Ngàleshyà 4:5 - Ŋwàʼlè ə̀ Fèzhə̀ Mkâyn Mə̂ Fèm

⁵ kə è zhɔyn tuə ghɨ ghɛ ə ghe tè nyi etyə̂ Alâŋ nə kɛ, se nə̀yn nə ghâsènì ə nyi əghɔyn sê Zhə̀fè.

Ngàleshyà 4:5 Iomraidhean Croise

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Tom èchùŋ kè kə Lûk tè nyaʼ 1:68

“Tsîtèzè nyì sê Zhə̀ fə ghɨə Isìlâyfè kûmə̀ nə fe ə pə̀yn se naynə̂ əghɨə fəynfe, se fɨnə zhɔnə atu ə ghənəà

Njɔyn 1:12

Pîza, sê ghɨ mɔʼɔ ghɛ ə ghe tè fi ndzɨsê Vəyn ə pomə sê vəyn, è və fo àtyaʼ nə ghənə ə nyi ə̀ ghɔyn ə Fezhə̀ghè.

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

Ŋwàʼlè ə̀ Pɔ̂l sê ghɨə Lûmghè 10:4

Klâys ə nə̀yn fɨ̂aʼ zɛ ə lâŋkè tè kyi se nə̀yn, nyiəmə, nâʼàpî ndè vɛ ə è pomə sê Vəyn nyi chichi ə Zhə̀fè əshi.

Ŋwàʼlè ə̀ Pɔ̂l sê ghɨə Lûmghè 8:14

Ghɨ ghɛ ə ghe chûmtə̀ ndom vɛ ə zuʼsə Fezhə̀sè tyə̀nə̀ nyi əghɔ Fezhə̀ghè.

Ŋwàʼlè ə̀ Pɔ̂l sê ghɨə Lûmghè 8:15

Kûmə̀ nə zuʼ sɛ ə Zhə̀fè nyi mə fə fo se ghàyn nə̀ chîəva nə ghàyn ə nyi èkɔ̂s, pi se nə̀yn nə ghàyn ə fânə̀. Se pɨlə nə̂ nə ghàyn ə nyi ə̀ghɔ Fezhə̀ghè, famə atyaʼ ə sezuʼke, ghâsènì chìə fɨsə̂ ndûə se Zhə̀fè nə, “Pɨ̀a! Pɨ̀a Vɨ̂mvè”

Ŋwàʼlè ə̀ Pɔ̂l sê ghɨə Lûmghè 8:19

Nâʼà efɨa èkɨ̂m vɛ ə Zhə̀fè Pom nyîə lɨmtə̂ se shîŋə̀ nə kɛ ə Zhə̀fè tə tyə̂nə̀ paynsə̂ ghɔ Vəynghe.

Ŋwàʼlè ə̀ Pɔ̂l sê ghɨə Lûmghè 8:23

Pîza, ə va ke èfɨa nə vɨ̂yn ə ve tsɔ̂ynə̀, ghâsènì ghɛ ə kyi zuʼ sɛ ə Zhə̀fè nyi mə fə fo se ghâsènì kə emaʼte ə shive, ghâsènì tsɔ̂ynə̀ kəpi ndò ə ghâsènì ətəm. Ghâsènì ə ndə̀m təm ə ghasènìghe əkɨ̂m se lɨmtê ashîŋə̀ kɛ ə Zhə̀fè tə paynsə̂ nə̂ nə ghâsènì ə nyi ə̀ghɔ vəynghe, se fiə zà mwiyn mə ghasènimè, se fɨnə fo ghâsènì è wiyn mə èfemè.

Ŋwàʼlè ə̀ Pɔ̂l sê ghɨə Lûmghè 9:4

Ghɨ ghɨm nə ghɨ̂yn nyi əghɨə Isìlây ghɛ ə Zhə̀fè tè njì sə Vəyn ə ghɔyn se tyə̀ynə paynsê epomsê ə Vəyn sê ghənə. Ə zhiə mkâyn yî ghənə ə fɨnə fo alàŋ ə Vəynke sê ghənə. È və tə chwìtè se ghənə kə ghənə kyi sə̂ ngɨmnə̂ Vəyn, ə̀ nyi se ghənə ə È tè pi nə zhi tə nə̂ èghɛ se ghənə, mə È tə nə̂.

Ngàleshyà 3:13

Klâys ə tə zhɔyn tuə ghasènìke se ndi zɛ ə Lâŋà pə̀yn è zə̂yn endom nə è və tə fi ndi ə̀təyn ə ghâsènì elùʼ, kè kə nyi mə ə nyàʼ nə, “Ndi ə̀ Fèzhə̀ nyì nâʼàpî sê ndè vɛ ə nyi mə ə ghaŋsê vəyn awâmnè.”

