Ngàleshyà 4:3 - Ŋwàʼlè ə̀ Fèzhə̀ Mkâyn Mə̂ Fèm

³ E za nyi kepî èghɨ kə ghâsènì tè pa tsɨs ndɔ̀ʼɔ nyiəm tɔʼ kê ə̀ghɛ ghɛ ə ghe nyi səmɔʼ, fɨaʼà kə ekɔ̂s sê zuʼ sɛ ə se saʼa mbi.

Ngàleshyà 4:3 Iomraidhean Croise

Matyò 11:28

Ghàyn pəyn sê mi, ə ghàyn əkɨ̂m ghɛ ə ghàyn nyi mə pɔ se pɨàʼà ekyə̀yn etɨlə ve ə M fo zɨ̀tèkè sê ghàyn.

Njɔyn 8:31

Njisə̀s ə pìə sê ghɨ ə Njûs ghɛ ə ghe tè pomə sê vəyn nə, “Ə ghàyn chùmtè zaʼlê zɨme, ə ghàyn ə lote nyi sèchùmtè èpàm Sɨmse.

Ətefɨ̂aʼ 15:10

Kûmə̀ ghè ə ghàyn mɔ̀msə̀ zôyn se ndə̀m ə Fezhə̀ emɔ̀m endom nə ghàyn nə̀ nə ghɨ ghɛ ə ghe pomə se Njisə̀s pɨaʼa kyə̀ynkè, ke tsɨ̀ə kə nyî mə pɨ̀a ə ghasènìghe ghəshiə, nâʼà pî è ghâsènì ə tə fɨm se pɨàʼà kûmə̀ ghè?

Ŋwàʼlè ə̀ Pɔ̂l sê ghɨə Lûmghè 7:14

Ghâsènì nyiə ke nə Lâŋ kɛ ə ghâsènì wàmnə̀ kûmə̀ kəynke nyi afɨa ə sezuʼ. Pîza m nyi wùə m̀sɔ̀ŋ. M nyi kə wùə ə pəʼle etyə̂ pi kə akɔ̂s.

Ŋwàʼlè ə̀ Pɔ̂l sê ghɨə Lûmghè 8:15

Kûmə̀ nə zuʼ sɛ ə Zhə̀fè nyi mə fə fo se ghàyn nə̀ chîəva nə ghàyn ə nyi èkɔ̂s, pi se nə̀yn nə ghàyn ə fânə̀. Se pɨlə nə̂ nə ghàyn ə nyi ə̀ghɔ Fezhə̀ghè, famə atyaʼ ə sezuʼke, ghâsènì chìə fɨsə̂ ndûə se Zhə̀fè nə, “Pɨ̀a! Pɨ̀a Vɨ̂mvè”

2 Kolìŋ 11:20

Ghàyn ə kol təmə, ə zà nə ghɨghe ə njîə ghàyn kə ekɔ̂s, zhiə ə ghàyn ewìyn, chɔŋtə̂ ghàyn, nə̂ kəpiə ə tsɛ̂ ndò ghàyn, fɨnə sôylə̀ ghàyn kə piə ghàyn nyi sepu.

Ngàleshyà 2:4

Ghɛ ese nə nam nə zɨnə mə tè fɨ mə ə̀ ndwìse əghɨ ə pomə akaŋ yîghe fu, kə ə pə̀yn nji ə ghàs əfètəyn se fe kə ghàs va ekɔ̂s ə Klâys Njisə̀s, se nə̀yn nə ghàs ə nyi èkɔ̂s.

Ngàleshyà 3:19

Lâŋà tè nyì se gha ghe? Ə tè kwəynse Alâŋ etûə m̀kàyn kə wùə pfɨ̀ə, è və kê nə zhi ə nə̀yn pi. Lâŋkè kyi sə̂ nyi ke ndò se zaʼâ kə ghâŋfə Aplàghâmfè pəyn, ə fɛ ə Zhə̀fè tè nəyn tsɨ̂nè nə zɛ se fəynfe. Ə tè tom setsì è lâŋa ətəynke sê Mosîs nə è tsɛ̀se sê ghɨ.

