Ngàleshyà 4:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,

Ngàleshyà 4:4 Iomraidhean Croise

Matyò 1:23

“Ngɔ̀yn zhîzè, mə è paʼà tyəm nyîŋə̀ yî wùndômə̀, Nə̀ tyəmə̂ èndwɔ̂ ə è piə vâyn èndômə̀, Ə tsɨ zə vəyn nə, Ìmanuwɛ̀l.” Zə nə zɨnə nyi nə, “Zhə̀fè nyì ghâsènì.”

Matyò 3:15

Pîza, Njisə̀s ə pə̀ynsə̀ sê vəyn nə, “Za ə zə nyi ke zamə kè fa ashìŋə̀. Famə endom, ə ghâsènì nə nəyn ə̀ghɛ ə̀kɨ̂m ghɛ ə Zhə̀fè kyiŋə.” Njɔyn ə se pomə̂ se fo Vəyn è môm.

Matyò 5:17

Kə ghàyn ə kwaʼtə nə m pə̂ mbi se kəʼsê Alâŋ ə Mosîskè è zaʼlê ə se fɨ̀aʼtè. M pâʼà pə̀yn se kəʼsə̂ təynte, pîza se pɨlə nə̀yn nə zaʼlê ə ghənə̂zè pəyn səmɔʼ.

Ŋwàʼlè ə̀ Mâk 1:15

pîə nə, “Shîŋə̀ kə kwəyn fɔ̂yn ə Fezhə̀ və paʼsê. Ghàyn kwiyne təm ghaynghe piə ə pomə̂ tom èchùŋ zɨ̀yn.”

Tom èchùŋ kè kə Lûk tè nyaʼ 1:31

Ò ke nə ò nə̀ tyəmə̂ èndwɔ̂ ə ò piə vayn ndômə̀ ə ò tsɨ̀ zə əvəyn nə Njisə̀s.

Tom èchùŋ kè kə Lûk tè nyaʼ 1:35

Tsì ə̀təyn ə pə̀ynsə̀ pìə sê vəyn nə, “Zuʼ se ə Ŋwaʼase nə̀ tso ə gho tu, ə tyaʼ ə Fèzhə̀ fɛ fe ngaŋte kwəyn kɨyte gho. E za tyə̀nə̀ nə vayn nə vɨ̂nə tə ndô pə̂ kə nâʼà sê Zhə̀fè. Ə tə nə̀ ə tɔŋtə̂ vəyn nə Va Fèzhə̀.

Tom èchùŋ kè kə Lûk tè nyaʼ 2:7

È və pîə va vəyn və̂ ngɔ̀yn, ə nyi vâyn ndômə̀, ə ngolə̂ vəyn ə èpɨ̂aŋ ə sendzɨse ə nyɨ̀ŋsə̀ vəyn ə ngwùʼ zɛ ə nyamse tè zhiə ətəyn kûmə̀ nə luʼe tè kɛse va ə ndɛ zɛ ə ghɨ kwiə tè pə̀ ndamtə̂ ətəyn.

Tom èchùŋ kè kə Lûk tè nyaʼ 20:44

Ə za tè se nyi mə Ndàfît nə̂ tɔŋtə̂ vəyn nə Pɛ̂pɛ, è və fɨyn nyi zàyn vayn sê Ndàfît ə?” (Matyò 23. 1-36; Mâk 12.38-40.)

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Njɔyn 10:36

Kè sê Mi, Pɨ̀a ə chɔʼ Mi ə tomə ndzɨsə̂ ə mbi. E se kwî zàyn nə ghàyn ə pîə nə M sôylə̀ Fezhə̀, kûmə̀ nə M pi nə M nyi Vâ ə̀ Fèzhə̀?

Njɔyn 3:16

kə Zhə̀fè tè kɔ̀ŋə tsɛsə̀ mbi, ə fo Vâ ə̀ Vəyn mə è tè nyì ke èmɔ̀ʼ kə nâʼàpî ndè vɛ ə è pomə sê Vəyn tə tàʼa kwu pîza ə è kyi ndam zɛ ə ze tə mîə va.

