Ngàleshyà 4:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Kə ghàyn se nyi ə̀ghɔyn sê Zhə̀fè, fə fo Zuʼsə Va vəynse ə ghâsènì ətəm, Zuʼsə təynse e pɨa wâmnə̀ è kyə̂ ètɛ tɔŋtə̂ Fèzhə̀ nə, “Pàpa, Pàpa vɨm.”

Ngàleshyà 4:6 Iomraidhean Croise

Ŋwàʼlè ə̀ Mâk 14:36

È və tsə̀mə̀ nə, “Pɛ̂pɛ, Pɨ̀a vɨm, ghɛ ghəkɨ̂m nyîə poynə̂ sê ghò. Njiə tsɨ̀se tsôs vɨ̂nə sê Mi. Pîza, nə̀yn kə ò kɔ̀ŋə̀, ə̀ vachi kə m kɔ̂ŋə̀.”

Tom èchùŋ kè kə Lûk tè nyaʼ 11:13

Ə ghɨə piə nyiə kə ghàyn nyiə se ke se fo efɨa echûŋvè sê ghɔyn ghaynghe, ə nâʼà Pɨ̀a vâyn vɛ ə è nyi ekwùtwəyn faŋ zayn se fo sezuʼ se Ŋwaʼase sê ghɨ ghɛ ə ghe pfɨf sê vəyn ə?”

Tom èchùŋ kè kə Lûk tè nyaʼ 11:2

Njisə̀s ə pìə se ghənə nə, ghàyn piə tsə̂mə̀ ndò ghàyn piə nə: Pɛ̂, nə ə ghɨ ghe ə kɔʼsə̂ è zə zɛ nə ə fe fɔ̂yn vɛ ve

Njɔyn 14:16

M nə̀ pfɨfə sê Pɨ̀a ə È fo Tsàmtè ə̀mɔ̀ʼɔ̂ se ghàyn, mə è nə̀ ndamə faŋə ghâynghə̀ ghənə.

Njɔyn 15:26

Tsàmtè nə̀ ndô pə̂ se Pɨ̀a. È nyi Sezuʼ sɛ ə se nə̀ nə̂ nə ghɨghe ə ke səmɔʼ. Kə M nə nə mə nyi ghâsè Pɨ̀a, M nə tomə vəyn sê ghàyn, ə nyi vəyn vɛ è nə tsâ ghɛ sê ghàyn kûmə̀ Mi.

Njɔyn 16:7

Pîza, m pîə sê ghàyn səmɔʼ nə, ə̀ nyi chùŋ sê ghàyn kə m ndô. Ə M taʼa ndò, Tsàmtè vayn pə̀yn sê ghàyn. Pîza mə m ndô, ə m ndu tom vəyn sê ghàyn.

Njɔyn 3:34

Vɛ ə Zhə̀fè tom wâmnə̀ èwâmnè ə Fezhə̀zè, kûmə̀ nə Zhə̀fè ə fo vəyn è Zuʼsə Vəynse mə sə lwiyn.

Njɔyn 7:39

Njisə̀s tè wàmnə kûmə̀ Sezuʼ se Ŋwaʼa sɛ ə tè nyi se fo sê ghɨ ghɛ ə ghe pomə sê Vəyn. Ə̀ tè nyi zâ, Zhə̀fè nyi ndɔʼɔ fe nyiəm fo Sèzuʼ se Ŋwaʼase sê Vəyn kûmə̀ nə è tè pa nyi ndɔ̀ʼɔ È ndwise kɔyn ə Njisə̀s vè ekwùtwəyn se fo epomsê sê Vəyn.

Ətefɨ̂aʼ 16:7

Ə tè nyi kə ghənə ndû tâyn ekwàŋ apàs endaʼ ə Maisyàkè, ə mɔ̀msə̀ se njiə tɔynê endomve epɨ̀as endaʼ ə Pìtinyàvè, pîza Zuʼse ə Njisə̀sè ə tàʼa zà nə ghənə nji fu.

Ŋwàʼlè ə̀ Pɔ̂l sê ghɨə Lûmghè 5:5

Ə ghâsènì kyi kwâʼtèzè, ə ghâsènì tə tàʼa fɨ è gho zomghe kûmə̀ nə Zhə̀fè ə tyə̀yn se ghâsènì kə Fe tɔ̂ʼɔ̀ kɔŋə̀ ghâsènì, kə È nə̀yn kɔ̂ŋ ə Vəyn zɛ ze nji ə ghâsènì əfètə̂ təm. È nəyn zɨnə mə kə È fo Zuʼse Ŋwaʼa vəynse sê ghâsènì.

Ŋwàʼlè ə̀ Pɔ̂l sê ghɨə Lûmghè 8:9

Pîza ghàyn ndamə va kə njà saynse wìynse kyiŋə. Ghàyn pɨlə ndamə kə zuʼse kyiŋə, ezhoghɛ ə zuʼsə Fezhə̀sè ndɨŋ nyi ə ghàyn ətəm. Nâʼàpî ndè vɛ ə è kiva zuʼsə Klaysè, va yî vəyn.