Ngàleshyà 4:2

Kè kə è pa tətə, ə kyi ə̀ghɨ sə tɔ̂ʼnə̀ è vəyn è kɨsè fɨa ə vəynve kə è tə ndəmə̂ kwəyn ashìŋə̀ kɛ ə pɨ̀a vəyn tè ndəm.

Ngàleshyà 4:24

Zɨnə mə tyə̂nə̀ èghɛ: Zəyn nə ghɨnə mə əpɛ̀ tè tyə̀nə mkâyn m̀pɛ̀. Emɔ̀ʼ njìə eluʼ ə mkàyn mɛ ə Zhə̀fè tè zhi yî Mosîs ə pfɨ̀nə̀ Sinày, zə ə wùzhɔyn nə vɨnə tè nyi Angà mə è piə ə ghɔ vəynghe, ghe nyi sə ekɔ̀s.

Ngàleshyà 4:25

Angà vɛ ə è nyi kə pfɨ̀ynə̀ Sinày endaʼ ə Àlapyà, njìə èluʼə Njèlusalɛ̀m zɛ ə è nyì zôyn, zɛ ə è fɨaʼà kɔ̂skè yî ghə̀ ghɨə vəyn ghəkɨ̂m.

Ngàleshyà 4:31

Nyiəmə, ghɔnyì ghɨmə, ghâsènì va əghɔyn ə wùzhɔyn àkɔ̀s vɛ. Ghâsènì nyi əghɔyn ə wùzhɔyn vɛ è va akɔ̂s.

Ngàleshyà 4:8

Ə̀ tè nyi sə shi kə ghàyn tè pa nyi ndɔʼɔ ke Zhə̀fè, ghàyn e nyi èkɔ̂s sê fɨave, mə ve va pî m̀zhə̀.

Ngàleshyà 4:9

Pîza ghàyn e sè ke Fèzhə̀ zôyn, me m kaʼa m pi nə ə̀ pɨl ndô fəynfe ə kê ghàyn. Ghàyn kàʼa ghàyn fɨyn kɛse zàyn sə fɨaʼà àkɔ̂s sê zuʼ sɛ se kyi va tyaʼke, va nâʼà eghɛ ə? Kûmə̀ ghè ə ghàyn kyiŋə se fɨnə kə̀mnè se ekɔ̀s sê zuʼ nə sɨ̂nə̀ ə?

Kòlosè 2:20

E nyi zôyn kəpi ghàyn ə kwu paʼse ghâynghə̀ Klâys. Nyiəmə lwɔ̂ŋ ə mbive fɨyn kyi va tyaʼke ə ghàyn ətu. Ə̀ nəyn ghe nə ghàyn ə pa chûmtə̀ èlwɔ̂ŋ nə vɛ mə kəpiə mbi fɨyn kyi ndò tyaʼke ə ghàyn ətuə?

Kòlosè 2:8

Ghàyn e tɔ̂ʼnə̀ se fe nə kə wùə tə lesə̂ ghàyn se zaʼlə ghàyn è ghɛ ə akaŋghe. Ghɛ zɛ ə ghənə zaʼlə ghàyn ətəyn nyi ezaʼlê mə ze ndo pə̂yn sê pɨ̀a ə pɨa ə ghənə̂ghè, mə ze chûmtə̀ èlwɔ̂ŋ ə ghɛ mbighe. Zaʼlê nə zɛ nyi zɛ ə ze ndô pə̂ se ghɨ msɔ̀ŋghe, ə̀ vachi se Klâys.

Ipilù 5:12

Ghàyn fe nyì sə̂ nyi zôyn, zaʼlə̂ ə̀ghɨ è ghɛ Fezhə̀zè pîza wùə pa kyi kendò se zaʼlə ghàyn è ghɛ ə shighe kûmə̀ tom ə̀ Fèzhə̀. Ghàyn pa kyi ke sə̂ nyɔŋɔ èyiyn nyiə kə ghɔyn epɔ. Ghàyn paʼà nyìəm kwəyn sə̂ zhiə èfɨazhiə e twɔve.

Ipilù 7:16

Ə tè paʼà ndə̂m vəyn sə wùə èkɔʼsə nə èshyə̀ tɔynə̂ elwɔ̀ŋ ə ghɨ̀vè pîza tɔynə̂ atyaʼ endam zɛ ə ze tə mîə va.