Njɔyn 6:38

Kûmə̀ nə M paʼà tso pəyn ekwùtwəyn se nə̀yn eghɛ zɛ M kɔ̂ŋɔ̀, pîza se nə̀yn ə zɛ ə Pɨ̀a Vɨ̂m vɛ ə È tom Mi kɔ̂ŋɔ̀.

Njɔyn 8:42

Njisə̀s ə pìə sê ghənə nə, “Ə Zhə̀fè tè lote nyi Pɨ̀a vâyn, mə ghàyn kɔ̂ŋɔ̀ ndò Mi kûmə̀ nə M ndo pə̂yn se Zhə̀fè nyi zôyn fàyn. M tè paʼà pə̀yn chi sə Mì ə ngɨŋ pîza È tè tom ndô Mi.

Ətefɨ̂aʼ 1:7

Njisə̀s ə pə̀ynsə̀ sê ghənə nə, “Ghàyn kyi va tyaʼa se kê ashìŋə̀ kɛ ə ghɛ nə ghɨnə tə kyânə̀ ətəyn. Ə̀ nyi Pɨ̀a kə È kyi tyaʼke se pɨaʼtê ashîŋə̀ è tuʼ fɛ ə nâʼàpî èghɛ èkè kàʼaze tə kyayn.

Ŋwàʼlè ə̀ Pɔ̂l sê ghɨə Lûmghè 1:3

Tom èchùŋ nə zɨ̂yn wàmnə̀ kûmə̀ Vâ Fèzhə̀, ə Pɛ̂pɛ ə̀ ghâsènì Njisə̀s Klâys. È tè piə è pə̀ ə chi sə wûə m̀sɔ̀ŋ, ə pîə Vəyn esas ə ndɛ ə Ndàfîtzè.

Ŋwàʼlè ə̀ Pɔ̂l sê ghɨə Lûmghè 15:8

M tsâ se ghàyn nə Klâys tè pəyn sə wûə èfɨ̀aʼa sê ghɨ Njûsə̀ se tyə̀yn sê ghənə nə tsɨ̂nè ə Fezhə̀zè pfɨ̀ə tsɛ̂ va. È tè nəyn nyi se lwiynse etsɨnè zɛ ə Zhə̀fè tè nə̀yn sê pɨ̀a ə pɨ̀a ə ghənə̂ghè.

Ŋwàʼlè ə̀ Pɔ̂l sê ghɨə Lûmghè 5:6

Shîŋə̀ kɛ ghâsènì tè kyi pîva tyaʼâ femɔ̀ʼ se tsàmtə sengɨŋ sə ghasènìse, Klâys tè kwu ə ghâsènì ghɨ pighe elùʼ ashìŋə̀ kɛ ə Zhə̀fè tè ndəm.

Ŋwàʼlè ə̀ Pɔ̂l sê ghɨə Lûmghè 8:3

Ghɛ zɛ lâŋkè tè vayn kàʼa ə ke nəyn, kûmə̀ nə wiyn ə wûə m̀sɔ̀ŋve tè kiva tyaʼke se njiə tsɨ̀sè ə pi. Nyiəmə Zhə̀fè ə tə nə̀yn ghɛze mə lâŋkè tè vayn kàʼa ə ke nəyn. È və tə tom Vâ vəyn ewìyn ə wûə m̀sɔ̀ŋ vɛ ə ve nə̂ pi nə È mɨse tyaʼa ghɛ pike. Kə Zhə̀fè tè nəyn nyiəmə, È və mɨ̀sə̀ àtyaʼ əghɛ ə pighe ə wùə m̀sɔ̀ŋ ewìyn.