1 Kɔlìŋ 15:45

Ə nyàʼ ə Ŋwàʼlè Fezhə̀ nə, “Wùə əshi Andàm, ə tè fɛte nə è və nyi wùə èndamə”; Andàm è kwùŋsə, mə ə̀ za nyi Klâys tè pə̂yn nyi sèzuʼ sɛ se nə̂ nə ghɨ ghə ndamə.

2 Kolìŋ 1:22

È və ndə̀m chwìə ə̀ Vəyn ə ghâsènì ewìyn, ə fo Sèzuʼ se Ŋwaʼase ə ghâsènì ətəm se tyə̀yn nə Fe tə fo mɨ̂sə̀ èfɨa vɛ ə Fe tsɨ̂nè.

2 Kolìŋ 3:17

Zôyn, Pɛ̂pɛ nyi Sezuʼ, mə nâʼàpî ghayn ə Zuʼsə Fezhə̀sè nyi, ghɨghe fɨyn va èkɔ̂s.

Ɛfesùs 1:13

Zhə̀fè ə fi kepî ghàyn ghɨ Ɛfesùsghè ə sɔ̀zâ ghàyn tɔynə̂ ə Klâys kə ghàyn zɨ tom è chùŋ zɛ ə è nyi səmɔʼ ə pomə. Ə̀ tè nyi kə ghàyn pomə, Fə chwìə ghàyn è Zuʼse Ŋwaʼa sɛ ə Fe tè tsɨ̀ne,

Ɛfesùs 2:18

Ə̀ nyì ke kûmə̀ Klâys ə ghâsènì əkɨ̂m kyi Zuʼse mɔ̀ʼ mə ə kaʼa ə ndu ə Pɨ̀a əshi, kə əkɨ̂m.

Ɛfesùs 4:30

Kə ghàyn nə nə̂ Zuʼse Ŋwaʼa Fèzhə̀ sɛ ə tè chwìə ghàyn è səynse ə saŋnə̂ va. Ə tè chwìə ghàyn è səynse se tyə̀yn nə tuʼfe tə pə̂, ə Zhə̀fè zhɔyn mɨ̂sè àtu kaynke.

Ɛfesùs 6:18

Ghàyn piə nə̂ ə̀ghɛ nə ghɨynə̀, ghàyn e tsə̂mə̀ sê Zhə̀fè kè shîŋə̀ tekɨ̂m, pfɨfə nâʼàpî ghè ke eghɨ kə Zuʼsə vəynse chisə ghàyn. Ghàyn piə tsə̂mə̀ ndò ghàyn e tsə̂mə̀ sê ghɨə Fezhə̀ nâʼà ə̀kɨ̂m. Ghàyn e tɔ̂ʼnə̀, kə wùə tə lɛ̂sè ètsə̂m.

Filìpây 1:19

M saŋnə̂ kûmə̀ nə m ke ndô nə tsə̂m zaynze, è Zuʼsə Njisə̀s Klaysè nə̀ nə̂ mi nə m kyi sɔzaze.

1 Tèsàlonikà 4:8

Ə̀ kwiynsə̂ nâʼàpî ndè ghɛ zɛ ə ghàs zaʼlə, ə è və kwiynsə̂ va wùə, pîza kwiynsə̂ Fèzhə̀ fɛ ə fe fo Zuʼse Ŋwaʼa sə vəynse sê ghàyn.

1 Pità 1:11

mɔ̂msə̀ se kê ashîŋə̀ ə təynke è kɨsè kə ze tə kyânə̀. Ə kɨnə nyi ashîŋə̀ kɛ ə Zuʼse ə Klâys sɛ ə se tè ndamə ə ghənə ə fètəyn tè wàmnə̀ kûmə̀ kəynke, mə se tè pìə nə Klâys nə̀ tɔynə̂ ə sèngəʼ è kɨsè zɛ ə ze tə pə̂ ə ze ə nyi epàmə̂ təyn.

Njût 1:20

Pîza, se ghàyn ə soyn sɨmse chûŋsè, ghàyn e tsâmtə̀ sèngɨŋ saynse sə̂ ndəmə̂ ə ghàyn ekyî epomə̂ zɛ ə ze lote nyi èŋwaʼze. Ə tyaʼ ə Sezuʼ se Ŋwaʼase ə tsâmtə̀ ghàyn sə̂ tsə̂mə̀.

Etyə̂yn ə paynsêzè 19:10

Mə tɨmə ə̀ngwuʼ ə və shi se ngɨmnə vəyn, pîza è zə pìə sê mi nə, “Kə ò mɔm! M fɨaʼà sê Zhə̀fè kèpi kə gho è ghɔnɛghè, è ghɨ ghəkɨ̂m ghɛ ə ghe fɛte kyi səmɔʼ zɛ ə Njisə̀s tè tyə̀yn paynsê. Ngɨmne Zhə̀fè! Kûmə̀ nə ghɛ zɛ ə Njisə̀s tyə̀ynə̀ paynsə̂ nyi zəynze ə ze nə̂ nə fɨ̀aʼtèsè ə nə̂ èfɨaʼ ə ghənə̂zè.”