Ngàleshyà 4:12 - Ŋwàʼlè ə̀ Fèzhə̀ Mkâyn Mə̂ Fèm

¹² M chyatə̂ ghàyn ə ghɔnyìə ghɨmə nə ghàyn ə nyi ke kə mi kûmə̀ nə m nyi kepî kə ghàyn. Ghàyn paʼà nə̀yn pi zhîzè sê mi.

Ngàleshyà 4:12 Iomraidhean Croise

Ətefɨ̂aʼ 21:21

Ə tsàyn sê ghənə nə ò zaʼlə̂ ə̀ghɨ Njûs ghɛ ə ghənə ndamə ə tendaʼ tə atumte nə kə ghənə ə ndə̂mə̀ tèsaʼ tɛ ə Mosîs tè pə̀yn è təynte, fɨnə tsâ kəpî nə ò piə nə kə ghənə ə se ə̀nam ə ghɔyn ə ghənə̂ghè, pî se ndam kə saʼ ə Njûszè tyə̀nə̀.

2 Kolìŋ 2:5

Zôyn, ə wùə vîvè nyi mə è və nə̀yn nə və mɔʼɔ saŋnə̂ va, ə nyi mə è paʼà nə̀yn chi sê mi pîza se ghàyn əkɨ̂m, endom vîvè. (M pîə zɨ̂nə mə kûmə̀ nə m kɔ̂ŋɔ̀ va se nə̀yn nə ghɛ ətəynze ə tɛ se vəyn.)

2 Kolìŋ 6:11

Ghàs ə wàmnè sê ghàyn ə ghɨə Kolìŋə̀ kè ə ndayn, pa kɔ̂ŋɔ̀ kə ndò ghàyn nâʼà sə ŋaŋ.

2 Kolìŋ 6:13

M wàmnə̀ sê ghàyn zôyn kəpiə m wâmnə̀ se ghɔyn ghɨmə. M pîə nə ghàyn ə pɔŋɔ kɔ̂ŋɔ̀ ghàs kèpî èghɨ kə ghàs kɔ̀ŋɔ̀ ghàyn.

Ngàleshyà 2:14

Ə pə̀ kə m fe nə ghənə nə̂ ə̀ghɛ, ghe va chichi kə səmɔʼ zɛ ə tom èchùŋ zaʼlə, mə wàmnə̀ sê Pità kə ghɨghe əshi ə̀kɨ̂m ə pìə nə, “Ò kwì zayn sə̂ nyi wùə Njû, ndamə kə wùə vɛ ə vachi wùə ə Njûs ə. Ò kàʼa o kâynə̀ zàyn nə ghɨ ghɛ ə̀ vachi ə̀ghɨ ə Njûsə̀ nə ghənə ə ndamə kə ghɨə Njûsghə?”

Ngàleshyà 4:11

M fânə̀ nə fɨ̂aʼ zɨm zɛ ə m tè nə̀yn ə ghàyn əfètəyn ə njìsè ke səndô!

Ngàleshyà 4:13

Ghàyn ke nə m tè pə̀yn tsâyn tom è chùŋ sê ghàyn sə shi mə ə̀ nəyn ezaf kə m zafə.

Ngàleshyà 6:14

Pîza sê mi, m nə̀ wâmnə̀ ə ndayn kûmə̀ Pɛ̂pɛ ə̀ ghâsènì Njisə̀s Klâys vɛ ə è tè kwu awâmnè, kûmə̀ nə tɔynə̂ ə vəyn awâmnè, fɨa mbive nyi ke kə efɨa ekwutəve, m nyi ke kə afɨa ə kwuəke se fɨa ə mbive.

Ngàleshyà 6:18

Ə fùʼə Pɛ̂pɛ ə ghasènìke Njisə̀s Klâys ə nyi sê ghàyn əkɨ̂m ə ghɔnyì ghɨmə. Ə zə nyi ke zamə.