Ngàleshyà 3:26

Ghàyn əkɨ̂m nyi əghɔyn sê Zhə̀fè sə àfɨa àmɔ̀ʼ è Klâys Njisə̀s tɔynə̂ ə ghàyn ekyî epomə̂zè.

Ngàleshyà 4:21

Ghàyn ghɨnə ə ghàyn kyiŋə sə̂ ndamə etyə̂ Alàŋ nyî, ghàyn tsayn sê mi nə, ghàyn zɨə va ghɛ zɛ ə Lâŋà pìə mə?

Ngàleshyà 4:7

E za tyə̀nə̀ nə ò fɨyn va àkɔ̂s. Ò pɨl nyi vayn sê Zhə̀fè, kûmə̀ nyî, ò kyi èfɨa vɛ ə fe fo sê ghɔ vəynghe.

Ɛfesùs 1:5

Zhə̀fè tè se nyi mə Fə ndə̀m nə Fe tə njìə ghâsènì sə və ə ghɔyn tɔynə̂ ə Njisə̀s Klâys, mə ə̀ kɔ̀ŋ kê vəyn ə saŋnə̂ ndə̀mə̀ nə zə nyi nyî.

Ɛfesùs 1:7

Klâys ə tè zhɔyn tuə ghasènìke è ndə̂m mə vəyn mɛ ə è tè sɨs kə è kwu, Zhə̀fè ə ke lɛ̀sə fo sèpi sə ghasènìse. Zɨnə mə tyə̂nə̀ àfùʼ kɛ ə fe kyi sê ghâsènì.

Ɛfesùs 5:2

Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 1:3

Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.

Ipilù 9:12

Klâys tè paʼà njì ndəm mə nyàm nyiə kə pfɨ kɨ̀sə nyàm ə̀ mbɔ̀lɔ se nji è mənə̀m Elùʼ eŋwaʼ engaŋtə kwəynəve. È tè pɨl nji ke mndəm mə Və̂ynmè ə nji fu, shîŋə̀ze èmɔ̀ʼ, ə zhɔnə àtuə ghasènìke kè eshîŋə̀.

Ipilù 9:15

Ə̀ za nyi eghɛ ze ə Klâys nyi wùə vɛ ə è pɨaʼte kâyn me fɛ̂m se nə̀yn nə ghɨ ghɛ ə Zhə̀fè tɔŋɔ kyi pɔsê endamə faŋə zɛ ə fe tsɨ̂nè. E nyi nyî kûmə̀ nə Klâys ə tə kwu se sɔza əghɨ ə sepi sɛ ə ghənə tè nə̂ ə shɨŋ zɛ ə kàyn mə èmɨmè tè pa kyi àtyaʼ.

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.

Etyə̂yn ə paynsêzè 14:3

Ghənə ə zhəmə njàŋ èfe ashi fekyə̀ fə efɔ̀ynfè, è ashi efɨa endamə vɛ èkwàʼ, è ashi ə sechəʼke. Wùə vîvè tè vayn kaʼa è zaʼle njàŋ ə̀təyn ə̀ tsɛ̂ kə va ghɨ nə ghɨ̂yn kam ewə̀ è mghɨm kyàʼ njò sekyàʼ ghɛ ə Zhə̀fè tè nyi mə fe ə zhɔyn tu ə ghənə̂vè.

Etyə̂yn ə paynsêzè 5:9

Ghənə tə fɨyn zhəm njàŋ e fe, è pìə nə: “O kwəyn se fiə ŋwàʼlè èngɛ, è kɨsè se zhòm alɛ se ŋaʼsə zə̂ynzè, kûmə̀ nə ə tə zhwi gho, ndə̂m mɛmè ə zhɔnə ètu əghɨ̀vè ə fo se Zhə̀fè əghɨ mə ə fɨ pə̂yn ke tâŋ tekɨ̂m, wàmnə̀ tèwâmnè tekɨ̂m, ə fɨə pə̂ ndaʼ tekɨ̂m, ə fɨə pə̂ kəpî luʼ tekɨ̂m ə nyi əghɨ ətendaʼ tèkɨ̂m ə mbi, kyaʼà tèkyaʼ tèkɨ̂m. Ò tè zhɔyn àtuə ghənə̂kè è ndə̂m mɛ̂m, ə kɛsə̂ fo ghənə sê Zhə̀fè.