9

Pîza ghàyn e sè ke Fèzhə̀ zôyn, me m kaʼa m pi nə ə̀ pɨl ndô fəynfe ə kê ghàyn. Ghàyn kàʼa ghàyn fɨyn kɛse zàyn sə fɨaʼà àkɔ̂s sê zuʼ sɛ se kyi va tyaʼke, va nâʼà eghɛ ə? Kûmə̀ ghè ə ghàyn kyiŋə se fɨnə kə̀mnè se ekɔ̀s sê zuʼ nə sɨ̂nə̀ ə?

Ngàleshyà 5:13

Zhə̀fè ə chɔʼte ghàyn ə ghɔnyì ghɨmə nə kə ghàyn ə fɨyn nyi èkɔ̂s se lâŋkè pîza, kə zɨnə nəyn nə ə ghàyn ə nə̂ ə̀ghɛ ghɛ ə wiyn vaynve kyiŋə. Ghàyn pɨl nəyn, ə kɔ̂ŋ zɛ ə ghàyn kyi, ə ze nəyn ə ghàyn ə fɨaʼà sê ghɔnyì ghayn ghəmɔ̀ʼɔ.

Ɛfesùs 6:14

Ghàyn kol ghɛ zɛ ə ze nyi səmɔʼ ə ghàyn esas kə fekô, ə kɨŋte ngàŋtè kaynke è ndam ə chichize ə tyəm ə pfɨ̂tə̀.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

1 Tèsàlonikà 3:8

Ghàs nyîə saŋnə̂ sə̂ ndamə zôyn fɨnə fànə̀ va kûmə̀ nə pomə̂ atyaʼ zaynze sê Zhə̀fè ndùə kə èshike.

2 Tèsàlonikà 2:15

Ghàs e sè pìə sê ghàyn ə ghɔnyìə nə, ghàyn kyi ke ndò pomə̂ zaynze, kə ghàyn pomə nə wùə nəyn, ə ghàyn za zaʼlê ə səmɔʼ zɛ ə ghàs tè zaʼle sê ghàyn za ə fɨnə nyâʼà sê ghàyn ə ŋwàʼlè.

Ipilù 10:23

Ə ghâsènì fɛte kyî mə ə nə̂ʼlə̀ va eghɛ zɛ ə ghâsènì kwàʼtə̀ lɨmtə, fɨnə wâmnə̀ kûmə̀ zəynze, kûmə̀ nə ghɛ zɛ ə Zhə̀fè tsɨ̀nè, è nə̀ nə̂ kə kə è pì.

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

Ipilù 3:6

Pîza, sê Klâys, è fɨ̂aʼà kə è təm ə vəynghe əkɨ̂m kə Va Fèzhə̀, nâʼàpî ghè ə pɨ̀a vəyn ə ndɛ nyi ke ə və gho. Ghâsènì nyi ndɛ ə̀ vəyn, ə ghâsènì kyi ndu kendò təm ə tɛghe è samsêzè, əfètə̂ èkwàʼtè elɨmtə zɛ ə ghâsènì kyi.

Ipilù 4:14

Ə ghâsènì fɛte kyî èkyî èpomə̂ ə ghasènìze ə zə tɛ, kûmə̀ nə ghâsènì nyîə kyi wùə èkɔʼsə nə̂ èshyə̀ engaŋtə kwəynə èghaʼâ kə è tè kɔʼ ekwùtwəyn. Wùə èkɔʼsə nə èshyə̀ èngaŋtə kwəynə nə vɨ̂yn nyi Njisə̀s, ə Va Fèzhə̀.

1 Pità 2:16

Ghàyn e ndamə èndam zaynze kə əghɨ ghɛ ə va ekɔ̂s sê wùə vîvè, pîza kə ghàyn nji zɨnə mə se ndə̀tè ə pi ə ghàyn ə tendam; ghàyn pɨl ndam kə ekɔ̂s sê Zhə̀fè.

2 Pità 2:19

Ghənə tsɨ̂nə̀ se ghɨ nə ghɨ̂yn nə ghənə fɨyn va èkɔ̂s, pîza nyi èkɔ̂s è ngɨŋ sə ghənə̂sè sê ghɛ ghɛ ə njà sewìyn sə ghənə̂sè kyiŋə. E nyi nyî kûmə̀ nə nâʼàpî àkè kɛ ə ke chisə wùə, è nyi akɔ̂s se fɨa nə kɛ mə.

Njût 1:3

Soyn sɨmse kɔ̀ŋsè, M tè nyîə mɔ̂msə̀ nâʼà ètyaʼke se nyàʼ sê ghàyn ghɛ kûmə̀ èsɔzà zɛ ə ghâsènì tsɨ̂ynte kyi, pîza zôyn mə fe nə m kyi se nyàʼ kûmə̀ èghɛ ə ndôzè mə ze nyi se chyatê ə ghàyn nə ghàyn no se ndə̀m ekyî epomə̂ zɛ ə Zhə̀fè nyi mə fe ə fo sê ghɨ ə vəynghe kè eshîŋə̀.

Etyə̂yn ə paynsêzè 2:25

M pìə kə nə, ghàyn fɛte kyî èpomə̂ zaynze se zaʼâ kə m kɛse pəyn.

Etyə̂yn ə paynsêzè 3:3

Kɛse kwaʼte ghɛ ghɛ ə tè zaʼle sê ghò è ghɛ ə ò tè zɨ. Kwiyne təm ghɛghe se pi ò nə̂ ə̀ghɛ ətəynghe. Ə ò tàʼa zə̀mə̀, ə m pfɨ̀ŋə̀ pəyn sê ghò kə wùə e chɔŋɔ, ə ò nə tàʼa kê ashîŋə̀ kɛ ə m pə̂ ətəyn.