Ŋwàʼlè ə̀ Pɔ̂l sê ghɨə Lûmghè 9:5

Ghənə nyi əghɔ ghɔynə pɨa pɨa ghasènìghe. Kə tè piə Klâys kə wùə m̀sɔ̀ŋ, È tè fɨ pə̂yn ə ghənə etàŋ. Tsîtèzè nyì sê Zhə̀fè sə teshìŋə̀ tèkɨ̂m, ə Vəyn vɛ fɨave ekɨ̂m nyi ə vəyn etyə̂ àtyaʼ. Ə ze ə nyi ke zamə.

Ɛfesùs 1:10

Zhə̀fè ə ndə̀m nə tuʼfe tə kwənə, ə Fe tsɨynte fɨave ekɨ̂m ekwùtwəyn ə Fe fɨyn tsɨ̂yntè ə chi ə Fe ndə̂m ke ə Klâys etyə̀.

Kòlosè 2:14

È nyi kəpiə è və zə̀s tsɨsè pi sə ghâsènì sekɨ̂m elùʼ vɛ ə è tè nyaʼ. E tyə̂nə̀ nə pi ə̀təyn fɨyn va. Zhə̀fè ə payntê pi ə̀təyn awâmnè, kè kə è paynte Klâys awâmnè, è ve kwu.

1 Timotì 2:6

vɛ ə è fo ngɨŋ ə Vəyn ə kwu se zhɔyn atu əghɨ̀ ə̀ kɨ̂mkè. Kə shîŋə̀ kɛ ə Zhə̀fè tè chɔʼ kwəyn, Zhə̀fè ə nə̀ nə Njisə̀s Klâys ə nyi chwìə nə zhi kyiŋə se sɔzà əghɨ ə̀kɨ̂m.

1 Timotì 3:16

Wùə vîvè vayn kwiynsê nə pomə ə ghasènìze nyîə kyi èghɛ e ndətəze, ze ghaʼa kə nyi: Klâys ə tə pə̀yn sə wûə m̀sɔ̀ŋ, Zuʼse Ŋwaʼase ə tyə̀nə̀ nə è nyi va Fèzhə̀, tsìsè ə fe vəyn, ə tə ndàʼà tom kûmə̀ vəyn ə tèndâʼà tèkɨ̂m, ghɨghe ə pomə se vəyn ə telùʼ tekɨ̂m ə mbi, Zhə̀fè ə njìə kɔʼsə̂ vəyn ekwùtwəyn.

Ipilù 2:14

Ghɔyn nə ghɨyn ə è tè pìə, nyi ke nâʼà ə̀ghɨ, kyi sènjyàse wìynse è ndə̂mə̀m. Ə̀ za nyi eghɛ zɛ ə ze tè nəyn, Njisə̀s è ngɨŋə̂ vəyn e sè nyi kepî wùə kə ghənə kə è kwu ə è pofse vəyn vɛ ə è nə̂ nə ghɨ ghə kwuə, mə za nyi ndə̂plè.

Ipilù 9:10

Fɨa nə vɨnə ə tsâ nyî, kyi ke èghɛ se nə̀yn èfɨa e zhiəve è kɨsè lɨ̀m, è lwɔ̂ŋ əmɔ̀ʼɔve sə̂ shûə ə̀gho, ə̀ vɨnə nyì ke elwɔ̂ŋ ə senjyà sə ewìynse, nyi se mì ashìŋə̀ kɛ Zhə̀fè kɛse fɛte fɨave sə fe.

1 Njɔyn 4:14

Ghâsènì ə fe, tsâ ndûə se ghɨə mɔ̀ʼɔ nə Pɨ̀a ə tə tom Va vəyn nə è və nyi sɔ̀zà ə̀ mbi.

1 Njɔyn 4:2

Ghɛ zɛ ə ghàyn kaʼa ə ghàyn nəyn se ke nə wùə kyi tê Sèzuʼ sə Fezhə̀ nyi nə, nâʼàpî ndè vɛ ə è pì nə Njisə̀s Klâys te pə̀yn ə mbi ewìyn ə wûə m̀sɔ̀ŋve, ə nyi mə è nyîə kyi Sèzuʼ sə Fezhə̀ sè.