Ngàleshyà 4:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Pîza ghàyn e sè ke Fèzhə̀ zôyn, me m kaʼa m pi nə ə̀ pɨl ndô fəynfe ə kê ghàyn. Ghàyn kàʼa ghàyn fɨyn kɛse zàyn sə fɨaʼà àkɔ̂s sê zuʼ sɛ se kyi va tyaʼke, va nâʼà eghɛ ə? Kûmə̀ ghè ə ghàyn kyiŋə se fɨnə kə̀mnè se ekɔ̀s sê zuʼ nə sɨ̂nə̀ ə?

Ngàleshyà 4:9 Iomraidhean Croise

Matyò 11:27

Pɨ̀a vɨ̂m və fo fɨave ekɨ̂m sê mi. Wùə vîvè fɛte keva Vayn ə tsɛ̂ kəva Zhə̀fè Pɨ̀a, wùə e fɛte ke va Pɨ̀a ə̀ tsɛ̂ kəva Vayn è ghɨ ghɛ Vayn chɔʼ se tyə̀nə paynsê ə Pɨ̀a sê ghənə.

Tom èchùŋ kè kə Lûk tè nyaʼ 5:38

Ə kyi ke se ndə̀m mlɨ mê pɔ̂m ə tə̂ m̀shɔʼ mê fêm.

Njɔyn 10:14

M nyi ngyəyn èchùŋ. M nyîə ke sèndzè sɨmse, ndzè sɨmse e ke Mi

Njɔyn 10:27

Ndzè sɨmse nyîə zɨə kyə̀ zɨ̂m M ke səynse, se chumtə̀ Mi.

Njɔyn 17:3

Mə ndam zɛ ə ze tə mîə va nyi se kê ə gho Zhə̀ fɛ ə Fe nyi səmɔʼ è kɨsè Njisə̀s Klâys vɛ ə ò tom.

Ŋwàʼlè ə̀ Pɔ̂l sê ghɨə Lûmghè 8:29

Ghɨ ghɛ ə Zhə̀fè tè nyi mə fe ə kàynè chitê nə tsɨnè ə̀ ghənə ə nyi kə zə Vâ Vəyn, kə vayn nə vɨnə mə tə pəyn ə è və nyi Vâ ə̀shi se ghɔnyì ə vəynghe.

Ŋwàʼlè ə̀ Pɔ̂l sê ghɨə Lûmghè 8:3

Ghɛ zɛ lâŋkè tè vayn kàʼa ə ke nəyn, kûmə̀ nə wiyn ə wûə m̀sɔ̀ŋve tè kiva tyaʼke se njiə tsɨ̀sè ə pi. Nyiəmə Zhə̀fè ə tə nə̀yn ghɛze mə lâŋkè tè vayn kàʼa ə ke nəyn. È və tə tom Vâ vəyn ewìyn ə wûə m̀sɔ̀ŋ vɛ ə ve nə̂ pi nə È mɨse tyaʼa ghɛ pike. Kə Zhə̀fè tè nəyn nyiəmə, È və mɨ̀sə̀ àtyaʼ əghɛ ə pighe ə wùə m̀sɔ̀ŋ ewìyn.

1 Kɔlìŋ 13:12

Ghɛ ghɛ ə ghâsènì fe zôyn nyì ke kə ghe nyi anâynè mə ke tɔ̂ʼɔ̀ panə va, pîza ghâsènì tə fe shwi m̀shwi awulə. Ghɛ zɛ m ke zɔ̂yn nyì ke àpɨaʼ, mə awulə, m tə kê nâʼàpî ghè, kepî kə Zhə̀fè ke nâʼàpî ghè kûmə̀ mi.

1 Kɔlìŋ 15:34

Ghàyn kɛse pəyn ə ghàyn ə tetɔf ə kəmne ə ghàyn ə tendom tə pite. M pîə nyi kə ghàyn ghomə kûmə̀ nə ghàyn yîghe keva Zhə̀fè.

1 Kɔlìŋ 8:3

Pîza mə wùə kɔ̂ŋɔ̀ Zhə̀fè, ə Zhə̀fè ə ke vəyn.

2 Kolìŋ 11:20

Ghàyn ə kol təmə, ə zà nə ghɨghe ə njîə ghàyn kə ekɔ̂s, zhiə ə ghàyn ewìyn, chɔŋtə̂ ghàyn, nə̂ kəpiə ə tsɛ̂ ndò ghàyn, fɨnə sôylə̀ ghàyn kə piə ghàyn nyi sepu.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

Ngàleshyà 3:3

Ghàyn ngò ghɛ̀ nyiə ə? Ghàyn tè zhə̀te sə ndamə tɔynə̂ ə Sezuʼ sə Fezhə̀sè, sè kyiŋə se ndamə mɨsè mə nyi ə ghàyn atyaʼ kûmə̀ ghɛ̀ ə?

Ngàleshyà 4:3

E za nyi kepî èghɨ kə ghâsènì tè pa tsɨs ndɔ̀ʼɔ nyiəm tɔʼ kê ə̀ghɛ ghɛ ə ghe nyi səmɔʼ, fɨaʼà kə ekɔ̂s sê zuʼ sɛ ə se saʼa mbi.

Ɛfesùs 1:17

M pîə m tsə̀mə̀ nâʼàpî ashìŋə̀ àkè, m chyatə̂ Fèzhə̀ Pɛ̂pɛ ə ghâsènì Njisə̀s Klâys, mə za nyi Pɨ̀a vɛ ə è kyi tyaʼa nə è fo Zuʼsə vəyn sɛ ə se fo tɔfe fɨnə tyə̂nə̀ paynsə̂ ə̀ghɛ kayntə ə vəynghe kə ghe nəyn ə ghàyn ə fɛte ke vəyn.

2 Timotì 2:19

Pîza ze tɛ se nə̀ʼsè achi ə ndɛ kɛ ə Zhə̀fè se nyi mə Fə ndə̀m, ə nyàʼà etûə ə̀təyn nə, “Pɛ̂pɛ nyîə ke ə̀ghɨ ghɛ ə̀ nyì ghə və, mə nâʼà ə̀ghɨ ə̀kɨ̂m ghɛ ə pîə nə ə nyi sê Pɛ̂pɛ, kyi se kə̀mnè epàmə ə̀ghɛ ə piə.”

Ipilù 7:18

E za tyə̀nə̀ nə ə tə zà fɨsê lâŋ emɨke kûmə̀ nə ke kyi va tyaʼa kə ke kaʼa ə ke tsamte wùə.

2 Pità 2:20

Ə ghɨə nyi mə ə tə fɨə əghɛ mbighe tsɛ tɔynə̂ ekê ə Pɛ̂pɛ ə̀ ghâsènì Njisə̀s Klâys, ə fɨnə kɛsə̂ ndûə njiə əghɛ ə mbighe, ghe ə ko ghənə kə atam mə ghənə vayn kɛsə fɨ, ə ndamtə ghɨ̀ ətəynghe ə pofə tsɛ̂ kə te tè nyì chi sə shi.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.